BOTHUBO 17:7 - Sumi Naga CL (Re-edited) Bible (BSI)

⁷ I no o Lhou eno o thiu tikughukomi Lhou shinike Iw puloshoqhi Nikujo dolo shi nani eno o thiu tiqheli kupuju lo shekhaha puloshoqhi shi nani.

BAIBEL (BSI)

⁷ I-u puloshoqhi lakhi nikujo dolo eno opolo kughuko chekemi tiqhelino tiqheli kutolo shini tiye ipelo olhou shipeni eno panoqo Lhou shipeni keu puloshoqhi ke.

BOTHUBO 17:7 Referans Kwoze

BOTHUBO 26:24

Eno Ampeu no tipaji pa lau ipeghi no pi, “Ni ye o pu Abraham Lhou ke. Msa kevilo, kughengu I no o gholo ani, eno o kümghatsü nani eno I qeu Abraham je lono o tikughuko kighishe tsü nani.”

Apostolmi 2:39

Kughengu ashoqhi ye nongu eno no tianuli eno khunoqo putou ani keno, Ampeu ni Lhou no Pa lau kulu kemi kümtsü ghenguno ke.”

BOTHUBO 15:18

Tipa tsalani Ampeu no Abram sasü puloshoqhi lakhi shino pike, “O tikughuko lau I no ayeghi hipau tsü ani, Egypt ghoki lono aghoki kije, Euphrates ghoki kuto,

IBRIMI 8:10

Ampeu no sheshu, hipa thiu I no Israel kibolomi sasü puloshoqhi shinikeu ye hike: I no I Yezah pesü pano kükümsü lo sütsü nani, eno pano mlo lo yepukutsü nani, I no panongu Lhou shi nani, eno panongu no Iw timi shi nani.

IBRIMI 11:16

Ikemu panongu ye aghakhu akiviu, ti kungugha lo akeu, kümsü kütüche. Tighenguno Alhou no Pa ye pano Lhoue pinike kujove moe, kughengu panoqo ghenguno Pa no aphughi lakhi kuto püanike.

ACHINE 26:12

I no nongu gholo anani eno nongu Lhou shinani, nongu no Iw timi shinani.

BOTHUBO 28:13

Eno julo, Ampeu no tipau shou aghi no pi, “Ni ye Ampeu, o pu Abraham Lhou eno Isaac Lhou ke. Nono ayeghi khile ngo ani keno I no no eno o tikughukomi tsüni.

Rommi 9:4

Panongu ye Israelmi, eno hi kümtsü panoqo saje shitsüe: Alhou nuli shi saluve keu; ajuküvüpu; puloshoqhi; Ayezah; akümlla; eno pikiqhitsa.

Mark 10:14

Ikemu kughou Jisü no ti ithulu keno, pa ye aghaideve no panoqo vilo pi, “Itimiqo pelo I lau ighi pelo; panoqo lakha kevilo, kughengu Alhou yekipe ye hitoi keqo salae.

MATTHEW 22:32

‘Ni ye Abraham Lhou, Isaac Lhou, eno Jacob Lhou ke.’ Pa ye küxümi Lhou kethono kithimi Lhou kumoe.”

MICAH 7:20

Nono khaghi no ni puasü lau piqhike toi No ye Jacob lau pükhükulupu eno Abraham lau iqemokeu kikimiye piye nani.

EZEKEL 28:26

Panongu no sükusho lono küghünauve nani, panongu no atsaibo shosü eno aki shiqhe puku nani. I no pano kisüghümi khunono küthaküghapu shi pano peitha keno panoqo kümtsü lau Iw küghakütha bekelo panongu ye sükusho lono küghünauve nani. Tileno panongu no Ni ye Ampeu pano Lhou kepi ithi nani.”

IPEKULU 6:4

Canaan yeghi khipau lo panongu no kachenami shi ache keno tipau panoqo tsünie pi I no panongu sasü ghi Iw puloshoqhi shike.

IPEKULU 3:15

Alhou no Moses vilo highi pi, “Israelmi vilo hi pilo, ‘Ampeu, nongu puasü Lhou, Abraham Lhou, Isaac Lhou, eno Jacob Lhou no nongu lau I puwu anie.’ Alholo hi no I je ke, ikehu tiqheli kupuju lo hitoi I kümsülu chelo.

