Apostolmi 26:20 - Sumi Naga CL (Re-edited) Bible (BSI)

²⁰ Ikemu Damascus lo paghi sheshu, tishino Jerusalem, Judea cheaxü kümtsü lo, eno Jewkumomi lau ghi Alhou lau xaide, eno tipau kiqi lono akümla lono piye lopi sheshue.

BAIBEL (BSI)

²⁰ Ikemu atughushi Damaska, Jerusalem, Judia ghakhu kumtsulo eno Judakumomi gholo ino asheshue. Panongu xine qhiveno Alhou lau xaideghi luve keu kumla mlape piyelo pi ino asheshue.

Sümi Tiqhelimi Bible

²⁰ Ikehu I no kütsü chekeu ye atüghishi Damascus lo akemiqo, tithiu no Jerusalem lo eno Judea qha kümtsü lo akemi eno tithiu no Jewkumomiqo pelo amlo pebideve no Alhou lau xaideghive püzü panongu no xaideghive keu hu akümlàqo lono pephe-piye peniye ke.

Apostolmi 26:20 Referans Kwoze

Apostolmi 3:19

Tighenguno xaidelo, eno nongu xine nuxave tsü penike tsüghü ighilo,

MATTHEW 3:8

Aküxü xaidelu keu michipu shi axathi pithilo.

Apostolmi 2:38

Peter no panongu vilo pi, “Nongu xine qhivetsü kepushi xaideghi no Jisü Khristo je lono baptiz shilulo, eno nongu no Aghungu Kimthe gho ithulu nani.

Piyeküsü 2:5

Tighenguno no ye khileno ikiqive akeno kümsü lulo; xaidelo, eno atüghü lo nono kiu mlache keno tipau shilo. Nono xaidemo keloye, I no o lau ighi no o kulukibepu hu tipa-a lono ikhivetsü nani.

MATTHEW 9:13

Hi ye kiu kiqi keno wuno shika lulo: ‘Ni ye kimiyekini laju ani thono aghakishi kumoe.’ Kughengu I no ighikeu ye amikuchomi kumono axinemi kuni ke ghenguno ke.”

Piyeküsü 3:3

Tishi aye, nono kiu ithulu eno chilu püani keno kümsü lulo. Tipau pepimhe no xaidelo. Nono ithughimo aye, Ni ye küpkami lakhi toi ighi nani, eno kiu tüqhüdo lono I no o mjochile ighi nani keno no ye ithimo nani.

Ephesiami 4:17

Itehi Ampeu je lono I no hi piani eno iqhikithe anike nongu ye Jewkumomi toi ameküküha kükümsü xapu cheche kelau kumoae.

2 Kor. 7:10

Kughengu Alhou küdau no amloghime peitha luve keu no aküxü xaidelu no xakulupu lo sawu cheni eno tile kümsüchile kepu kühae, ikemu ayeghilo mloghime no akithi süghi cheni.

1 Thes. 1:9

Kughengu nino nongu lau ighi kelo kishi nongu no ningu ikhilu, ajulho launo tsüghüsü aküxüpu eno kuchou Lhou qenike ighi,

2 Kor. 3:16

Ikemu kughou milakhi no Ampeu lau tsüghü ighini keno, agi künhaphi ye ikhive cheni.

Rommi 2:4

Ikeo no ye Paw ivüilai keu, kutuukulu eno kheakulu kupukuno shi akeu huye xaidekulu lalo o sawu nike ghengunoe pi mthano küthathai ani kea?

Apostolmi 26:17

I no ow timi ngo Jewkumomi, khunoqo lau I no o puwu ani keno, tipaqo launo o xaphelu nani,

Apostolmi 20:21

Jewmi eno Greekmi vilo ghi Alhou lau xaide ighi no ni Mpeu Jisü Khristo pülü penike thopi shi püani.

Apostolmi 17:30

Mthake ghuloki loye Alhou no jukümghale ighivae, ikemu itehi ye Pa no aqha kuchopu lo timi kümtsü vilo xaide lopi azah tsü ani,

Apostolmi 15:19

Tighenguno Iw xakütha ye Jewkumomi khunoqo Alhou lau ighi ani keno ningu ye pano küpüna kepu kumoe.

