Apostolmi 7:30 - Sumi Naga CL (Re-edited) Bible (BSI)

³⁰ “Ampe lhobidi thiu, kungumi no Sinai Toghi phivilo asüminipho lo amiküqü lono pa lau ipeghi.

BAIBEL (BSI)

³⁰ “Ampe lhobidi wovekethiu, kungumi lakhino asuminipholo ami mili iquakeu lono pa lau ipeghi piye, tiye Sinai naghuto phivilo timi kughunamoke-a lono.

Sümi Tiqhelimi Bible

³⁰ “Ampe lhobidi wove kethiu, kungumi lakhi no Sinai Naghuto phivilo asayeli lo asüminipho lono ami iqü akeu mili lono pa lau ipeghi pìye.

Apostolmi 7:30 Referans Kwoze

Apostolmi 7:35

“Moses hipau, khuu timiqo no, ‘Khuu no o pesü ni yepeu eno xaküthau shive akea?’ ipi kileve keno, kungumi no asüminipho lono pa lau ipeghi keu vecheo Alhou no yepeu eno xaphekuluu shi puwue.

ISAIAH 43:2

Kughou nono azüghi katha wuni keno I no o gholo anani; nono aghoki katha kelo, tino no yipe wuvemo nani; kughou nono ami katha wuni keno o pitive monani; ami mili ye o pitiqhi monani.

Apostolmi 7:32

‘Ni ye o puasü Abraham, Isaac, eno Jacob Lhou ke.’ Moses ye khokhoshi junike ighüve.

ISAIAH 63:9

Panongu no imeke kümtsü lo, Pa ghi ime ke; eno Paw kungumi no panongu xaluke; Paw kikimiye eno amlo ighiqhiyi keu no panongu xachilelue; Pa no wovekeu tsala lo pülhapuju panoqo süqhe cheke.

IPEKULU 3:6

Eno Pa no pi, “Ni ye o pu Lhou, Abraham Lhou, Isaac Lhou eno Jacob Lhou ke.” Moses no pa gi küsüve, kughengu pa ye Alhou junike msave.

Apostolmi 7:17

“Ikemu Alhou no Abraham vilo piqhikeu do kupunuve kelo, Egypt lo ni timi ye alau ikowove.

Mark 12:26

Kithimi xüputhu keu vehulo, Moses kaku lo asüminipho tsamqo lo kishi Alhou no, ‘Ni ye Abraham Lhou, Isaac Lhou, eno Jacob Lhou,’ ipi keno nongu ye phimla aphi keshea?

DANIEL 3:27

Kükapumi, pangtong, angh, eno akükau mijekütsümi no kümtsa hekütsü no ami küka ye timi hipaqo phiau lo kiumu shimlave keu ithulue. Panoqo kütsü lo asa mu piti püaghimo, aphimini mu shipüsa püaghimo, eno ami kipti xomu panoqo shou ikughi moe.

LESHELE 66:12

Nono panoqo pelo ningu kütsü shou no qoda peke; ningu ye ami eno azü lo ilovae; ikeghi Nono kupukuno-a lo ningu saghi ke.

ZAKINIU 4:20

Ikemu Ampeu no Pa mheghi shiniye Egypt lo ayi miphoki lono nongu saipeghi no ishi ye nongu ye Paw timi shi anie.

IPEKULU 7:7

Kughou pama no tipa ghuloki lo Pharaoh pütsa keno, Moses ye ampe lhotache shiae, eno Aaron no ampe lhotache küthü shiae.

Galatiami 4:25

Hagar ye Arabia lo Sinai Naghuto, li ye itehi Jerusalem sasü kimhelu ani, kughengu li ye li tianuli sasü aqüaxe lo anike.

Luke 20:37

Ikemu kithimi xüputhu keu vehu ye Moses ghi yepüani, asüminipho ghili yekeu tsamqo lo pa no Ampeu ye Abraham Lhou, Isaac Lhou, eno Jacob Lhou kepi kutsüe.

MALAKI 3:1

“Julo, I no I tsapeu puwu ani, eno pa no I züuno alaghi kuto nani. Ampeu nongu no phuche keu ye Pa Chineki lo züleno ighi nani; eno puloshoqhi tsapeu khuu lau nongu no alokiqi acheni keno, julo, pa ye cheni, aqokitikhi Mpeu no pi.

KUKAMI ATUGHIU 19:8

Elijah no ithughi no chusho luve, eno tipau kumto no pa sasü atsala lhobidi chesü Alhouw naghuto Horeb tolu.

ZAKINIU 33:16

aghüma yeghi lono agho akiviu eno asüminipho lo achekeu no Pa mlo kiqi gholono, kükümgha hi kümtsü Joseph shou ache peniu. Kughengu pa ye pa thiküzümi gholo sakipheu ke.

Apostolmi 7:31

Pa no hi ithulupe akichiqhive, eno ti juniye aphivilo wu kelo, Ampeu sütsa chilue: