Apostolmi 26:18 - Sumi Naga CL (Re-edited) Bible (BSI)

¹⁸ panongu nhethi xükho tsüno no aküzü lono aküvü lo ipeghilu, eno Satan küka lono Alhou lau tsüghü ighilu, tishino panongu pelo axine qhikütsü ithulu no I lau aküpülü akeu vecheo shikimtheve kemi gholo a-a ithulu peni.’

BAIBEL (BSI)

¹⁸ Noye panongu nhethi xukhotsu masa eno akuzu lono akuvulo panongu saghilo. Satan kuka lono Alhou lau saghilo, tishianguno panonguno ipulubekeu vechewo panongu xine pevetsu nani eno shikimtheluvemiqo gholo panongu-a phulu nani.”

Sümi Tiqhelimi Bible

¹⁸ eno tiye panongu nhethi àküzǘ lono aküvü ithulu peniye ke, eno Satan küká lono Alhou küká lo ighive no axinéqo qhikütsü ithuluve pe no I shou pülübe no mitheluve kemiqo gholo ngolu peniye ke.’

Apostolmi 26:18 Referans Kwoze

1 Peter 2:9

Ikemu nongu ye kishekiphe lagha, Akükau chine kümlami, akimthe shiye, Alhou no Pa kütsashi pükhalu keu timiqo ke, tishikeu lono Khuu no aküzü lono nongu kuphepe Paw akichiqhipu küvü lo sailo keno, nongu pelo Pa kighiche kümla sheshu peniye ke.

Ephesiami 1:18

nongu mlo lo vethakulupu nhetsü qhino Pa no nongu kulu püakeu lajupu ye kiu, Pa juküvüpu mheghi kinikülüshi küpülümi lau akeu ye kiu keno, nongu no ithi peni;

Ephesiami 5:8

kughengu ghuthu lakhi lo nongu ghi aküzü lo ache, ikemu itehi ye Ampeu lau aküvü lo auve akehu aküvü nuliqo toi chechelo.

Apostolmi 20:32

Itehi ye Alhou lau eno Paw küpükini tsa lo nongu kulhuqhi tsü ani, tino nongu xaqhelu nani eno Paw shiluve kemi gholo nongu mheghi ighilu penani.

2 Kor. 4:6

Kughengu, “Aküzü lono aküvü vüipeghi lo,” ipikeu Lhou no Jisü Khristo gilo Alhou juküvü kighithi küvü tsünike ghenguno ni mlo lo yepüvü tsüke.

ISAIAH 42:7

anhethi kighichemi nhethi khaqhitsü nani, aküzü kughuki lo akughu shi akemi saipeghi nani; aküzü lo iqa akemi khaqhiphe nani.

John 8:12

Jisü no itaghi timiqo vilo pi, “Ni ye ayeghiqha küvüe. Khunono I papeni keno aküzü lo chemo nani ikemu aküxüpu küvü anani.”

Luke 1:79

aküzü eno akithi yekükhü lo akeqo lau aküvü tsü nani, eno aloino keu laghi lo ni pukhu kichetsü ghi wu nani.”

Ephesiami 4:18

Pano kükümsü ye aküzü lo ani, eno amlo kümka lono kiumu ithini shimo kehu mbomzü shi Alhou no tsükeu küxü lono kütüta shivae.

ISAIAH 35:5

Tileno anhethi kighichemi nhethi xükhove tsü nani, eno akini kughupomi kini khaqhive tsü nani;

2 Kor. 6:14

Pülümokemi sasü kuokhasü pukümtsa kevilo. Kughengu amikucho ye kiu lono ayezah heküxa sasü kütünalu nani kea? Momu aküvü ye kiu lono aküzü sasü kuposhulu nani kea?

2 Kor. 4:4

Panongu ghengu ye hipa yeghi lo lhou no pülümokemi mlo kughupove tsüae, tishikeu lono panongu pelo Alhou jukimhiu Khristow ajuküvü tsakiviu küvü ithulu pemo niye ke.