Apostolmi 11:18

Panongu no hi chilu kelo inaqhoive, eno Alhou sheqhe ghi pi, “Tishiaye Alhou no Jewkumomi lau ghi aküxüpu lo wulu kepu xaidekulu tsüvae.”

Apostolmi 9:35

Eno Lydda ngo Sharon lo küami kümtsü no pa ithulu, eno panongu no Ampeu lau ighive.

Apostolmi 9:15

Ikemu Ampeu no pi, “Wulo, kughengu pa no I je pesü Jewkumomi ngo kükami eno Israelmi zülo wu penike I no kishevae.

Luke 15:10

Tihutoi I no nongu vilo piani, axinemi lakhi no xaidelu keu lo Alhouw kungumi gholo ghi alokivi kije acheni.”

Luke 15:7

Tihutoi I no nongu vilo piani, kungugha lo amikuchomi lhotoku-toku khuno müzülo xaidekulu avehupu shimoa keno, tipaqo ghenguno alovi keu nguno axinemi lakhi xaidelu keu lokiviu paje nani.

Luke 13:5

I no nongu vilo piani, kumoe; ikemu nongu no xaidemo kelo nonguu ghi kümtsü titoi pühave nani.”

Luke 13:3

Moe, I no nongu vilo piani; ikemu nongu no xaidemo kelo nongu kümtsü titoi pühave nani.

Luke 1:16

Pa no Israelmi kutomo sachile sawo Ampeu pano Lhou tsü nani.

Mark 6:12

Ikehu akhopemi no wu püzü timi kümtsü no xaide masa keu tsa pesü sheshu.

MATTHEW 4:17

Hipa ghuloki lono huthusü Jisü no ishi kütsü thuve, “Xaidelo, kughengu kungugha yekipe ye kunupu khoivae.”

MATTHEW 3:2

“Xaidelo, kughengu kungugha yekipe ye kupunuvae.”

HOSIYA 14:2

Atsa pesü Ampeu lau idewo eno Pa vilo pilo, “Axine kümtsü ikhive tsülo; kiu no alo keno ikhilu tsülo, eno ni kichi lono tushoqhi ketoi nino amshitsü pesü tsüni.

HOSIYA 12:6

“Ikehu no ye o Lhou kukuphu vecheo ideighilo, iqemokeu kikimiye eno kuchou xakütha mtotoi tsüqülo, eno tamono o Lhou khealo.”

Piyeküsü 16:11

eno apiyi küsü jeli pulho kelauno kungugha Lhou ghusho ake thono pano kümla lhoksa lono xaide moe.

Piyeküsü 2:21

I no li pelo xaidelu penike ado tsü kemu li ye asalha xine lono xaideni keu milive ke.

AKUMLO 3:40

Ni laghi phuju no chhejuni nolo, eno Ampeu lau idewonie!

ISAIAH 55:7

Kixikilami pelo pa küxü ghola pheve pelo, eno achipi kumomi pelo pa kükümsü kilive pelo; pa pelo Ampeu lau ideighive pelo tishianguno Ampeu no pa shou kimiyekini apenike, eno ni Lhou lau ideighi pelo kughengu Pa ye akipimi qhivetsü nani.

LESHELE 22:27

Ashiaye kümtsü no kümsülu eno Ampeu lau xaidelo, shiye jeli kümtsü no O zülono O mlla nani.

JEREMIYA 18:11

Tighenguno itehi, Judah ngo Jerusalem lo küxümi vilo pilo: ‘Ampeu no ishi piani, Jualo, Ni ye nongu shou amhekiqi eno amqü kuchughu ani. Kümtsü no pütüta kümla lhoksa lono ideighi lo, no laghi eno no kümla lhoksaqo shikithe luvelo.’

JEREMIYA 35:15

I no nongu lau I qemi tungkupmi puwu, eno tamo mithe puwu no panongu no picheni, ‘Itehi nongu kümtsü alhoksa laghi launo tsüghüve lo, no kümla kililo, kütau lhouqo huthuni ke papewu kevilo, tishiaye nongu ye I no nongu eno no puasüqo tsükeu yeghi lo xülu nani.’ Ikemu nongu no akini kugho puwomo momu I tsa inimoe.

Apostolmi 26:19

“Tighenguno, O Akükau Agrippa, ni ye atsütsü lo kungunhetsü hebide püamoe.