BOTHUBO 13:8 - Sumi Naga CL (Re-edited) Bible (BSI)

⁸ Tileno Abram no Lot vilo pi, “Nikujo dolo eno o tsü-aqu khemi ngo I tsü-aqu khemi dolo mtomshu ape kevilo, kughengu ningu ye abolomi ke.

BAIBEL (BSI)

⁸ Tile Abram no Lot vilo pi, “Ninguye asholokumike ghenguno nikujo dolo na, itsu-aqu khemi ngo otsu-aqu khemi dolo pinamu mutomushupe kepu kumoe.

BOTHUBO 13:8 Referans Kwoze

Apostolmi 7:26

Tishiwo thoghiu Israelmi kini kichighi aghi keu pa no ithulu no külashi tsüniye pi, ‘O timi, nokujo ye athiküzümi ke, kushiye lakhino lakhi ghime ani kea?’

LESHELE 133:1

Julo, kughou athiküzümi no küqhakulu lono xüni keno, ti ye kiutoi jukighilepu eno akivi kelae!

2 Peter 1:7

Alhou ithitoi keu gholo aküsami ivükile keu pesü veqalo, eno aküsami ivükile keu gholo kikimiye pesü veqalo.

1 Peter 4:8

Kümtsü nguno alau, kikimiye no axine kutomo nhavetsü cheni kehu aghüiloqhiyi lakhino lakhi kimiye kilelo.

1 Peter 3:8

Ashekhashi nongu kümtsü no akükümsü lo küsükidikulu alo, amlosa küqhalo, athiküzümi toi kimiye kile lo, amlo kümtsha, eno aqhokigheu kükümsü pulo.

Rommi 12:10

Akibolomi dolo kimiye kile ketoi lakhino lakhi ivükile lo. Gihukileni keu lo nongu paghino alomsü lo.

AHOLE 20:3

Aküküpna lono putosü luve kemi ye agigihupu ke, ikemu mbomzümi thaqhü no mtomshu acheni.

AHOLE 15:1

Mtshaminhei khochile keu no aloghu ikhive tsücheni, ikemu atsa kümka no amlo kighide xukutho cheni.

BOTHUBO 45:24

Tishino pa no pa thiküzümi puwuve, eno panongu no wuche kelo, pa no panoqo vilo pi, “Alaghi lo kütsala kevilo.”

1 John 4:7

Kimiye chekemiqo, ningu lakhino lakhi kimiyekileni nolo, kughengu kikimiye ye Alhou launo ighi ke, khunono kimiye cheni keno Alhou nuli shiluvae eno Alhou ithitoi ani.

1 Peter 2:17

Timi kümtsü gihulo, aküsami küpülümi kimiye lo. Alhou msalo. Yepetou gihulo.

1 Peter 1:22

Nongu no kuchou lau aghokulu shikeu vecheo aküsami dolo kimiyekile nike nongu ampi shikimtheve akehu, amlo tsüghükhüi shino kuchou no lakhino lakhi kimiye kilelo,

IBRIMI 13:1

Athiküzümi dolo kimiye kile ketoi kimiyelo.

IBRIMI 12:14

Timi kümtsü sasü külashi eno akimtheshi ani keu pükapütsa lo, kughengu ti kühake loye khunomu Ampeu ithumla nani.

1 Thes. 4:9

Athiküzümi kimiye kileni keu vehu lo khunomu nongu lau ye akepu vehu kühae, kughengu lakhino lakhi kimiye kileni keu ye Alhou no nongu shikavae,

FILIPIAMI 2:14

Thokha lo nhenheshi momu kütsala mono mlalo,

MATTHEW 5:9

“Külakishimi kümghapue, kughengu panongu ye Alhou tianuli ipi ku nani.

AHOLE 15:18

Aji kumqhomi no mtomshu keu huthuphe cheni, ikemu asheshino amloide kemi no küghüqü tsü cheni.

IPEKULU 2:13

Tishiwo thoghiu kughou pa no ashou ipeghi keno, julo, Hebrewmi kini kichighi aghi. Eno pa no akumou shi akeu vilo pi, “Kushiye o küsau shou hepuku ani kea?”

BOTHUBO 13:9

Ayeghi kümtsü o zülo anike kumo keshea? I launo o kütüta shivelo. Tsala nono au piyiu luve aye, I no au ajeu wuveni, momu nono au ajeu luve aye, I no au piyiu wuveni.”

BOTHUBO 46:34

nongu ye ishi pilo, ‘Ningu eno ningu papu, o qemiqo ye ni lhothe lono ishi kutolo atsü-aqu pighi achenie,’ tishi pikeu vecheo nongu ye Goshen yeghi lo küghüna lunani, kughengu Egyptmi ghenguno ambekhemi ye aphikümqhüpu ke.”

BOTHUBO 14:14

Kughou Abram no pa sholokumi küghape wuvae pi chilu keno, pa no paw timi qopheve kemi, pa ki lono punu kemi, aqolo 318 sasü Dan kutolo hawue.

XAKUTHAMI 9:26

Tithiu Ebed nu Gaal no pa kibolomi sasü Shechem lo ighi, eno Shechem lo sakiphemi no pa pükhübe luve.