Apostolmi 28:16 - Sumi Naga CL (Re-edited) Bible (BSI)

¹⁶ Kughou ningu no Rome lo iloghi keno, Paul ye ghüshimi lakhi no pa kheno pa kutoshi ngolu penike azah tsü.

BAIBEL (BSI)

¹⁶ Kughou Rom lo ninguno ighikeno, Paul ye ghushimi lakhino pa kheghi pa likhi pa kutashi ngolupe nikeu pulovetsu.

Sümi Tiqhelimi Bible

¹⁶ Kughou ningu no Rome lo ighive keno Paul ye ghüshimi no ngokhe no pa likhi ngolu pe nikeu shive.

Apostolmi 28:16 Referans Kwoze

Apostolmi 27:3

Thoghiu ningu no Sidon tolu. Julius no kimiyeqhiyi Paul ikhilu eno ado pa tsüno pa küsami lau wulu eno pa tucholupe.

Apostolmi 24:23

Tishino Felix no aqhe zatsüu vilo Paul jukuto lopi azah tsü, ikemu pa pelo ililai ngope eno pa no avehupu shikeu pa küsami no süghitsü aye lakha kevilo pive.

Piyeküsü 17:18

Eno atotiu nono ithulu keu ye ayeghi lo kükami kümtsü shou qhasüpe achekeu mishighüna akijeu huke.”

Piyeküsü 17:9

“Hi ye vethakulupu lokütsü aghi peniye ghutu anike: akütsü tsüni ye naghuto tsüni khipaqo shou atotiu no iqa ani keno tipaqo ke;

Apostolmi 27:43

Ikemu aqhe zatsüu no Paul xaluni shi kehu panongu kukughu lakhave. Eno khunoqo no azü ghathi ani keno tipaqo paghi ilhe ilo no amkü lo ipe penike pa no azah tsü,

Apostolmi 27:31

ikemu Paul no aqhe zatsüu ngo ghüshimi vilo pi, “Timi hipaqo no zükilu lo ngomo aye nongu ye xümoae.”

Apostolmi 23:11

Tipa ji Ampeu no Paul phivilo puthugho no pi, “Amlo mtolo, kughengu no ye Jerusalem lo kuchou thopi shivae, titoi Rome lo ghi thopi shimasae.”

Apostolmi 19:21

Hipa thiu Aghungu no hakite keu lono Paul no Macedonia ngo Achaia vechesü Jerusalem lo wunikeu vehu kughu ghi pi, “I no tilau wuve kethiu ni ye Rome ghi xuju masae.”

Apostolmi 18:2

Pa no Pontusmi Jewmi Aquila kusholu. Aquila ye anileshi pa nipu Priscilla sasü Italy lono ighi ae, kughengu Claudius no Jewmi kümtsü vilo Rome qhive lopi azah tsüveke. Paul no pama pütsani ye wu,

Apostolmi 2:10

Phrygia eno Pamphylia, Egypt ngo Cyrene phivilo Libya lo kungomi, eno Rome lono ighi kemi,

JEREMIYA 40:2

Kepten no Jeremiah saluve no pa vilo pi, “Ampeu no Lhou no a-a hipau shou amhekiqi shuphe ke.

KUKAMI AKINIU 25:8

Babylon kükau Nebuchadnezzar yepe mpe chighiatokuu, aqhi apunguu, atsala akütsüniu lono akükau qeu Nebuzaradan, aghukhemi shou kepten no Jerusalem lo iloghi.

BOTHUBO 37:36

Tishi akelo Midianmi no Egypt lo Pharaohw hiyampemi Potiphar, ghukhemi shou kepten lau Joseph jesüve.

JEREMIYA 38:13

Tishino panongu no akighi pesü atughuko lono Jeremiah sünhephe luve. Jeremiah ye akhemi bokütha lo ngove.