BOTHUBO 17:21 - Sumi Naga CL (Re-edited) Bible (BSI)

²¹ Ikemu I no Isaac, khuu Sarah no tokuu hipa ghuloki lono o lau punutsü nani keno, pa sasü Iw puloshoqhi shi nani.”

BAIBEL (BSI)

²¹ Ikemu i-u puloshoqhiye Isak lau qhi nani, toku hipa ghulokilo Sara no pa punu nani.”

BOTHUBO 17:21 Referans Kwoze

Galatiami 3:29

Eno nongu no Khristow ipi aye, nongu ye Abraham polo kughukomi, pikiqhitsa kiqi lono amheghi kiyighimi ake.

BOTHUBO 18:10

Ampeu no pi, “Tokuu hipa ghuloki lo mtsüqheino I no o lau ideighini, eno o nipu Sarah ye anu lakhi ithuluve nani.” Sarah ye aphiki hukikha lo Abraham thiuno iniae.

IBRIMI 11:9

Aküpülü lono pa ye inami ghakhu lo tüsümi toi pikiqhi yeghi lo, aphiki tshüno pikiqhi mheghi pa gholono kümtsa ithuluni kemi Isaac ngo Jacob pama sasü ache.

Rommi 9:9

Kughengu pikiqhitsa lo akeu ye hike: “Tokuu hipa ghuloki lo I no ideighini, eno Sarah ye anu ithuluve nani.”

Apostolmi 1:7

Pa no pi, “Apu no Pa küka lono kughuve keu do aghuloki ye nongu no ithi masa keu kumoe.

Luke 1:72

Tishikeu lono ni puasü lau piqhi püakeu kimiyekini piye, eno Pa kimthe shoqhi kümsüchile luniye ke,

Luke 1:55

ti ye Pa no ni puasü Abraham eno pa tikughukomi vilo alholo ghenguno piqhive keu kiqi lono ke.”

JOB 14:13

O Nono I küghape Kithigha lo küsüve keaye, O loghu kishekha moke kutolo I küghütshüve keaye, eno I ghenguno ado kihitha tsüno I kümsülu tsü keaye lae!

IPEKULU 3:6

Eno Pa no pi, “Ni ye o pu Lhou, Abraham Lhou, Isaac Lhou eno Jacob Lhou ke.” Moses no pa gi küsüve, kughengu pa ye Alhou junike msave.

IPEKULU 2:24

Alhou no panoqo mloghuju chilu, eno Alhou no Abraham, Isaac, eno Jacob sasü puloshoqhi shikeu kümsüchilelu.

BOTHUBO 46:1

Ikehu Israel no pa no pighi akeu kümtsü pesü pa ghüzüla lo wuve no Beersheba lo ighi, eno pa pu Isaac Lhou lau aghakishi pesü mllae.

BOTHUBO 48:15

Eno pa no Joseph kümghatsü no pi, “Alhou khuu zülo I pu Abraham ngo Isaac no cheche keno, Alhou khuu no I küxü kupuju ishi kutolo I kheu keno,

BOTHUBO 17:19

Alhou no pi, “Moe, o nipu Sarah no anu lakhi punu nani, eno nono pa je Isaac kutsü nani. I no pa thiu pa tikughukomi lau shekhaha puloshoqhi shi ghi pa sasü Iw puloshoqhi shi nani.

BOTHUBO 18:14

Ampeu ghengu ye kiuala ighono kushokütsüpu ani kea? Tokuu hipau ghuloki lo, piqhi püakeu do lono I no o lau ideighi nani, eno Sarah ye anu lakhi punu nani.”

BOTHUBO 21:1

Ampeu no piqhi ketoi, Pa no Sarah xuju, eno Pa no ashoqhi shi ketoi Sarah lau mlatsüe.