Apostolmi 28:20 - Sumi Naga CL (Re-edited) Bible (BSI)

²⁰ Ikehu hipa vehu ghenguno ni ye nongu sasü kusho no küptsa niye kue, kughengu Israelmi lajupu ghenguno ni ye ayikichhe hipau no I tshüpe ani.”

BAIBEL (BSI)

²⁰ Hipau vehu ghenguno nongu sasu kusho eno nongu putsanike ino iniju, kughengu ayikichhe hipauno itshupe akeu huye, Israilmino khuu laju akeno tipau pa ghenguno niye ishi anike.”

Sümi Tiqhelimi Bible

²⁰ Hipau ghenguno I vilo nongu sasü kusho no nongu pütsa lo pike. Kughengu Israelmi’w lajupu akeu ghenguno ni ye ayikichhe hipau lo ani.”

Apostolmi 28:20 Referans Kwoze

2 Tim. 2:9

Hi ghenguno ni ye ime ani ke, ayikichhe no heqhi-buqhi kemi toi tshüpe ani. Ikemu Alhou tsa ye tshü püamoe,

Ephesiami 6:20

hi ghenguno ni ye akughu shi akeu lashikami ke. I pelo msaighü mono pi apenike inikhu tsülo.

FILIPIAMI 1:13

tishikeu lono kükaki lo ghukhemi eno kütami ghi I no akughushi akeu ye Khristo ghenguno kepi ithi khavae.

Apostolmi 26:29

Paul no pi, “Ado ikhonhei shiaghi na kushuo namu, I no Alhou vilo khu akeu ye, o likhi kumono khunoqo ishi I tsa ini ani keno, ayikichhe no kumo aye kümtsü I toi luve penishi ani.”

Ephesiami 4:1

Ikehu ni, Ampeu ghenguno akughumi, huno nongu ghutu ani, khipa lalo cheche penike Alhou no nongu kuluve akeno nongu ye aküzüpu shi chechelo,

Ephesiami 3:1

Akiqi hipau ghenguno ni Paul, nongu Jewkumomi züqhushi Khristo Jisü ghenguno akughu shi akeu no

Apostolmi 24:15

Alhou khuu timi hipaqo no ikhilu cheni keno, Pa shou Iw lajupu achekeu ye amikuchomi ngo kixikilami kinikujo xüchilekulu anani.

Apostolmi 23:6

Kughou tile khami no Sadduceemi eno khami no Phariseemi shi akeu Paul no vethalu keno, pa no hoho lo sheshu, “Athiküzümiqo, ni ye Phariseemi, Phariseemi nuke. I no kithimi xüchilekulu shou lajupu akeu ghenguno atsa kükügha zülo puthugho ani.”

Apostolmi 21:33

Zatsüu no ighi no Paul küghape ayikichhe kini pesü pa tshüve lopi azah tsü. Pa no Paul ye khuu eno kiu shive keno ighiju.

Philemon 1:10

I no I nu Onesimus, khuu I no akughushi akelono papu shilu keno, pa ghenguno o qhüiniju ani.

Apostolmi 10:33

Ikehu I no mtazü o kupuwu kelo nono ighi tsüke alovae. Tighenguno itehi Ampeu no o vilo kiu pilo pi azah tsü keno thokha chiluni ke ningu kümtsü Alhou zülo anie.”

Philemon 1:13

Ni ye amlokiqi shi I gholo pa qhinishi ae, tishianguno I no atsakiviu ghenguno akughu shi akelo o züqhushi pa no I kuphutsü peniye ke,

2 Tim. 1:10

eno itehi ye, ni xakuluu Khristo Jisü ipeghikeu vecheo, tihu pephe piye eno tishikeu vecheo akithi küka kishekhave tsüno aküxü ngo thimonikeu küka Atsakiviu vecheo aküvü lo saipeghi tsüke.

Kolosiami 4:18

Ni Paul, no I u ampi no ye ani, I yikichhe kümsülu lo. Alhouw küpükini no nongu gholo apeniu.

Apostolmi 28:17

Atsala küthü thiu, Paul no tile Jewmi sakiphemi kukütsü. Kughou panongu no kumqolu keno, Paul no pi, “Athiküzümiqo, ni ye ni timi momu ni puasü khuaye shou kiumu mla pimi püamo kemu Jerusalem lono I küghape akughumi shi Rommi u lo süvetsü.

Apostolmi 10:29

Ikehu kughou I ku ighi keno, ni ye lachile mono ighi ani. Tishiaye nongu ye kushiye I kupuwu kea?”

JEREMIYA 40:1

Jerusalem ngo Judah lono ayikichhe no tshüpe Babylon lo akughu shiwu chekeqo gholo Jeremiah ghi cheghi keu ithulu no Nebuzaradan no Ramah lono Jeremiah puwuve, tithiu Ampeu tsa Jeremiah lau ighi.