Apostolmi 26:24 - Sumi Naga CL (Re-edited) Bible (BSI)

²⁴ Pa no hipaqo pi ghi pa shokha ake lono, Festus no asütsa kuloghi lono pi, “Paul, no ye o kükümsü aphi ije amovae, o kighithi kighiche no o kükümsü o shiküghüzüvae.”

BAIBEL (BSI)

²⁴ Paul no hitoi pa likhi pa shokhakeu tsa pi kelo, Festa no asutsa akumgha shi-ghi pa vilo ishi pi, “Paul, noye izuphokicheyivae. Okighithi kighiche huno opelo izuphokicheyivae.”

Sümi Tiqhelimi Bible

²⁴ Paul no pa shokha keu tsa pi akelo Festus no pa tsa vekha ghi müghachhoi shi pi, “No ye izüuvae, nono kutomo ithi akeu no O saküghüzü anie.”

Apostolmi 26:24 Referans Kwoze

1 Kor. 1:23

ikemu ningu no Khristo yedave keu kütsü cheni, ti ye Jewmi ghenguno apukhu küpsüpu eno Jewkumomi ghenguno mbomzü vehu,

2 Kor. 5:13

Kughengu nino küghüzümi ghola shive aghi aye, ti ye Alhou ghenguno ke; ikemu ningu kükümsü achipilo aghi aye, ti ye nongu ghenguno ke.

1 Kor. 4:10

Ningu ye Khristo ghenguno mbomzümi, ikemu nongu ye Khristo lau kimelu keu lono alokütsümi. Ningu ye miqemlei kemi, ikemu nongu ye akumtomi. Nongu ye agigihupu ithulu cheni, ikemu ningu ye tichetighemi ke.

Mark 3:21

Kughou Jisü kibolomi no ti chilu keno, panoqo no pa ghasüve niye wu, kughengu timiqo no pa ghili hitoi kügha ake, “Pa ye akükümsü kühavae.”

Apostolmi 26:11

Ghuthu kutomo I no sinagog lono panoqo ghime, Alhou thaigha penike pükapütsa, eno axukighide lono inaghami phughi kutolo panongu ghime wuke.

JEREMIYA 29:26

‘Ampeu no o pelo Pa ki jukütsü tsü penike achineu Jehoiada theli lo o pesü achineu shivae, no ye tungkuptsa piche keu aghüzüu pesü kuokhayi pipe no khakütha bolo sülo.

KUKAMI AKINIU 9:11

Kughou Jehu no pa mpeu qemi lau ipeghi keno, panongu no pa vilo pi, “Thokha achipi shi anima? Hi anikhau ye kushiye o lau ighi kea?” Pa no pi, “Nongu no timi eno pa tsapi ithi ani.”

Apostolmi 17:32

Kughou panongu no kithimi xüchilekulu chilu keno, khami no junuqhi. Ikemu khamiu ye pi, “Hipa tsa lo ningu no o launo chilu kitheni.”

HOSIYA 9:7

Aghimepu tsalaqo ighivae; lokichile ghuloki ighivae; Israel no tipau ithi nani. Tungkupu huye mbomzüe; aghungu lo timi ye aghüzüe, ti ye nongu xine kije eno akimthi kije ghenguno ke.

Apostolmi 24:25

Pa no amikucho, alikhi aghasükulu, eno küghakütha chekeu vehu apasü shi lhewo kelo, Felix ye thüghüive no pi, “Hi no tave aghilo, kughou adokivi ithuluni keno I no o ku puwuni.”

Apostolmi 22:1

“Athiküzümi eno apunoqo, I no nongu zülo I shokükha tsa pinike inilo.”

John 8:52

Jewmi no pa vilo pi, “No ye tüghami o lolo anie pi itehi ye nino ithivae! Abraham ye thivae, eno tungkupmiqo ghi thivae, ikeghi nono, ‘khuu no I tsa peluni keno khilemu akithi michemo nani’ ipi ani.

John 8:48

Jewmi no pa khochile, “No ye Samariami eno o lolo tüghami anie pi ningu no pikeu ye achipi kumo keshea?”

John 7:15

Ikehu Jewmi ye akichiqhive no pi, “Timi hipau ye phi-yemo keghi kishino akighithi ani kea?”

Apostolmi 24:27

Kughou ampe kini wove keno, Porcius Festus no Felix züqhulo ighive. Eno Jewmi lopushi tsüniye Felix no Paul akughu shive.

2 Tim. 3:15

nono iti küxü lono kishi Kuchoyesü ithiche keno, tino Khristo Jisü lau aküpülü akeu vecheo xakulupu küdau o sawu kepu lokütsü tsünani.