Apostolmi 7:35 - Sumi Naga CL (Re-edited) Bible (BSI)

³⁵ “Moses hipau, khuu timiqo no, ‘Khuu no o pesü ni yepeu eno xaküthau shive akea?’ ipi kileve keno, kungumi no asüminipho lono pa lau ipeghi keu vecheo Alhou no yepeu eno xaphekuluu shi puwue.

BAIBEL (BSI)

³⁵ “Muse khuu panonguno ‘Khuno opelo nishou ayehkipeu eno kughakuthau shipe kya?’ ipi kileqhive kehu kungumi vechewo asuminipho lono Alhou no pa lau ipeghipiye eno xaphekuluu shipeniye Alhou no pa puwu.

Sümi Tiqhelimi Bible

³⁵ “Moses hipau ye timiqo no, ‘Khuu no O pelo ayekipeu eno küghaküthau shipe kea?’ ipi no milive keu ke. Pa ye kungumi asüminipho lono ipeghi keu vechewo Alhou no pa pelo Israelmiqo yekipeu eno kuqhokipheu shipe nike puwu keu ke.

Apostolmi 7:35 Referans Kwoze

Luke 19:14

Ikemu pa ghakhumi no pa mithi chekehu aghinimi khami pa thiu no puwu no atsape ishi tsü, ‘Ningu ye timi hipau pelo ni shou ayepe penishi amoe.’

LESHELE 75:7

ikemu Alhou no küghakütha süghi cheni lakhiu sünhe qhive eno lakhiu süqheve cheni.

AKIKIHI 20:16

Tileno ningu no Ampeu lau ighamku eno Pa no ningu küqa chilutsü püzü kungumi puwu no Egypt lono ningu saipeghi. Eno itehi ningu ye o ghakhu lughi Kadesh lo ani.

IPEKULU 14:19

Tithiu Alhouw kungumi Israelmi aqokitikhi züu wuche keu huno athiu idewove, eno khüngküsü tsükucho panoqo züu wuche keu ghi iqesü panoqo thiu ngove no,

Piyeküsü 15:3

Panongu no Alhou qeu Moses ngo Ambeti shikipili le ishi phe, “O kümla ye kije eno akümzapue, O Ampeu Alhou Akughushuu! O laghi ye achipi eno kuchoue, O shiyeqo shou Akükau!

IBRIMI 2:2

Kughengu kungumi vecheo sheshu keu tsape no pükhükulupu shive keke, eno küqüve keu momu hekibide kümtsü tipa qhemi aghimepu sholuve keke,

Kolosiami 1:15

Pa ye ithukümla Lhou jukimihi, pulhoküsü kümtsü dolo amsüu.

Apostolmi 7:51

“Nongu kuthovi keqo, amlo eno akini kilimo kemi, no puasüqo toi nongu ye alhokuthu Aghungu Kimthe mjochile cheni.

Apostolmi 7:30

“Ampe lhobidi thiu, kungumi no Sinai Toghi phivilo asüminipho lo amiküqü lono pa lau ipeghi.

Apostolmi 5:31

Alhou no pa pesü Sakipheu eno Xakuluu shi Pa u ajeu süqhepe qhino Israelmi pelo xaidelu no axine qhikütsü ithulu peniye ke.

Apostolmi 3:22

Moses no pivae, ‘Ampeu Alhou no nongu ghenguno tungkupu lakhi I toike nongu thiküzümi gholono ipipe nani. Pa no kiu kiu pimu nongu ye pa tsa ini masae.

Apostolmi 2:36

Tighenguno Israel kibolomi kümtsü no mtsüqhei ithilo, Jisü khuu nongu no yedave keno, Alhou no pa pesü Ampeu eno Khristo kinikujo shive tsüae.”

John 19:15

Panongu no ighamku, “Pa sawuve lo, pa sawuve lo, pa yedave lo!” Pilate no panongu vilo pi, “I no nongu Kükau yedaveni keshea?” Achinetomi no pi, “Ningu ye Caesar kumo aye akükau kühae.”

John 18:40

Panongu no itaghi ighamku pi, “Timi hipau kumono Barabbas!” Barabbas ye süxakulumi ke.

ISAIAH 63:9

Panongu no imeke kümtsü lo, Pa ghi ime ke; eno Paw kungumi no panongu xaluke; Paw kikimiye eno amlo ighiqhiyi keu no panongu xachilelue; Pa no wovekeu tsala lo pülhapuju panoqo süqhe cheke.

LESHELE 77:20

Moses ngo Aaron pama u vecheo Nono ambeloji toi Ow timiqo sawue.

SAMUEL ATUGHIU 12:8

Jacob no Egypt lo ighi kelo, Egyptmi no panoqo ghimeqhi, ikehu nongu puasüqo no Ampeu lau ighamku eno Pa no Moses ngo Aaron puwu no nongu puasüqo Egypt lono saipeghi no panoqo pelo hipau-a lo xülupe.

SAMUEL ATUGHIU 10:27

Ikemu ameküküha timi khami no pi, “Timi hipau ye kishino ningu xaluni kea?” Eno panongu no pa thogha no agho kiumu pa lau peighimo. Ikemu pa ye inaqhoive.

IPEKULU 33:2

I no kungumi o züu puwuni, eno Canaanmi, Amorimi, Hittimi, Perizimi, Hivimi, ngo Jebusimi hapheveni.

IPEKULU 32:34

Ikemu itehi wulo, I no khipa-a o kiche püani keno tilau timiqo sawulo; julo, Iw kungumi no o züu shi wunani. Tishinamu, I no panoqo xuju ighike tsalani, I no panongu xine ghenguno panoqo ghime nani.”

IPEKULU 14:24

Eno tsüthoni ke zülo Ampeu no ami ngo khüngküsü tsükucho dolono Egypt ghüshimi lau jupiqi eno panoqo pesü phiküghüzüve tsü,

IPEKULU 2:14

Pa no khochile, “Khuu no o pelo ni shou kükapuu eno xaküthau shipe kea? Nono Egyptmi heqhive ketoi ni ghi heqhive niye ani keshea?” Tileno Moses ye msave no ishi kümsüve, “Mtsüqheino hi ye ithi khavae.”

Mark 12:26

Kithimi xüputhu keu vehulo, Moses kaku lo asüminipho tsamqo lo kishi Alhou no, ‘Ni ye Abraham Lhou, Isaac Lhou, eno Jacob Lhou,’ ipi keno nongu ye phimla aphi keshea?