Apostolmi 4:2 - Sumi Naga CL (Re-edited) Bible (BSI)

² Panongu ye shishe amloide ae kughengu pama no Jisü vecheo kithimi xüchilekulu pesü timiqo shika eno sheshu ake.

BAIBEL (BSI)

² Apostolmi pamano Jisu akithi lono xuthuvekeu eno kithimi xuthughi nikeu vehu pesu timiqo vilo asheshu aghikeulo panongu mulo ideve.

Sümi Tiqhelimi Bible

² Apostolmi pama no timiqo vilo Jisü akithí lono xülethughive keu eno kithimi xülethughive nikeu ghili pesü asheshu akeu ghenguno panongu ye ighono amloideve.

Apostolmi 4:2 Referans Kwoze

Apostolmi 17:18

Epicurus eno Stoic kükütsü papemi khami ghi pa sasü küptsae. Khami no pi, “Tsathipa hipau ye kiu pinishi ani kea?” Khamiu ye ishi pi, “Pa ye inami lhou ghili pianie mthae” —kughengu pa ye Jisü eno xüchilekulu ghili kütsü ae.

Rommi 8:11

Tsala akithi lono Jisü xüputhu keu Ghungu no nongu lolo aghi aye, Khuu no akithi lono Khristo Jisü xüputhu keno, Pa Ghungu nongu lolo akeu vecheo Pa no nonguw thiveni keu phimpi lo ghi aküxüpu tsü nani.

Apostolmi 13:45

Ikemu kughou Jewmi no aqokitikhi ithulu keno, panongu lolo anhekushu iloghive no Paul thaigha ghi pa no pikeu küla thuve.

1 Kor. 15:23

Ikemu hipau kikithi lono shinani: Khristo no amsüu xathi, tithiu Pa ikighi lono Pa lau akeqo xüputhu nani.

Apostolmi 26:23

ti ye Messiah ye ime masae, eno akithi lono xüputhuve kemi gholo amsüu shino pa no ni timi ngo Jewkumomi lau aküvü ghili sheshu nani.”

Apostolmi 26:8

Alhou no kithimi xüputhu chekeu lo kushiye nongu khami ye mzaqhiyi kümsü ani kea?

Apostolmi 24:21

I no panongu zülo puthugho akelono ishi ighamku pikeu nguno kütau ye kiumu kühae: ‘Ishi tsala lo nongu zülo I tsa kügha akeu ye kithimi xüchilekulu vehu ghenguno ke.’”

Apostolmi 19:23

Tipa ghuloki lo, Alaghi vehu ghenguno aküküpna kije ipeghive.

Apostolmi 5:17

Tile achinetou eno pa gholo akemi (ti ye Sadduceemi loji) kümtsü lolo anhekushu iloghive.

Apostolmi 3:15

Nongu no aküxü Mpeu khuu Alhou no akithi lono xüputhuve keno, pa pithive. Ningu no tipau thopimi ke.

NEHEMIA 2:10

Ikemu akükau qemi Horonmi Sanballat ngo Ammonmi Tobiah pama no timi khami Israelmi kivipu ghenguno mlani ye ighi ani pi kelo ighono amlo qimove.