BOTHUBO 18:25 - Sumi Naga CL (Re-edited) Bible (BSI)

²⁵ Tikithipu shi amikuchomi pesü küsaküghami gholono pithiveni keu ye O launo putosüve lo, tishive aye amikuchomi ye küsaküghami paphi shivae! Ti ye O launo putosüve lo! Ayeghi kümtsü shou Xaküthau ye achipiu shimoni keshea?”

BAIBEL (BSI)

²⁵ Tikithipu shinikeu tiye olauno putosu ape kepue: amikuchomi pesu alhoksami paphi shikeuye olauno putosu apekepue. Ayeghi kumtsu shou kughakuthauye achipiu shimoni kesha?”

BOTHUBO 18:25 Referans Kwoze

JOB 8:3

Alhou ye kuchou xakütha tuchighiveni keshea? Momu Akughushuu ye achipiu tuchighiveni keshea?

JOB 8:20

“Julo, Alhou ye tukutiye küha kemi kileve chemoe, momu alhoksa kümlami mu kuphu chemoe.

LESHELE 58:11

Timiqo no pi nani, “Mtsüqheino amikuchomi ghenguno asaxü ani; mtsüqheino ayeghi shou xaküthau Alhou ani.”

ZAKINIU 32:4

“Pa ye Atuqu, Pa kümla ye kupukülai, Pa kümla kümtsü achipiu ke. Pükhübekulu eno akipimi kühakeu Lhou ke, achipiu eno amikucho ye Pa ke.

LESHELE 94:2

Ithulo O ayeghiqha xaküthau; aqheküzami no kiu ithulu küzü keno tsüchile lo!

2 Kor. 5:10

Kughengu ningu kümtsü Khristow küghakütha zülo puthugho masa nani, eno akivi na alhoksa namu pütüta no kiu mla püani keno tipau kiqi lono asaje ithulu nani.

MALAKI 3:18

Tishino achipiu mikuchou ngo küsaküghau dolo, eno I qe chekeu ngo qe chemo keu dolo kiyeqü akeu nongu no ithulu nani.

LESHELE 98:9

Ampeu zülo ale phepe lo, kughengu Pa ye ayeghiqha shou küghathabe nike ighi ani. Pa no achipiu mikucho pesü ayeghiqha shou eno aghibiu lono timiqo shou küghatha nani.

JEREMIYA 12:1

O Ampeu, O lau muchho kelo No ye achipiu shicheni; tishimu I vehu pesü O qhüinijuni. Kushiye kixikilami no kinikülü shicheni kea? Kushiye pishikiqhimi kümtsü no ikoishelu cheni kea?

YETSAPIU 7:15

Iw adou küxü lono I no thokha ithuluvae. Amikuchomi no pa mikucho lono thive cheni, eno kixikilami no paw kixikila kümla lono pa xüpushu cheni.

IBRIMI 12:23

Nongu ye Alhou nuli anoghimi khunoqo je kungugha lo yepüani keno tipaqo mqo lo, kümtsü shou Küghaküthau Alhou lau, eno Alhou zülo kupukülaive kemi amikuchomi ghungu lau ighivae.

BOTHUBO 18:24

Kümsüju kelo mishighüna lo amikuchomi lhopungu aghi aye, amikuchomi lhopungu tile akeqo ghenguno mu No ye ghümono joleveni keshea?

ZAKINIU 1:16

I no nongu shou xaküthami azah tsü, ‘No thiküzümi dolo aküküpnaqo tsaqüi inilo, Israelmi athiküzümi dolo na inaghami lakhi pano gholo akeu sasü namu, kuchou xakütha shilo.

ZAKINIU 1:17

Xakütha lo agi jumoni. Kitilami na kijemi namu aphiphi shi küghatha lo. Khunomu nongu shikümsape kevilo, kughengu xakütha ye Alhouw ke. Aküküpna khikhi no nongu ghenguno kushokütsü keno I lau süghini, eno I no ti xathatsü nani.’

XAKUTHAMI 11:27

Tighenguno, ni ye khilemu o lau küqü püamoe ikemu no ye I leighi akeu lono akipimi shi ani. Ampeu, Xaküthau no ishi tsala lono Israelmi ngo Ammonmi dolo xakütha tsü peniu.”

YEKIKITHI AKINIU 19:7

Tishiaye Ampeu sükümsa nongu shou alo. Nongu no xatha keu lo kutokupui lo, kughengu Ampeu ni Lhou ghenguno amikucho kumo momu agikuju momu külügho kulu ye a-a kühae.”

NEHEMIA 9:33

Tishimu ni shou ikughi ke kümtsü lo No ye amikuchoe, kughengu nino axine shive kemu, No ye pükhükulupu ke.

JOB 34:10

“Ikehu nongu amlokütsümi, I tsa inilo: Alhou no kixikila kümla shinie pikeu ye alatsae, eno Akughushuu ye khilemu küqüni chemoe.

YETSAPIU 3:17

I mlo lono I no pi, Alhou no amikuchomi eno kixikilami shou küghatha nani, kughengu avehu eno akümla kümtsü ghenguno ado anike.

JEREMIYA 11:20

Ikemu, aqokitikhi MPEU, amikucho xaküthau, amlo eno akükümsü peju chekeu, panongu shou O mkhükulu I pelo ithulu pelo, kughengu ni ye O lau I vehu kulhuqhivae.

EZEKEL 18:25

“Ikeghi nongu no pi, ‘Ampeu laghi ye achipi kumoe.’ Itehi inilo, O Israel laghami: I laghi ye achipiu kumo keshea? Nongu laghiqou no achipikumo ke kumo?

AKIKIHI 16:22

Ikemu pama no ayeghi lo pishiqho ghi itsaqi no pi, “O Alhou, timi ghungu kümtsü shou Alhou, timi lakhi xine ghenguno no ye ahohomi kuchopu shou agha ideni keshea?”

YEKIKITHI ATUGHIU 16:33

Tileno aghasa lo asüboqo no Ampeu zülo alokivi shi ale phe nani, Pa no ayeghi lo ayepe nike ighi nani.

JOB 34:12

Kuchou vehulo Pa ye khilemu küsakügha shimo nani, eno Akughushuu ye khilemu achipiu tuchighi monani.

LESHELE 7:12

Timi no xaidemo aye Alhou ye Pa zütakikihi chighiuve cheni; Pa ye Paw shexilika piqepe kutoluve cheni;

LESHELE 50:6

Kungugha no Pa chipiu mikucho sheshue, kughengu Alhou ampi no küghaküthau ke!

LESHELE 75:3

Ayeghi eno tile küxümi kümtsü sükuchoqhi kelo, tipa tsükuchoqo mtotoi ngolupe keu ye I no ke.