Apostolmi 7:32 - Sumi Naga CL (Re-edited) Bible (BSI)

³² ‘Ni ye o puasü Abraham, Isaac, eno Jacob Lhou ke.’ Moses ye khokhoshi junike ighüve.

BAIBEL (BSI)

³² ‘Niye osunoqo Lhou ke, Abraham, Isak eno Jakob Lhou ke.’ Muse ye akumsano khokhoshive eno junikeu ighuve.

Sümi Tiqhelimi Bible

³² ‘Ni ye O pù noqo Lhou hu ke, Abraham, Isaac eno Jacob noqo Lhou ke.’ Moses ye akümsa no khokho shive no tile jupuku nikeu ighüve.

Apostolmi 7:32 Referans Kwoze

IPEKULU 3:6

Eno Pa no pi, “Ni ye o pu Lhou, Abraham Lhou, Isaac Lhou eno Jacob Lhou ke.” Moses no pa gi küsüve, kughengu pa ye Alhou junike msave.

MATTHEW 22:32

‘Ni ye Abraham Lhou, Isaac Lhou, eno Jacob Lhou ke.’ Pa ye küxümi Lhou kethono kithimi Lhou kumoe.”

Piyeküsü 1:17

Kughou I no Pa ithulu keno ni ye thive keshi Pa pukhu philo ikiqive. Ikemu Pa no Pa u ajeu pesü I shou beno pi, “Msa kevilo, Ni ye Atüghüu eno Ashekhau,

IBRIMI 11:16

Ikemu panongu ye aghakhu akiviu, ti kungugha lo akeu, kümsü kütüche. Tighenguno Alhou no Pa ye pano Lhoue pinike kujove moe, kughengu panoqo ghenguno Pa no aphughi lakhi kuto püanike.

Apostolmi 3:13

Abraham, Isaac, eno Jacob Lhou, ni puasü Lhou no Pa qeu Jisü, khuu Pilate no kuqho pheveni pi keghi nongu no pa zülono akipimi tsüno milive keno, pa juküvüpu shive tsüae.

Luke 5:8

Kughou Simon Peter no ti ithulu keno, pa no Jisü pukhu philo ikiqi no pi, “I launo wuvelo, O Ampeu, kughengu ni ye axinemi ke.”

MATTHEW 17:6

Kughou akhopemi no hi chilu keno panongu ye thüghüive no panongu gi pishiqhope itsaqive.

LESHELE 89:7

Shishe akimthemi hoho lo gihuküzüpu Lhou, O vehope akeqo nguno alau akighiche khuu ani kea?

JOB 4:14

akümsa no I lolo iloghive, ni ye khokho shive no I phimpi kümtsü süküthü thuve.

KUKAMI ATUGHIU 19:13

Kughou Elijah no ti chilu keno, pa no paw hebephi xape pa gi nhave no khalau ipeghi eno ti atuki kulaghi lo puthugho. Ikelo asütsa no pa vilo pi, “Elijah, no ye hile kiu shi ani kea?”

IPEKULU 33:20

Ikemu no ye I gi ithulumo nani, kughengu timi ye Ni ithulu kelo xümo nani.”

IPEKULU 4:5

“tishianguno panongu no Ampeu, pano puasü Lhou, Abraham Lhou, Isaac Lhou, eno Jacob Lhou no o lau ipeghi kepi pülü nani.”

IPEKULU 3:15

Alhou no Moses vilo highi pi, “Israelmi vilo hi pilo, ‘Ampeu, nongu puasü Lhou, Abraham Lhou, Isaac Lhou, eno Jacob Lhou no nongu lau I puwu anie.’ Alholo hi no I je ke, ikehu tiqheli kupuju lo hitoi I kümsülu chelo.

BOTHUBO 50:24

Joseph no pa mu noqo vilo pi, “Ni ye thive niye shivae, ikemu Alhou no nongu xuju ighi nani eno ayeghi hipau lono nongu sasü Pa no Abraham, Isaac eno Jacob vilo ashoqhi shikeu yeghi lo ipeve nani.”

BOTHUBO 26:24

Eno Ampeu no tipaji pa lau ipeghi no pi, “Ni ye o pu Abraham Lhou ke. Msa kevilo, kughengu I no o gholo ani, eno o kümghatsü nani eno I qeu Abraham je lono o tikughuko kighishe tsü nani.”

MATTHEW 22:46

Khunomu atsa lakhimu pa khochile mlave, eno tinguno tilauye khuana no pa vilo ighikuju inijuni keu ighüve.

Apostolmi 7:31

Pa no hi ithulupe akichiqhive, eno ti juniye aphivilo wu kelo, Ampeu sütsa chilue: