BOTHUBO 16:11 - Sumi Naga CL (Re-edited) Bible (BSI)

¹¹ Eno Ampeuw kungumi no li vilo pi, “Julo, no ye mishipu ani eno anu lakhi punu nani. No ye pa je Ishmael kutsü nani, kughengu Ampeu no o ghime chiluve tsüae.

BAIBEL (BSI)

¹¹ Noye anga opolo ani eno anu lakhi punu nani, paje Ismael ku-tsulo, kughengu AMPEU no okijikusa ghugha chiluvae.

BOTHUBO 16:11 Referans Kwoze

IPEKULU 3:7

Tileno Ampeu no pi, “I no mtsüqheino Iw timi khunoqo Egypt lo ani keno, pano ghime ithuluvae eno hekiqhimi ghenguno panongu no ighamku akeu chiluvae. I no panow shiluküsaqo ithivae,

ISAIAH 7:14

Tighenguno Ampeu ampi no amchipu lakhi o tsü nani. Julo, ili thathe lakhi no mishipuve no anu punu nani, eno pa je pesü Immanuel kutsü nani.

SAMUEL ATUGHIU 1:20

Ado achipi lono Hannah ye mishiluve no anu lakhi punu eno li no pa je Samuel kutsü, li no pi, “Kughengu Ampeu vilo I no pa khulue.”

BOTHUBO 17:19

Alhou no pi, “Moe, o nipu Sarah no anu lakhi punu nani, eno nono pa je Isaac kutsü nani. I no pa thiu pa tikughukomi lau shekhaha puloshoqhi shi ghi pa sasü Iw puloshoqhi shi nani.

Luke 1:63

Pa no kiyetupha khu no yetsü, “Pa je ye John.” Panongu kümtsü no akichiqhive.

JOB 38:41

Abagha tiqo no achuqupu küha kelauno yeiqho-iqi Alhou pelo kuphu penike igha chekelo, khuu no tipaqo chuqupu kutotsü cheni kea?

IPEKULU 3:9

Ikehu itehi julo, Israelmi ghügha I lau ighivae, eno aghime khipau pesü Egyptmi no panoqo qaqhi ani keno tighi I no ithuluvae.

Luke 1:31

Julo, no ye mishiluve no anu lakhi punu nani, eno nono pa je Jisü kutsü nani.

Luke 1:13

Ikemu kungumi huno pa vilo pi, “Msa kevilo, Zechariah, kughengu o kighini chiluve tsüae, o nipu Elizabeth no anu lakhi punu nani, eno nono pa je John kutsü nani.

LESHELE 22:24

Kughengu Pa ye aghime lo akemi ghime jukünatha momu jupe aphimqhüve chemoe, pa lau no Pa gi küsüve chemoe, ikemu pa no ighamku khu kelo chilu tsüe.

BOTHUBO 37:25

Tithiu panongu no chusho nike iqave. Panongu no jupuwo kelo Gilead lono Ishmaelmi aloji lakhi sayeshi lono ata, nukümtshau eno axokütsüngü pesü Egypt lo iqi cheghi.

BOTHUBO 21:17

Eno Alhou no anu sütsa chiluve eno Alhouw kungumi no atsütsü lono Hagar kuno pi, “Kiu no o pünaqhi ani kea, Hagar? Msa kevilo, kughengu anu no ngo akeu-a lono Alhou no pa sütsa chiluve tsüae.