BOTHUBO 16:15 - Sumi Naga CL (Re-edited) Bible (BSI)

¹⁵ Hagar no Abram lau anu punu tsü, eno Abram no anu je pesü Ishmael ipi kuvetsü.

BAIBEL (BSI)

¹⁵ Hagar no Abram lau anu lakhi punutsue, Abram no ti Hagar no anu punu tsukeu je Ismael ku-tsue.

BOTHUBO 16:15 Referans Kwoze

BOTHUBO 25:12

Abraham nu Ishmael, khuu Egyptmi Hagar, Sarah qeliu no Abraham lau punu tsü keno, pa tikughuko ye hipaqo ke.

YEKIKITHI ATUGHIU 1:28

Abraham nuliqo: Isaac ngo Ishmael.

BOTHUBO 37:27

Ighilo, ningu Ishmaelmi vilo pa jepuwuveni, ningu u pa shou bemoni, kughengu pa ye ni thiküzüu eno ni shi ni ji ke.” Eno pa thiküzümi no pa tsa inive.

BOTHUBO 28:9

Esau no Ishmael lau wuno pa nipu kütau akeqo nguno alau itaghi Abraham nu Ishmael nonga Mahalath, Nebaioth chepu pesü pa nipu shiniye luve.

BOTHUBO 25:9

Pa nu Isaac ngo Ishmael pama no Hittimi Zoar nu Ephron luza, Mamre kipelau Machpelah tuki lo pa shiqhove,

BOTHUBO 17:20

Ishmael ghengu ye, I no o tsa chiluvae; julo, I no pa kümghave tsüae eno pa pelo shishe athi pithilu eno kughukolu penani. Pa ye yepemi chighikini papu shi nani, eno I no pa pesü shiye kije lakhi shitsü nani.

BOTHUBO 17:18

Eno Abraham no Alhou vilo pi, “Ishmael no O zülo akivishi xülu keaye lae!”

BOTHUBO 16:11

Eno Ampeuw kungumi no li vilo pi, “Julo, no ye mishipu ani eno anu lakhi punu nani. No ye pa je Ishmael kutsü nani, kughengu Ampeu no o ghime chiluve tsüae.

BOTHUBO 16:14

Tighenguno azükhe hu pesü Beer-lahai-roi ipi kuvetsü; ti ye Kadesh ngo Bered dolo ani.

BOTHUBO 16:16

Hagar no Abram lau Ishmael punu tsüke ghuloki lo Abram ye ampe lhotache tsügho shiae.