1 John 3:8

Khukhumu axine kümla shiche keu ye tüghami laumi, kughengu tüghami ye abothu lono axine shisü ighivae. Alhou Nu no ipeghi keu kiqi ye tüghami kümlaqo kütsave tsüniye ke.

Apostolmi 2:38

Peter no panongu vilo pi, “Nongu xine qhivetsü kepushi xaideghi no Jisü Khristo je lono baptiz shilulo, eno nongu no Aghungu Kimthe gho ithulu nani.

1 John 5:19

Ningu ye Alhou laumi kepi nino ithi ani, eno ayeghiqha ye kümtsü alhoksau küka qholo ani.

1 John 1:9

Ikemu ningu no ni xine pipheve aye, Pa ye pükhükulupu eno achipiu kehu ni xineqo qhivetsü no alhoksa kümla kümtsü launo ningu shikimthelu nani.

Apostolmi 20:21

Jewmi eno Greekmi vilo ghi Alhou lau xaide ighi no ni Mpeu Jisü Khristo pülü penike thopi shi püani.

Luke 24:47

eno Jerusalem lono huthusü pa je lono shiye kümtsü lau xaidekulu eno axine qhikütsü pesü sheshu masae.

Piyeküsü 21:27

Ikemu mithekumo ye kiu gholau nomu tile ilolumo nani, tike kumono kitiqeve keu momu kichile kümla shive keumu ilolumo nani, ikemu khunono Ambetiw aküxüpu kaku lo aghini keno pano likhino ilolu nani.

1 Peter 2:25

Kughengu nongu ye ala vepimi wuvekeu mbe toi cheke, ikemu itehi ye nongu ngulho Kheu eno Jukükütsüu lau idechile ighivae.

IBRIMI 11:6

Aküpülü küha keloye Alhou mlo kiqipu shimlae, kughengu khuu no Alhou lau ighini keno pa ye Alhou ye acheni eno Pa phu ighi kemi Pa no asaxü tsücheni kepi pülülu masae.

Apostolmi 13:47

Kughengu Ampeu no hitoi azah ningu tsüvae, “‘I no o pesü Jewkumomi küvü shive tsüae, tishianguno nono ayeghi shekha kutolo xakulupu saghi nani.’”

Apostolmi 15:9

eno aküpülü vecheo pano mlo shikimthe tsüno ningu ngo panongu dolo kiumu kothakile keu shitsü moe.

Apostolmi 5:31

Alhou no pa pesü Sakipheu eno Xakuluu shi Pa u ajeu süqhepe qhino Israelmi pelo xaidelu no axine qhikütsü ithulu peniye ke.

John 9:5

I no ayeghi lo ake tivilo ni ye ayeghilomi küvüe.”

John 3:19

Küghakütha ye hike: ayeghiqha lo aküvü ighivae, ikemu timiqo no aküvü kimiye ke kumono aküzüu kimiyeve, kughengu pano kümla no küsakügha ke.

ISAIAH 29:18

Tipa ghuloki lo akinikughupomi no kaku lo akeu tsa chilu eno anhethi iche kemi no aküzü züchiyi keu lono pano nhethi xükhope ithulu nani.

1 John 2:12

Anuliqo, ni ye nongu lau ye ani, kughengu Khristo je lono nongu xine ye qhive tsüae.

1 Peter 1:4

kungugha lo shipüsa kümlapu, shipixi kümlapu, eno hauvemo kepu mheghi akeu lo nongu saje ithulupe ke,

John 17:17

Kuchou pesü panoqo qhukimthe tsülo, O tsa ye kuchou ke.

Luke 1:77

paw timiqo xine peve tsükeu lo xakulupu kighithi pesü panoqo loshipütsü tsü nani.

Jude 1:1

Jisü Khristo qeu eno James thiküzüu Jude, Alhou no kuluve kemi, Apu Alhouw kikimiye lo akemi, eno Jisü Khristo ghenguno süsho püakemi lau yelu ani:

James 2:5

I qhuu athiküzümiqo, inilo, Alhou no ayeghi lo kumlhomi kishelu no aküpülü lo kinimi shilupe eno Pa kimiyekemi tsüni keu shi piqhi püakeu kükaqha mheghi kiyighimi shilupe kekumo keshea?

IBRIMI 10:14

Kughengu pa no ghuthu lakhi aghashi keu lono khunoqo shikimtheve akeno tipaqo alhokuthu ghenguno kupukülaive tsüe.

Galatiami 3:14

tishianguno Khristo Jisü launo Jewkumomi lau Abraham kükümgha ighi peniye eno aküpülü vecheo ningu no piqhi püakeu Ghungu ithulu niye ke.

Luke 24:45

Tileno Kuchoyesü ithikuthulu penike pa no panoqo kükümsü xükhotsü,

ISAIAH 43:8

Khunono anhethi ani kemu ithulu chemo, akini ani kemu chilu chemo keno, panongu saipeghilo!

ISAIAH 42:16

eno I no anhechemi sasü panongu no khilemu püla chemo keu laghi lo sawu nani. panongu no ithimo keu laghi lo I no panongu la kichetsü nani; I no panoqo zülo aküzü pesü aküvü shivetsü nani; eno kipekuloi keu yeghiqo külaqavetsü nani. I no thime hipaqo shini cheni, eno Ni ye panongu phevemoe.

ISAIAH 9:2

Khunono aküzü lo cheche keno aküvü kije ithuluvae; khunono aküzü kutho lo ache keno, aküvü no pano yepüvü luvae.

LESHELE 119:18

I nhethi xükho tsülo, tishianguno O yezah lo akümzapu thimeqo akeu I no ithulu nani.

2 Tim. 2:26

eno panoqo no kümsüchilelu püzü tüghami no pano mepe qhino pa gho-apulou shipe chekeu lichhe lono poluve nani.

Ephesiami 2:8

Kughengu nongu ye aküpülü vecheo küpükini lono xaluvae; eno hi ye nongu ampi ka-agha lono kumoe; ikemu Alhou no tsükeu gho ke,

Ephesiami 1:11

Alhou khuu no thokha Pa pulou kimji lono mlaitha cheni keno, Pa kukughu lono azünatha ningu kishelu kehu ningu ye Khristo laumi shilu keu lono Alhouw akütsa mheghi shiluvae,

1 Kor. 1:30

Pa ghenguno nongu ye Jisü Khristo lau kimepe ani, ni ghenguno Khristo ye Alhou launo ighikeu lokütsü, amikucho, shikimthekütsü, eno xachilekulu ke.

Luke 4:18

“Ampeu Ghungu no I shou ani, kumlhomi lau asütsa kivi sheshu penike Pa no I nukishe. Pa no I puwu keu ye akughumi lau khakiqhi sheshu; anhechemi lau ithukulu tsü; nedaqodape akemi kuqhophe;

Luke 2:32

Jewkumomi lau pephe piye kepu küvü lakhi, eno Ow timi Israelmi ghenguno ajuküvü ke.”

MATTHEW 4:16

aküzü lo ache keqo no aküvü kije ithuluvae, eno akithi yekükhü qholo ache keqo ye aküvü no ipeghi no panoqo shou yepüvü luvae.

MALAKI 4:2

Ikemu nongu I je sümsa chekemi ghengu ye, achipiu mikucho no khetsünhe küvü toi shikipivi süghi nani. Amshitiqo no kakashi ilhe ketoi nongu no alovi nani.

ISAIAH 49:6

Pa no pi: “I no O pelo Jacob shiaye xaqhe eno Israelmi püxü püakeqo sachile saghi peniye I qeu shipekeu ye mthülo ke; ikehu I no o pelo shiyeqo lau aküvü ghi shipeni, tishikeu lono Iw xakulupu no ayeghi shekha tolu peni.”

LESHELE 146:8

Ampeu no anhechemi nhethi khaqhi tsücheni; khunono qhoqhü itsaqi cheni keno Ampeu no xaqhe cheni; Ampeu no amikuchomi kimiye cheni.

IBRIMI 10:10

Eno Jisü Khristo phimpi no ghuthu khavino akümllagho shive tsükeu vecheo Alhou pulou lono ningu shikimthe luvae.

