Apostolmi 8:40 - Sumi Naga CL (Re-edited) Bible (BSI)

⁴⁰ Philip ye Azotus lo aghive, eno Caesarea tomoke kutolo aphughi pa no hecheke kümtsü lo atsakiviu pesü sheshue.

BAIBEL (BSI)

⁴⁰ Filip no pa likhi paye Azotus toluve aghikeu ithi, eno pano Kaisaria taun tomoke kuto taun lakhi khi hechesu wuke kumtsulo atsakiviu pesu asheshu.

Sümi Tiqhelimi Bible

⁴⁰ Ikemu Philip ye Azotus lo ipeghi, eno pa ye kicheghüzü shisü Caesarea tomo ke kutólo atsakiviu pe mishiphuqo kümtsü lo kütsüe.

Apostolmi 8:40 Referans Kwoze

Apostolmi 21:8

Thoghiu ningu ye Caesarea lo ighi no tile tsavipeu Philip, tsüni kishelu keqo gholo lakhi, kilo wuno pa gholo ngove.

Apostolmi 25:4

Festus no Paul ye Caesarea lo qhipüani, eno pa ampi no kighithe tilau wuniye anie pi khochileve.

Apostolmi 23:33

Kughou panongu no Caesarea tove no yesü angh tsü keno, panongu no Paul ghi sawo pa zülo qhitsü.

Apostolmi 23:23

Tileno zatsüu no aqhe shou zatsümi kini kuno pi, “Itiji ayi toku kihelo ghüshimi 200, tipau gholo khurshimi 70, eno angu kipemi 200 ishi Caesarea kutolo wukepu shi kutolo.

Apostolmi 10:1

Caesarea lo Italia Ghüshimi ipikeu loji lo aqhe zatsüu Cornelius ache.

SAMUEL ATUGHIU 5:1

Kughou Philistiami no Alhouw Puloshoqhi Bohu süxaluve keno panongu no tipau pesü Ebenezer lono Ashdod lo ighi.

Rommi 15:19

amchipu eno akümzapu küka, eno Alhou Ghungu küka lono ke—tishi kehu ni ye Jerusalem lono Illyricum qha kutolo homxasü Khristo tsakiviu kümla shikupu luvae,

Apostolmi 25:13

Atsala hami thiu, akükau Agrippa ngo Bernice pama Caesarea lo ighi no Festus sasü kusholu.

Apostolmi 25:6

Panongu gholo atsala tache ngo chighi dolo ngove kethiu, pa ye Caesarea lo iqive. Thoghiu pa no küghaki lo iqa no Paul saghi lopi azah tsü.

Apostolmi 25:1

Festus no aghakhu lo ighi keu atsala küthü thiu, pa no Caesarea lono Jerusalem lo iqho.

Apostolmi 21:16

Caesarea lo akhopemi khami no ningu gholo iqho eno nino ngoniye akeu kilo sawu. Aki mpeu ye Cyprusmi Mnason, akhopemi azüumi ke.

Apostolmi 12:19

Kughou Herod no Peter phuju püzü phumlave keno, pa no aghukhemi kighiniju no panoqo pithive penike azah tsüve. Tithiu Herod ye Judea lono Caesarea lo iqive eno tilau ache.

Apostolmi 10:24

Panongu no aküthüni no Caesarea lo ighi. Cornelius no pa bolomi ngo shompami kukumqo no panoqo huqhe aghi.

Apostolmi 8:25

Pama no Ampeu tsa pesü ashepe shive kethiu, Jerusalem lo idewo chekelo Samariami phu kutomo lo atsakiviu pesü sheshue.

ZEKHARIA 9:6

mshomishimi no Ashdod lo küghünauve nani, eno I no Philistia qheküza kishekhave tsü nani.

JOSHUA 11:22

Israel yeghi lo Anakimi qhoi kühave ikemu Gaza, Gath, eno Ashdod lo khami qhive.

Apostolmi 9:30

Kughou athiküzümi no hi ithive keno, panongu no pa sasü Caesarea lo wuno Tarsus lo puwuve.

Apostolmi 11:11

Tipa mtsa Caesarea lono I lau puwu kemi timi küthü no nino ngo akeu kilo ighi.

Apostolmi 18:22

Kughou Caesarea tokeno, pa no akukuhomi sasü kusholu no tithiu Antioch lo wuve.