BOTHUBO 17:19 - Sumi Naga CL (Re-edited) Bible (BSI)

¹⁹ Alhou no pi, “Moe, o nipu Sarah no anu lakhi punu nani, eno nono pa je Isaac kutsü nani. I no pa thiu pa tikughukomi lau shekhaha puloshoqhi shi ghi pa sasü Iw puloshoqhi shi nani.

BAIBEL (BSI)

¹⁹ Ikemu Alhou no pi, “Kuchouno onipu Sara no anu lakhi punu otsu nani eno paje Isak kutsulo. Ino pa sasu eno pa tikughuko sasu puloshoqhi lakhi qhitsuni, tiye shekhaha puloshoqhi ke.

BOTHUBO 17:19 Referans Kwoze

BOTHUBO 21:6

Eno Sarah no pi, “Alhou no I pelo nu lupe; kughengu khukhumu hi chilu keu ye I gholono nu nani.”

BOTHUBO 26:3

Hipa yeghi lo ado hami ngolo, eno I no o gholo anani eno o kümghatsü nani, kughengu o lau eno o tikughukomi lau I no ayeghi hi kümtsü tsü nani, eno o pu Abraham lau ashoqhi khikhi I no tushoqhi keno tipau shikupu tsü nani.

BOTHUBO 17:21

Ikemu I no Isaac, khuu Sarah no tokuu hipa ghuloki lono o lau punutsü nani keno, pa sasü Iw puloshoqhi shi nani.”

Luke 1:55

ti ye Pa no ni puasü Abraham eno pa tikughukomi vilo alholo ghenguno piqhive keu kiqi lono ke.”

IBRIMI 11:11

Aküpülü lono Sarah ye atianuli shikepu do vechebeive keghi mishilu kepu küka ithulue, kughengu piqhi püakeu Lhou ye pükhükulupu kepi li no pülübe ke.

BOTHUBO 9:16

Kughou milisü no khüngküsü lo ngoni keno, I no tipau juno Alhou ngo ayeghi lo aküxüküa lhoxüqo dolo alholo puloshoqhi akeu hu kümsülu nani.”

BOTHUBO 17:7

I no o Lhou eno o thiu tikughukomi Lhou shinike Iw puloshoqhi Nikujo dolo shi nani eno o thiu tiqheli kupuju lo shekhaha puloshoqhi shi nani.

BOTHUBO 17:16

I no li kümghatsü nani, tinguno alau ghi, I no li vecheo anu lakhi o tsü nani. I no li kümghatsü nani, eno li ye shiyeqo paza shi nani; li launo ashiaye kükamiqo ipeghi nani.”

BOTHUBO 17:18

Eno Abraham no Alhou vilo pi, “Ishmael no O zülo akivishi xülu keaye lae!”

BOTHUBO 26:2

Ampeu no pa lau ipeghi no pi, “Egypt yeghi lo iqi kevilo; I no ayeghi khikhi o piyeni keno tile küghüna lo.

BOTHUBO 16:11

Eno Ampeuw kungumi no li vilo pi, “Julo, no ye mishipu ani eno anu lakhi punu nani. No ye pa je Ishmael kutsü nani, kughengu Ampeu no o ghime chiluve tsüae.