IBRIMI 9:15

Hi ghenguno pa ye puloshoqhi akitheu lacheu ke, tishianguno kuluve kemi pelo lhokta mheghi pikiqhi ithulu peniye ke, kughengu puloshoqhi atüghüu lo timi no axine shikeu lono xaphe niye akithi ighike.

Ephesiami 5:14

eno kiu kiumu ithuluve keu ye aküvü ake. Tighenguno ishi pi püani, “Ithulo, O aküzüu, eno akithi lono ithughilo, Khristo no o shou yepüvü nani.”

Ephesiami 1:14

Aghungu Kimthe hi ye ningu no Alhou launo akütsa shi amheghi ithulu khamoke dolo tsütha keu ke, Pa jekipipu shi sheqhe akepue.

Ephesiami 1:7

Khristo ji vecheo ningu ye pa lau no xachilekulu eno axine qhikütsü ithulu. Paw küpükini ililai akeu kiqi lono

Galatiami 3:2

I no hilikhi nongu vilo ighiju ani: Nongu ye Ayezah pelu keu lono keo aküpülü vecheo chilu keu lono Aghungu ithulu kea?

Galatiami 2:20

Ni ye Khristo gholono yedavae. I lolo xüakeu ye ni kumovae, ikemu Khristo no I lolo xüani. Eno itehi I no ashi lo xüakeu ye Alhou Nu, khuu no I kimiye no I ghenguno pa ampi tsüve keno, pa gholo aküpülü vecheo xüani.

1 Kor. 1:2

Corinth lo Alhou kukuhou, Khristo Jisü launo shikimtheve kemi, aqha kümtsü lo ni Mpeu Jisü Khristo jeku chekemi gholo süküqha no küpülümi shipenike kuluve keqo lau ye ani:

Rommi 8:17

ike anuli ipi aye, Alhou mheghi kiyighimi, eno tsala ningu no Khristo juküvü ghi küsajeni kehu Pa gholo ime küqha aye, ningu ye Khristo gholo amheghi kiyighimi ke.

Apostolmi 26:23

ti ye Messiah ye ime masae, eno akithi lono xüputhuve kemi gholo amsüu shino pa no ni timi ngo Jewkumomi lau aküvü ghili sheshu nani.”

Apostolmi 10:43

Pa pülü kemi kümtsü no pa je vecheo axine qhikütsü ithulue pi tungkupmi kümtsü no pa shepe shipüani.”

Apostolmi 3:19

Tighenguno xaidelo, eno nongu xine nuxave tsü penike tsüghü ighilo,

John 9:39

Jisü no pi, “Küghakütha ghenguno ni ye hipa yeghi lo ighi, tishianguno ithumla no akemi pelo ithulupe eno ithulu akemi pelo anhethi icheve peniye ke.”

John 4:14

ikemu khunono I no tsükeu zü shoni keno, pa ye khilemu tüghüthi kithemo nani. I no azü pa tsükeu huno pa lolo lhokta küxü züpuki shi qoipeghi nani.”

John 4:10

Jisü no li khochile, “Alhou no agho tsükeu nono ithi aghi, eno o vilo, ‘Azü I piyelo’ ipi akeu ithi aghike aye, no ye pa vilo aküxüpu zü khuniche eno pa no o tsüniche.”

ISAIAH 32:3

Tileno ti ithulu eno chilu kemi no ithikuthulu no amlotsü qhiyi nani.

MATTHEW 4:10

Tileno Jisü no pa vilo pi, “Chevelo, Satan! Kughengu ishi yepüani, ‘No ye Ampeu o Lhou mlla lo eno pa likhi huthu lo.’”

Apostolmi 26:19

“Tighenguno, O Akükau Agrippa, ni ye atsütsü lo kungunhetsü hebide püamoe.

Ephesiami 5:11

Aküzü kümla athi pithimo keu lo chhosü kevilo, tishinike züqhulo tipaqo pesü aküvü lo pephelo.

Ephesiami 6:12

Kughengu ningu ye timi sasü kumono yepemi, atomi, hi aküzü yeghiqha eno atsütsü lo aghaküsa ghawu kükaqo sasü küpüghü ani.