BOTHUBO 1:14 - Sumi Naga CL (Re-edited) Bible (BSI)

¹⁴ Tishino Alhou no pi, “Tsüküzü lono tsüküvü kije kütüta shinike atsütsü qhakuchho lo aküvü ipeghilu pelo. Eno tipaqo no atusho, atsala eno ampe michipu shi pelo,

BAIBEL (BSI)

¹⁴ Eno Alhou no pi, “Atsutsu liho lo akuluqo ipeghi pelo, tsukuzu ngo tsukuvu kututa shitsu kepu shi. Eno tipaqo pelo atsala, ampe eno atusho huthukeu michi shilu pelo;

BOTHUBO 1:14 Referans Kwoze

ZAKINIU 4:19

Itaghi nongu no atsütsü lo jupuku kelo, khetsünhe, aqhi, ayepu eno titoike jeli no nongu züluve no tipaqo mllauve nosake kutokughoi lo, kughengu tipaqo ye Ampeu nongu Lhou no atsütsü qholo ashiaye kümtsü sala pulhosü tsüke.

JEREMIYA 31:35

Ampeu no ishi piani, khuu no puchou khetsünhe küvü tsü eno aqhi ngo ayepuqo ghope putho lo aküvü tsücheni, khuu no azüghi zü xukutho no ighape cheni keno, Pa je ye aqokitikhi MPEU ke.

LESHELE 148:3

Khetsünhe ngo aqhi, Pa sheqhelo, nongu ayepu phuphushi akeqo kümtsü Pa sheqhelo!

LESHELE 148:6

Pa no pülhapuju eno alholo tipaqo ghope qhike; Pa no xaküthaza tsü kelo tipaqo ye hebide mla nani.

AMUS 5:8

Püghüno süpemi eno Ayenokilimi lhosü keu, tsüküzü pesü tsüküvü shivetsü, eno puchou pesü putho shivetsü, azüghi zü ku püzü ayeghi shou leqhitsü chekeu, Pa je ye Ampeu ke;

JOYIL 3:15

Khetsünhe ngo aqhi no zümoi, eno ayepuqo no aküvü tsümovae.

JEREMIYA 10:2

Ampeu no ishi piani: “Shiyeqo laghi pape kevilo, momu atsütsü lo amchipuqo jupe thüghüi kevilo kughengu shiyeqo ye tipaqo no shithüghüi ani,

LESHELE 81:3

Aqhi kithe eno aqhi kichhi lo ni ghulhu tsala lo afuko ighalo.

BOTHUBO 8:22

Ayeghi no ake tivilo ghixu eno ghile, akumko eno akülü, mütsü eno süsü, tsüküvü eno tsüküzü ye ashekha shivemo nani.”

ISAIAH 40:26

Atsütsü lo jupukulo: khuu no hipaqo pulhosü kea? Khuu no aqokitikhi tijeje kihilu eno lakhikhi je ithi ani, khuu no pa kumto kije lono tipaqo lakhimu pühave chemo keno, Pa huno ke.

MATTHEW 24:29

“Tipa tsala lo aghime kitikhi tave kemtsa khetsünhe no zümoive nani, aqhi no aküvü tsümove nani, ayepuqo no atsütsü lono ikiqive nani, eno atsütsü lo küka jeliqo sükiniqhi nani.

AMUS 8:9

“Tipa tsalani,” Ampeu Alhou no asheshu pi, “I no khetsünhe pelo puchou no ilovepe nani eno puchomghü lono ayeghi pesü aküzü shivetsü nani.

JOYIL 2:10

Panoqo zülo ayeghi no ithae; atsütsü no khokhoshie. Khetsünhe ngo aqhi no zümoive, eno ayepuqo no aküvü tsümove.

JEREMIYA 33:20

“Ampeu no ishi piani: I no tsüküvü ngo tsüküzü qhipüa keu puloshoqhi nono hephove no tishikeu lono tsüküvü ngo tsüküzü no ado kiqi lono ipeghi move aye,

Piyeküsü 6:12

Kughou Ambeti no michida akütsüghou xükho keno, ayeghi küghütha kije ighikeu I no ithulu, khetsünhe no kumshophi tsübui keu toi zümoive, aqhi huno aji toi huchuyive,

MATTHEW 2:2

eno ighiju, “Jewmi kükau shiniye akeu khuu anileshi punu püani keno, anu hu khile ani kea? Kughengu ningu ye kipelau no pa yepu ipeghi keu ithulu kehu pa mlla nike ighi ani.”

EZEKEL 46:1

“Ampeu Alhou no ishi piani: Akikhala alou khagho kipelau akeu ye atsala tsügho khape qhini, ikemu Sabbath tsalani ye khaqhini, eno aqhi akithe ipeghike tsalani ti ye khaqhini.

JEREMIYA 33:25

Ampeu no ishi piani: I no tsüküvü ngo tsüküzü sasü puloshoqhi shi püaghimo eno atsütsü ngo ayeghi akikithi lono püaghimo aye,

JOB 25:5

Pa nhethe lo aqhi ghi vüqai moe; ayepuqo mu mqhamqhi moe;

BOTHUBO 9:13

I no khüngküsü lo Iw milisü ghope qhivae, eno tino Ni eno ayeghi dolo puloshoqhi michipue.

Piyeküsü 8:12

Kungumi abidiu no pa fuko küigha kelo khetsünhe kikije küthü lo lakhi ye kütsave, titoi aqhi eno ayepuqo ghi küthü lo lakhikhi ye kütsaleve, tishikeu lono tipaqo küvü ghi kikije küthü lo lakhi ye zümoive, ikehu puchou pimu küthü lo lakhi ye khetsünhe küvü kühave, eno putho lomu lakhi ye aqhi ayepu küvü kühave.

Luke 23:45

ti ye khetsünhe küvü no hailove. Achineki lo nhaqhiphi no ixü kütüta shive.

Mark 13:24

“Ikemu tipa ghuloki lo kijiküpsa thiu, khetsünhe no züchiyi hailove nani, eno aqhi no aküvü tsümove nani.

EZEKEL 46:6

Aqhi kithe tsalani pa no tukutiye kühakeu mishitsü lakhi, ambe tsügho, eno ambetsü lakhi tsüni.

LESHELE 119:91

O zakütsü kiqi lono tipaqo ye ishi kutolo acheni, kughengu thokha kümtsü O qe ache keqo ke.

JOB 25:3

Paw ghüshimi kikihi ye phikha kulupu keshea? Khuno shou Pa küvü yepuku mo keu ani kea?

JOB 3:9

Tsükutho yepu no zümoive peniu; aküvü laju anamu ithulu pemoniu, tsütho ipeghi keu ithulu pemoniu,

Piyeküsü 9:2

Ayepu huno akuthoku lashe khaqhi kelo amiphoki kuloghi lono amchhi pho akeshi alashe lono ipeghi no tipau no phoiku khetsünhe ngo amülhü küzüphope zümoive.

BOTHUBO 1:13

Tino atsala aküthüu, avela eno inaqhe shive.

BOTHUBO 1:15

eno ayeghi shou aküvü tsü penike tipaqo no atsütsü qhakuchho lo aküvü shi pelo.” Ikehu titoi shive.

LESHELE 150:1

Ampeu sheqhelo! Pa chineki lo Ampeu sheqhelo; Kungugha akiqheu lo Pa sheqhelo!