BOTHUBO 15:6 - Sumi Naga CL (Re-edited) Bible (BSI)

⁶ Abram no Ampeu pülüve, eno Pa no Abram pesü amikucho kepi kihiluve.

BAIBEL (BSI)

⁶ Abram no AMPEU shou pulubeluve kehu Abram no pa pulubeluve keu tiye amikuchoe pi AMPEU no kihiluvetsue.

BOTHUBO 15:6 Referans Kwoze

James 2:23

eno Kuchoyesü no pikeu shikupuve, “Abraham no Alhou pülü, eno ti ye achipi shi kihitsü”—eno pa ye Alhou küsau ipi kue.

Rommi 4:9

Kükümgha hipau ye aphighüyiko ghave kemi sala likhi keo, ghamo kemi sala ghi kea? Kughengu ningu no pi akeu ye Abraham pesü achipikalu keu ye pa küpülü kihilu tsükeu lono ke.

IBRIMI 11:8

Aküpülü lono Abraham ye hithiu pa mheghi shiniye akeu yeghi lo Alhou no wu peniye kukelo agholue. Pa ye khila wucheni keno mtha keghi aghokulu shi wuve.

LESHELE 106:31

Tipau no Pa pesü achipiu mikucho kepi tiqheli lono tiqheli kutolo alholo kihive.

Rommi 4:11

Pa ye ghamphi lonomu aküpülü vecheo achipiu shi xüche kehu ti mekha keu shi aphighüyiko kügha michipu ithulue. Ti ye khunono aphighüyiko ghamo namu pülüni keno Abraham pelo panoqo papu shipeni keu kimji lono ke, tishikeu lono panoqo ghi achipikaluve kemie pi kihi tsüniye ke;

2 Kor. 5:19

ti ye, Alhou no timi xine kihitsü mono Khristo küdau no ayeghiqha pesü Pa lau külashi ae, eno ningu shou alupekikili kümlapu piche tsüke.

NEHEMIA 9:8

Pa mlo no O shou pükhükulupu shikeu Nono ithulu kehu Canaanmi, Hittimi, Amorimi, Perizimi, Jebusimi, eno Girgashimi yeghi pesü pa lagha tsüniye pa sasü puloshoqhi shike. Eno Nono Ow pikiqhitsa papeke, kughengu No ye amikucho ke.