Apostolmi 26:29 - Sumi Naga CL (Re-edited) Bible (BSI)

²⁹ Paul no pi, “Ado ikhonhei shiaghi na kushuo namu, I no Alhou vilo khu akeu ye, o likhi kumono khunoqo ishi I tsa ini ani keno, ayikichhe no kumo aye kümtsü I toi luve penishi ani.”

BAIBEL (BSI)

²⁹ Paul no khochile, “Ado ikhonhe shiaghina kushuwa shi aghinamu, ikukhu ikighiniye no eno hi nongu khunoqomi ishi itsa ini akemi kumtsu hi ayikichhe ghengu kumoni thono niye kiutoiluvea keno tishiluve penishi !”

Sümi Tiqhelimi Bible

²⁹ Paul no khochile, “Ado ikhonhei shi aghina kushuwa shi aghí namu I no Alhou vilo inikhu akeu ye O likhi kumo no ishí hilehi I tsa ini akemi kümtsü pelo I toiluve penishi ani, ikemu I toi ayikichhe lo ngove penishi amoe.”

Apostolmi 26:29 Referans Kwoze

Ephesiami 6:20

hi ghenguno ni ye akughu shi akeu lashikami ke. I pelo msaighü mono pi apenike inikhu tsülo.

Kolosiami 1:28

Ningu no Khristo pesü sheshu cheni, kümtsü kütüghü eno shika cheni, tishianguno kümtsü pelo Khristo lau tekhoilu peniye ke.

Rommi 10:1

Athiküzümiqo, I mlo no laju eno I kighini Alhou lau akeu ye niw timi Israelmi pelo xaluve penishie.

Apostolmi 21:33

Zatsüu no ighi no Paul küghape ayikichhe kini pesü pa tshüve lopi azah tsü. Pa no Paul ye khuu eno kiu shive keno ighiju.

2 Kor. 11:1

Ni ye kitila aghüzü anikha shinia kemu nongu pelo kutuutsü penishi ani. I gholo kutuu tsülo!

1 Kor. 7:7

Ni ye kümtsü pelo ni ampi hutoi shi penishi ani. Ikemu kümtsü no Alhou launo agho ithulu keu ani, milakhi no agho lakhi eno lakhiu no agho kütau ani.

1 Kor. 4:8

Nongu ye nongu no lunishi keu kümtsü auvae! Nongu ye kinimi shivae! Ningu sümono nongu ye kükami shivae! Nongu no kaluke aye ningu ghi no gholo aküka küsajeni cheke!

Apostolmi 25:14

Pama no atsala kutomo ngo akehu Festus no akükau zülo Paul tsakükügha vehu pesü pi, “Hile timi lakhi Felix no akughu shipüaghi keu ani.

Apostolmi 12:6

Kughou Herod no pa saipeghi niye kughu akeno, tipaji Peter ye ayikichhe kini no pa tshüpe aghukhemi kini dolo züa, eno akughuki hukikha lo aghukhemi no kheae.

John 5:34

I no ashepe ithulu keu ye timi launo ke piamoe, ikemu nongu xalu peniye ni ye hipaqo piani.

JEREMIYA 13:17

Ikemu nono inimo aye, o qheküza ghenguno I ngulho no tuqhou no qa nani; I nhethi lono kukhukimji shi anhezü ipeghi qa nani, kughengu AMPEUw timi loji ye akughu lo sawuveni ake.

KUKAMI AKINIU 5:3

Li no li mpeliu vilo pi, “I mpeu pelo Samaria lo ache keu tungkupu lau wu penishi nolae! Pa ye pa pügha shipivive tsü nanie.”

SAMUEL AKINIU 18:33

Akükau ye ighono amlosave no khagho kunguu achebo lo iku qa ae. Pa no kunguu iku chekelo pi, “O I nu Absalom, I nu, I nu Absalom! O züqhushi I no thiveni keghi lae, O Absalom, I nu, I nu!”

AKIKIHI 11:29

Ikemu Moses no pa khochile, “I ghenguno nono alomsü ani keshea? Ampeu no Paw timi kümtsü shou Pa ghungu puku tsüno panongu pelo tungkupmi shi aghi penishi nolae!”

IPEKULU 16:3

eno Israelmi no pama vilo pi, “Egypt yeghi lo nino ashi kulholiqo phivilo iqa no aghakiqi shi achuqupu chuche kelono Ampeu u lonomu thive keu pavini cheke, kughengu nokujo no ni sasü asayeqha hipau lo ighi no Israelmi qoaho kümtsü akhüava lono pithiveni ye shi anike.”

JEREMIYA 38:20

Jeremiah no pi, “O pesü panongu tsümo nani, I no kiu o vilo pi ani keno itehi Ampeu tsa lulo, tishiaye o ghenguno akivipu shinani eno o küxü ghülu nani.