BOTHUBO 12:13 - Sumi Naga CL (Re-edited) Bible (BSI)

¹³ No ye I chepue pivelo, tishianguno I sapüsa monani, eno o ghenguno I küxü hakholu nani.”

BAIBEL (BSI)

¹³ Tighenguno ino oqhuiniju ani ke noye ichepue pi pilo, tishianguno oghenguno ipuxu peni eno akivishi iheju penike.”

BOTHUBO 12:13 Referans Kwoze

BOTHUBO 26:7

Kughou tipa-a lo timiqo no pa nipu vehu iniju keno, pa no pi, “Li ye I chepue,” kughengu pa ye, “I nipu” ipini keu msave ke, “tikumo aye hipa-a lo timiqo no Rebekah ghenguno I heqhive nosae” ipi kümsüve, kughengu li ye ajukivi ke.

BOTHUBO 20:2

Abraham no pa nipu Sarah pesü, “Li ye I chepu” ipive. Ikehu Gerar kükau Abimelek no timi hami puwu no Sarah sawuve.

BOTHUBO 20:5

Pa ye I vilo, ‘Li ye I chepu’ ipike kumo? Eno li ghi, ‘Pa ye I mu’ ipi li ampi no pie. I mlo lo akikhi eno I u lo akipimi kühakeu lono ni ye hipau shivae.”

EZEKEL 18:4

Julo, angulho kümtsü Iw ke; apu ngulho ngo anu ngulho ghi Iw ke: Khuu no axine shini keno thive nani.

ISAIAH 57:11

Nongu ye khuu ju püzü msave keno, I lau miki, I kümsümave, eno amlo lo qhimove kea? I no ado kushuo inaqhoi kutuu pesü ngove keghi, nongu ye I msa mono anike kumo?

BOTHUBO 11:29

Abram ngo Nahor pama ye anipu luve. Abram nipu je no Sarai, eno Nahor nipu je no Haran nonga Milcah, Haran ye Milcah ngo Iscah pama papu.

Kolosiami 3:6

Hipaqo ghenguno Alhou loghu cheni.

Rommi 6:23

Kughengu axine jume ye akithi, ikemu Alhouw kümsagho huno ni Mpeu Khristo Jisü küdau no lhokta küxü ke.

John 8:44

Nongu ye nongu papu tüghami laumi eno nongu papu gho-apulou shitsüni keu no nongu pulou ke. Pa ye abothu lono ghikiqhiu, eno kuchou küdau aju mphi kughengu pa lolo kuchou kühake. Kughou pa no mikini keno ti ye pa lhoaye kuchou piye ani, kughengu pa ye akimkiu eno akimki kümtsü papu ke.

BOTHUBO 12:14

Kughou Abram no Egypt lo iloghi keno, Egyptmi no totimi huye ighono ajukivi shi ithulu.

JEREMIYA 38:17

Ikehu Jeremiah no Zedekiah vilo pi, “Ampeu, aqokitikhi Lhou, Israel Lhou no ishi piani: Nono Babylon kükau hiyampemi lau no liqhipe tsüve aye, o küxü ghülu nani, eno mishighüna hipau ye ami no pitimo nani, no eno o kibo ye xülu nani.

JEREMIYA 38:20

Jeremiah no pi, “O pesü panongu tsümo nani, I no kiu o vilo pi ani keno itehi Ampeu tsa lulo, tishiaye o ghenguno akivipu shinani eno o küxü ghülu nani.