Biblia Todo Logo
Bib sou entènèt

- Piblisite -




Apostolmi 9:15 - Sumi Naga CL (Re-edited) Bible (BSI)

15 Ikemu Ampeu no pi, “Wulo, kughengu pa no I je pesü Jewkumomi ngo kükami eno Israelmi zülo wu penike I no kishevae.

Gade chapit la Kopi

BAIBEL (BSI)

15 Tile Ampeu no pa vilo pi, “Wulo, kughengu pa pelo iqe penike eno ije pesu Judakumomi, kukami eno Israilmi lau pewu penike ino pa kishevae.

Gade chapit la Kopi

Sümi Tiqhelimi Bible

15 Ikemu Ampeu no Ananias vilo pi, “Wulo! Timi hipau ye iw küghaküsü shi Jewkumomi, kükami eno Israel timiqo lau I je pesü asheshu penike I no kisheluvae.

Gade chapit la Kopi




Apostolmi 9:15
38 Referans Kwoze  

Itehi ni ye nongu Jewkumomi pütsa ani. I no Jewkumomi lau apostol shi ake tivilo ni ye I kümlapu lo akijivile anani


Pa vecheo ningu no küpükini eno apostol kümlapu ithulu keu ye Pa je lono shiye kümtsü sasü aküpülü ghokulu lo ighi niye ke,


Hi ghenguno I pesü akükütsüu eno apostolmi shi süsü ke (ni ye kuchou tsa piani thono miki amoe), ni ye aküpülü eno kuchou lono Jewkumomi shikükau ke.


“Atita lo azü ghomphi züuno Ni ye no ithi ae, o punu mphi züuno I no o kishekimtheve; I no o pesü shiyeqo lau tungkupu lakhi shi süsüe.”


Ghüshimi khumu aqoaho küxü lo xukütshü chemoe, kughengu pa kimji ye pa kishesü keu pulou shinikeu ke.


Ikelo Ampeu no I vilo pi, ‘Wulo, kughengu Jewkumomi lau aghacheu I no o puwuni.’”


Nongu no I kisheluke kumoe, ikemu I no nongu kishelu eno nongu pelo wuno ighive moni keu xathi kutomo pithi peniye süsüe, tishianguno nongu no I je lono Apu vilo kiu kiumu khu aye Pa no nongu tsünani.


Atsakiviu hipau hu pikülha penike I pesü akükütsüu, apostolmi eno shikükau shi süküsü shi,


Paul, timi launo momu timi vecheo kumono Jisü Khristo eno Apu Alhou, khuu no akithi lono pa xüputhu keno, pa launo apostol shilu keu,


Ikemu I no kiu keno, ti ye Alhouw küpükini vecheo ke, eno Paw küpükini I tsükeu ye adou shivemoe. Tishike kumono apostolmi kütami nguno alau I no mlache, kuchou no I no shiluke kumono I gholo akeu Alhouw küpükini noke.


Panongu no Ampeu mlla eno kümvü ake lono Aghungu Kimthe no pi, “Barnabas ngo Saul pama pelo I no kulu keu kümla shipenike kishekimthe lo.”


nongu sünhe sasü angh ngo kükamiqo lau wunani, ti ye panoqo eno Jewkumomi zülo I je ghenguno ashepe shilu peniye ke.


Panongu no Ambeti sasü aghüshi nani kemu Ambeti no pano theqhive nani, kughengu Pa ye ampemi shou Ampeu eno kükami shou Akükau, eno Pa gholo kichemi ye kuluve kemi, kishekiphemi eno pükhükulumi ke.”


eno pi, ‘Msa kevilo, Paul, no ye Caesar zülo puthugho masae. Julo, Alhou no zükilu lo o gholo kichemi kümtsü o tsüvae.’


Agrippa no Festus vilo pi, “Timi hipau ye pa no Caesar lau qhüiniju püaghi moke aye, kuqhopheve kepushi akena.”


Agrippa no Festus vilo pi, “Ni ampi no timi hipau tsa chiluni shi ani.” Festus no pi, “Nono thoghiu no chilu nani.”


Panongu sasü petha shive kethiu, pa no Alhou no pa vecheo kishi Jewkumomi gholo mlatsü keno apasü shi lakhikhi no lhepiye.


Ikemu Ampeu no I vilo pi, “‘Ni ye lhothemi’ ipi kevilo; kughengu khuno lau I no o puwuni keno no ye wuni, eno kiu kiumu I no azah o tsükeu no ye pimasae.


Atsala küthü thiu, Paul no tile Jewmi sakiphemi kukütsü. Kughou panongu no kumqolu keno, Paul no pi, “Athiküzümiqo, ni ye ni timi momu ni puasü khuaye shou kiumu mla pimi püamo kemu Jerusalem lono I küghape akughumi shi Rommi u lo süvetsü.


Pa no pi, ‘Ni puasü Lhou no o pelo Pa pulou ithi, Amikuchou ithulu, eno Pa no pikeu tsa chilu penike o süsüvae.


Ikehu Agrippa no Paul vilo pi, “O ghenguno pilu penike azah tsü ani.” Paul no pa u sükhope pa shokükha tsa pi:


Tighenguno hi ithilo, Alhouw xakulu huye Jewkumomi lau puwuvae; panongu no chilu nani.”


Paul, Khristo Jisü qüaxeu, apostolmi shi peniye kulu, eno Alhou tsakiviu ghenguno kishe kütüta shive keu no ye ani.


I no atsakiviu sheshuke ghenguno ni ye kiumu qheza kepu kühae. Kughengu tishi peniye azah I tsü püani. I no atsakiviu sheshumo aye I hasapue!


Akiqi hipau ghenguno ni Paul, nongu Jewkumomi züqhushi Khristo Jisü ghenguno akughu shi akeu no


Swiv nou:

Piblisite


Piblisite