IPEKULU 3:6

Eno Pa no pi, “Ni ye o pu Lhou, Abraham Lhou, Isaac Lhou eno Jacob Lhou ke.” Moses no pa gi küsüve, kughengu pa ye Alhou junike msave.

Ephesiami 2:2

Ti ye hipa yeghi lo küxü la pape, amülhü lo aghawu küka pape, itehi hekibidemi nuli lau mla akeu ghawu pape chenipi

LESHELE 81:10

Ni ye Ampeu nongu Lhou, Egypt yeghi lono nongu saipeghi keu huke. Nongu kichi xükholo, I no tipau shepichhi loji tsüni.

BOTHUBO 6:18

Ikemu I no o sasü Iw puloshoqhi shi nani, no ye ashuka lo iloveni, o nuliqo, o nipu, eno o mulimi ghi o gholo iloni.

BOTHUBO 17:13

khuu o ki lono punu momu ow pisa no qhülu keno kümtsü mtsüqheino aphighüyiko ghave tsüni. Tishianguno Iw puloshoqhi ye shekhaha puloshoqhi shi o philo ananike.

BOTHUBO 17:19

Alhou no pi, “Moe, o nipu Sarah no anu lakhi punu nani, eno nono pa je Isaac kutsü nani. I no pa thiu pa tikughukomi lau shekhaha puloshoqhi shi ghi pa sasü Iw puloshoqhi shi nani.

IPEKULU 6:7

Iw timi shinike I no nongu ikhiluve nani, eno I no nongu Lhou shive nani, eno nongu no Ni ye Ampeu nongu Lhou, Egyptmi makho kimshi lono nongu saipeghi keu kepi Ni ithi nani.

ACHINE 11:45

Ni ye khuu Egypt yeghi lono nongu saipeghi keno, Ampeu nongu Lhou huke. Tighenguno nongu ye akimthe shilo, kughengu Ni ye akimthe ke.”

ACHINE 25:38

Ni ye Ampeu khuu Canaan yeghi pesü nongu tsüno nongu Lhou shinike Egypt lono nongu saipeghi keno, nongu Lhou huke.

ACHINE 26:9

I no nongu kümgha tsüno atianuli kughuko tsü nani eno nongu sasü puloshoqhi shikeu peche nani.

ACHINE 26:45

I no panongu ghenguno Iw puloshoqhi pano puasüqo sasü shikeu kümsü luni, I no pano Lhou shiniye shiyeqo nhethe lono Egypt lono saipeghi ke: Ni ye Ampeu ke.”

ZAKINIU 29:13

tishianguno Pa no nongu lau eno no puasü Abraham, Isaac, eno Jacob lau tushoqhi ketoi ishi tsala lono nongu pesü Paw timi shino Pa no nongu Lhou shiniye ke.

XAKUTHAMI 2:1

Tipa ghuloki lo Ampeuw kungumi no Gilgal lono Bokhim lo iqho no pi, “I no Egypt lono nongu saipeghi no nongu puasüqo vilo piqhi püakeu yeghi lo sailo, eno pi, ‘I no nongu sasü puloshoqhi shi püakeu khilemu hephomo nani,

ISAIAH 61:8

Kughengu ni Ampeu ye achipiu xakütha kimiye; I no aküpka ngo akumou mithi ke; I no amikucho lono panongu asaxü tsü nani, eno I no panoqo sasü lhokta ghenguno puloshoqhi shi nani.

JEREMIYA 31:1

“Ampeu no sheshu, tipa ghuloki lo I no Israel lagha kümtsü Lhou shive nani, eno panongu no Iw timi shive nani.”

BOTHUBO 9:16

Kughou milisü no khüngküsü lo ngoni keno, I no tipau juno Alhou ngo ayeghi lo aküxüküa lhoxüqo dolo alholo puloshoqhi akeu hu kümsülu nani.”

ACHINE 26:44

Tishimu panongu no aghümi yeghi lo akelo, Ni ye panoqo milivemo eno qhoi kütsave no panongu sasü shikeu Iw puloshoqhi kubove mo nani, kughengu Ni ye Ampeu pano Lhou ke.

SAMUEL AKINIU 7:24

Nono Ow timi Israelmi pesü alholo Ow timi shiniye shosüvae, eno Nono panongu Lhou shivae, O Ampeu.

YEKIKITHI ATUGHIU 16:14

Pa ye Ampeu ni Lhou; Paw küghakütha ye ayeghiqha kümtsü ghenguno ke.