BOTHUBO 1:2 - Sumi Naga CL (Re-edited) Bible (BSI)

² Ayeghi ye kogheküghü küha no kümsa shi aküzü no akuthoku küzüphope ae. Eno Alhou Ghungu no azü shou khonhape ae.

BAIBEL (BSI)

² Ike ayeghiye kughukughalei eno koghekughu kuhae; eno akuzuno kuthokuzu nhape ae. Ipuzu Alhou Ghunguno azu shou vape ae.

BOTHUBO 1:2 Referans Kwoze

JEREMIYA 4:23

I no ayeghi jukelo ti ye kogheküghü kühano kümsae; eno atsütsü no aküvü kühae.

LESHELE 104:30

Nono O Ghungu puwu kelo panongu lhophe cheni, eno Nono aküxü kithe ayeghi lo tsü cheni.

ISAIAH 45:18

Kughengu Ampeu no ishi piani, khuu no atsütsü lhophe keno (Pa ye Alhou ke!), khuu no ayeghi lhophe keno (Pa no iqhikumto, eno kümsa qhiniye lhophe moke, ikemu küghüna peniye lhophe ke!): “Ni ye Ampeu, eno kütami khumu kühae.

LESHELE 33:6

Ampeu tsa no kungugha lhoe, eno Pa kichi lo tuthukishe no yepu yesüqo lhoe.

JOB 26:7

Pa no ahuu küdau kiumu küha ke-a lo atsütsü sükho eno kiu shoumu ghomo no ayeghi tshüqhipe qhie.

JOB 26:14

Ikemu hipaqo ye Pa küka amihi likhi aphie, ningu ye kiutoi Pa ghili uyeu likhino chilu aphi kelae! Ikemu Pa küka tsütsüküsü toikeu khuu no vethaluni kea?

NAHUM 2:10

Pighivae! Küghüküghalei eno kütsalevae! Amlo hau, akhonhe khokhoshi; aphi kümtsü amloghuju likhi; kümtsü no agi phalaivae!

2 Kor. 4:6

Kughengu, “Aküzü lono aküvü vüipeghi lo,” ipikeu Lhou no Jisü Khristo gilo Alhou juküvü kighithi küvü tsünike ghenguno ni mlo lo yepüvü tsüke.

ZAKINIU 32:11

Alhuqu no pa püsü chixele eno pa chishibo no atiqo shou fupuku ketoi, pa chishibo sükhope pa tiqo vake toi, pa mqa lono atiqo xapu ketoi,

JOB 38:9

I no khüngküsü pesü azüghi phimini shitsü eno aküzü kutho pesü tipau puu,

LESHELE 104:6

Nono akuthoku pesü aphimini toi tipau nhapüani, azü no naghutoqo shou ani.

LESHELE 136:6

Pa no azü kutho shou ayeghiqha xachhope qhie, kughengu Paw iqemokeu kikimiye ye alholo acheni;

LESHELE 148:7

Kungugha lono Ampeu sheqhelo, nongu azüghi kutho lo lhoxü kijeqo,

AHOLE 8:24

Azüghi eno azüpuki no qoipeghi mphi lono ayeghi lo I puwuvae.

ISAIAH 31:5

Aghau no yeiqho-iqi ache keshi, aqokitikhi MPEU no Jerusalem süshope anani eno xachilelu nani; Pa no ti pükhape püxü nani.”

JOB 41:32

Pa no itiwuke la michi azü lo mlaghubei ipeghi cheni; ikehu azüghi ye asa mpamiyei kepi kümsü cheni.