Apostolmi 5:4 - Sumi Naga CL (Re-edited) Bible (BSI)

⁴ Ti jemphi lonomu ow ke kumo? Eno jeve kethiu ghi o u lo ae. Imaye, kushiye hikithipu shinike o mlo lo kughuphe kea? No ye timi lau kumono Alhou lau mikivae.”

BAIBEL (BSI)

⁴ Amheghi jemphi lomu tiye owu eno ti jevekethiu mu pisa ye owue. Imaye, kushiye hikithipu shinikeu omlolo kughuphe kya? Noye timi vilo mikike kumo puzu Alhou zulo mikivae!”

Sümi Tiqhelimi Bible

⁴ Tiye je mphi lo ye ow ke kumo keshea? Eno jeve kethiumu pisa ye ow ke kumo keshea? Kiu no O pelo alhoküsa hikithipu shini keu kümsüve pe kea? No ye timi pishiqhike kumoe ikemu Alhou pishiqhivae.”

Apostolmi 5:4 Referans Kwoze

Apostolmi 5:3

Ikemu Peter no pi, “Ananias, kushiye Aghungu Kimthe pishiqhi niye Satan no o mlo lo iloghive no ayeghi jekulu pisa hami o sala qhiluve kea?

YEKIKITHI ATUGHIU 29:3

Akimthe ki ghenguno tinhemgha tsüve keu gholo itaghi I no I Lhou ki kishilo amlo tsüqhiyi chekeu ghenguno Iw lüthü kinibo lono ameshoyi ngo ghükayi hitoi tsüve ani:

1 Thes. 4:8

Tighenguno khuu no hi ikhilu moni keno, pa ye timi kumono Aghungu Kimthe nongu tsükeu Lhou ikhilu amoe.

Apostolmi 5:9

Ikemu Peter no li vilo pi, “Kishino nokujo ye pulo küqhano Ampeu Ghungu peju niye shi kea? Julo, o kimi shiqho wu kemi ahukikha lo ighivae, eno panongu no nou ghi khape ipeve niae.”

Luke 10:16

“Khuu no nongu tsa chiluni keno, I tsa chilu ani, eno khuu no nongu kileveni keno, ni eno I puwu keu kileve ani.”

EZEKEL 38:10

“Ampeu Alhou no ishi piani: Tipa tsalani, o lolo akükümsü iloghi no nono küsakügha kuchughu nani

ISAIAH 59:4

Khunomu atsa kükügha lo achipiu lono wu chemoe, khunomu yepemi lau amikucho lono wu chemoe, panongu ye adou tsa shou pükhüpe acheni eno akimki tsa pi cheni, panongu no mqümgha shi cheni eno tileno shikipimi iqiphe cheni.

LESHELE 139:4

I kichi lono atsa piqhi mphi züu nomu julo, O Ampeu, Nono ti kuchopu ithi ani.

LESHELE 7:14

Julo, kixikilami ye alhoksa mishipu cheni, pishikiqhi mishipu cheni, eno akimki punuqhi cheni.

YEKIKITHI ATUGHIU 29:17

I no ithi anike No ye timi mlo piliju cheni eno akikhi shikeu lo O züküvü shicheni, I Lhou. I mlo lono akikhi shi thime hi kümtsü süchile mono pesü tsüvae, eno itehi ye Ow timi khunoqo no süchile mono aloviqhiyi akümllagho pesü O tsü ani keno, hile akemi kümtsü I no ithuluvae.

YEKIKITHI ATUGHIU 29:9

Panongu no amlo kümtsü süno puloniqhiyi Ampeu tsülu ke ghenguno alokivi shive. Eno akükau David ghi ighono alokivi shive.

YEKIKITHI ATUGHIU 29:5

hinguno alau ghi ameshoyi ngo ghükayi kümlami no ala jeli lono kütshakügha shi mlasü peniye ke. Tishiaye ishi, khuu no pa ampi kishekimthe keu shi puloniqhiyi Ampeu lau akümllagho tsünishi ani kea?”

SAMUEL ATUGHIU 8:7

Ampeu no Samuel vilo pi, “Panongu no o vilo pi akeqo tsa kümtsü inilo, kughengu panongu ye o milive amoe, ikemu I no pano shou akükau shi akeu milive ani.

IPEKULU 35:29

Israelmi kiptimi totimi khunoqo Ampeu no Moses vilo shilopi azah tsükeu kümla ghenguno tsünishi kümsülu keno panongu no pulokini kümllagho shi pesü Ampeu lau ighie.

IPEKULU 16:8

Moses no pi, “Ampeu no nongu pelo chu penike avelau no ashi tsü nani eno inaqhe no asho pesü nongu ghapiqi tsü nani, kughengu nongu no muchho akeu ye Ampeu shou muchho ani kepi Pa no nongu kumchho chiluvae—nikujo ye kiu kea? Nongu kumchho ye nikujo shou kumoe, ikemu Ampeu shou ke.”

James 1:15

Tishino ngosükümla no mishipu luve no axine punu cheni; eno kughou axine no chhikhoi thuwuveni keno akithi süghive cheni.

Philemon 1:14

ikemu nono polumo kelo ni ye kiumu shimoni keu shivae, tishikeu lono o kivi ye anguka lono kumono o pulou lono ipeghi peniye ke.

1 Kor. 8:8

Achuqupu no ningu pesü Alhou kupunu lumo nani. Nino chumoke ghenguno ningu no alhoksau ke kumoe, eno chuke ghenguno akiviu ke kumoe.

JOB 15:35

Panoqo no alhoksa mishipuve no kixikila punu cheni, eno pano tita huno pishikiqhi iqüphe chenie.

AKIKIHI 16:11

Tighenguno nongu eno nongu papemi no kumqo akeu ye Ampeu shou hebidevae. Aaron ye khu keno pa lau muchho ani kea?”

YETSAPIU 5:5

Piqhive no shimove keu ye piqhi move keu pavie.