Apostolmi 9:27 - Sumi Naga CL (Re-edited) Bible (BSI)

²⁷ Ikemu Barnabas no pa sasü apostolmi lau ighi no panongu vilo kishi ala lo pa no Ampeu ithulu, Ampeu no pa pütsa eno tithiu pa no mtotoi Damascus lo Jisü je lono asheshu keno lhepiye.

BAIBEL (BSI)

²⁷ Tileno Barnaba no pa sasu kusho eno apostolmi lau sawu eno panongu vilo kishi alalo cheke lono Saul no Ampeu ithulu, Ampeu no pa putsakeu eno Damaska lo Saul no kishi ighumono Jisu je lono asheshu keno panoqo vilo chixechilei lhetsu.

Sümi Tiqhelimi Bible

²⁷ Ikemu Barnabas no pa sasü kusho eno apostolmiqo lau sasü ighi. Pa no panongu vilo Saul no kicheghüzü là lo cheke lono kíshi Ampeu ithulu püzü Ampeu no pa pütsa, eno Damascus lo pa no ighümo no kíshi Jisü je lono kütsü keno tipaqo pie.

Apostolmi 9:27 Referans Kwoze

Apostolmi 4:36

Ikehu Levimi lakhi, Cyprus noghami Joseph ipikeu, khuu apostolmi no Barnabas (tipau kiqi ye shikumtokütsüu nu), ipi kutsü keno,

Apostolmi 4:29

Ampeu, itehi panongu no ningu kichi akeu lo jupuku tsülo, eno O qemi pelo amlo kumto lono O tsa pilu pelo.

Apostolmi 4:13

Kughou panongu no Peter ngo John pama mlo kuloghi ithulu eno pama ye kighithimi kumo no inapüghami kepi ithi keno, panongu ye akichiqhive. Pama ye Jisü gholo kichemie pi panongu no michive.

Galatiami 2:13

Eno Jewmi kütami ghi pa gholo keghili shiuve, ikehu Barnabas thotsü panongu gholo keghili shive.

Galatiami 2:9

kughou James ngo Cephas eno John, atsükuchoqo ipiche keqo no I lau küpükini tsü püakeu vethalu keno, panongu no Barnabas nikujo ikhilu eno ningu lakhi kepi sasü kuposhu, ikehu ningu no aphighü yiko ghamo kemi Jewkumomi lau wunikeu shi eno panongu no aphighü yiko ghave kemi lau wunikeu shie.

1 Kor. 15:8

Ashekha shi, Pa no ni ado tomphi lono punu keu nga toikeu lau ipeghie.

1 Kor. 9:6

Ikeo Barnabas nikujo likhino akümla shimono chuni keu chipiu küha kea?

Apostolmi 15:2

Paul ngo Barnabas pama no panongu sasü kütsala kigheve kethiu, pama gholo timi khami kishe no Jerusalem lo apostolmi eno layemi sasü hipa vehu küptsa penike kughu tsü.

Apostolmi 13:2

Panongu no Ampeu mlla eno kümvü ake lono Aghungu Kimthe no pi, “Barnabas ngo Saul pama pelo I no kulu keu kümla shipenike kishekimthe lo.”

Apostolmi 12:25

Barnabas ngo Saul pama no pichebe tsükeu kümla tave kethiu Jerusalem lo ideighi, eno John khuu Mark ghi kuche keno sasü ighi.

Apostolmi 11:25

Tishino Barnabas no Tarsus lo Saul phuniye wu,

Apostolmi 11:22

Hipau sütsa Jerusalem lo akukuhou tove, ikehu panongu no Antioch lo Barnabas puwu.

Apostolmi 9:17

Ikehu Ananias no wuno aki lo ilo püzü Saul shou pa u beno pi, “Athiküzüu Saul, nono ala lo chekelo Ampeu Jisü khuu o lau ipeghi keno, pa no o nhetsü athoputho tsüno Aghungu Kimthe pesü o shepichhi penike I puwu ani.”

Apostolmi 9:29

Pa no Greek tsa kipimi Jewmi sasü kighe, ikemu panongu no pa heqhive niye pükapütsa ae.