Apostolmi 5:5 - Sumi Naga CL (Re-edited) Bible (BSI)

⁵ Ananias no hi chilu kemtsa iluqi thive, eno ti chilu kemi kümtsü shou akümsa ikughive.

BAIBEL (BSI)

⁵ Anania no hi chilu kemtsa iluqi thive, eno ti chilukemi kumtsu akumsano chhitoive.

Sümi Tiqhelimi Bible

⁵ Kughou Ananias no hi chilu keno pa ye ikiqi no thive. Eno kiu shive keno asütsa chilu kemi kümtsü akümsa no chhitoive.

Apostolmi 5:5 Referans Kwoze

Apostolmi 2:43

Apostolmi vecheo akümzapu eno akichiqhipu kümla kutomo shikelo timi kümtsü shou msaighü keu ikughive.

Piyeküsü 11:13

Tipa tüqhüdo lono shishe ayeghi ilüuve, eno aphughi kikije chighi lo lakhi ye kütsave. Ayeghi küghütha lono timi 7,000 thive, eno achili aghi keqo ye thüghüive no kungugha Lhou lau ajekipi juküvü tsüe.

Piyeküsü 11:5

Khukhumu pama ghüzani ye shi aye, pama kichi lono ami ipeghi no aghümi pitive nani. Khukhumu pama ghüza keu ye akithi za hitoi keu sholupe nani.

2 Kor. 13:2

I no ghuthu akiniu nongu lau ighi kelono ghutu ketoi, itehi ghi putou akelono ghutuve ani, ike püzüu axine shive keqo eno kütami kümtsü lau I no kütüghü anike I no itaghi ighi aye, ni ye panongu kipimi qhitsümo nani,

2 Kor. 7:11

Alhou küdau no amloghime peitha luve keu no nongu lolo kiu iqüphevetsü akeno julo: nongu kipimi kühakeu piyeni ke alokümsü shikeu, pimive kemi shou axuide keu, alhoksa shou piqepuloi lukeu, khekulho shikeu, amlo tsüqhiyi keu, eno alhoksau ghime keu! Hi kümtsü lo nongu no pimi püamo keu piyevae.

1 Kor. 4:21

Nongu pulou ye khikhiu kea? Ni ye akihepusü peighi lopi keo, kikimiye lono mtshaivü ighi lopi kea?

Apostolmi 13:11

Julo, itehi Ampeu u o shou ikughivae, eno no ye anhethi icheve no ado hami khetsünhe küvü ithulu moae.” Paikhavi akimhi eno aküzü no pa küzüluve, eno pa sünhepe penike kütami kükauve.

Apostolmi 5:13

Kütami ye panongu gholo kuloji moe, ikemu timiqo no shishe panongu pipivi ae.

EZEKEL 11:13

Hipa thiu I no tungkuptsa pi akelo, Benaiah nu Pelatiah hupau ye thive. Tithiu I no I gi pishiqho luve no asütsa kuloghi lono qa no pi, “Ya, Ampeu Alhou! No ye Israelmi ghükulumi kümtsü pühaveni keshea?”

JEREMIYA 5:14

Tighenguno Ampeu, aqokitikhi Lhou no sheshu: “Nono atsa hipau piqhive akehu, julo, I tsa huno o kichi lo ami kughulhove tsüni, eno timi hipaqo no asü shino ami no panongu pitiveni.

LESHELE 119:120

O msa kelauno I phi I shi no khokhoshi ke, ni ye Ow küghakütha msa cheni.

LESHELE 64:9

Tithiu timi kümtsü no msave; Alhou no kiu shive akeno panongu no tipa ghili pike eno Pa no kiu mla keno tipau kümsü kutojue.

YEKIKITHI ATUGHIU 15:13

Kughengu atüghüu loye nongu no tipau pemoke ghenguno, eno ninguu ghi Pa pulou phumove ke ghenguno Ampeu ni Lhou xukighide gha ni shou ikughive ke.”

YEKIKITHI ATUGHIU 13:12

Tipani David ye Alhou msave no pi, “Ni ye kishi aki lo Alhouw Puloshoqhi Bohu pewoni akea?”

KUKAMI AKINIU 2:24

Pa no tsüghü ighi no panongu jupüzü Ampeu je lono ghushove. Ikelo avaqu kini no aghasa lono ipeghi no itimi pano lhobidi kini tsüve.

JOSHUA 22:20

Zerah nu Achan ye aghümi nhemgha kütsave kepu shi akeu luve kelono aküpülü hephove ke kumo? Eno pa likhi pithive ke kumo keshea?’”

ZAKINIU 21:21

Tileno mishighüna lo küami kümtsü no atu pesü pa veqhiveni. Hitoi alhoksa ye nongu dolono shipühave lo eno Israelmi kümtsü no chilu no msave nani.

ZAKINIU 13:11

Tileno Israelmi kümtsü no chilu eno msave no nongu gholo kixikila hitoike khilemu shimove nani.

ACHINE 10:3

Moses no Aaron vilo pi, “Ampeu no pikeu ye hike: ‘Khunono I zülo ighini keno, Ni ye akimthe kepi ithi masae, eno timi kümtsü zülo I juküvü piye masae.’” Aaron ye inaqhoi ngove.

2 Kor. 13:10

Hi ghenguno I no nongu launo putou akelono hipaqo yelu anike, tishianguno I no ighi kelo ni ye Ampeu no xaleqhive peniye kumono shiqhe puku peniye kükagha I tsükeu nongu lau mkamghai peithamo nani.