Apostolmi 26:16 - Sumi Naga CL (Re-edited) Bible (BSI)

¹⁶ Ithu puthugho lo, kughengu avehu hipau ghenguno ni ye o zülo ipeghi ani, o pesü I qeu shino nono ni ithuluve keu eno itaghi I no o zülo ipeghi niye akeu pesü thopi shipeni.

BAIBEL (BSI)

¹⁶ Ikemu ithulo eno opukhu ne suqhelo. Okugha pesu iqeu shipenike niye olau ipeghipiyevae. Nono ishi kishi ni ithulu keno eno ithuluni keno pesu kutami vilo pi masae.

Sümi Tiqhelimi Bible

¹⁶ ‘Itehi ithulo eno puthughove lo. I no O gizülo ipeghi akeu ye O pelo I qeu shipe niye eno nono ni ithuluve keu eno ithulu niye kutò akeu thopi shipe nike O süküsü shi niye ke.

Apostolmi 26:16 Referans Kwoze

DANIEL 10:11

Pa no I vilo pi, “O Daniel, shishe kimiye chekeu, I no o pütsa akeu tsa vethalulo, müzüchoi puthugho lo, kughengu itehi o lau I puwu ani.” Kughou pa no hipa tsa I vilo pi keno, ni ye msakhokhoshi puthughove.

EZEKEL 2:1

Pa no I vilo pi, “Timi nu, puthugho lo, I no o sasü küptsani.”

1 Tim. 1:12

Akümla hipau shipenike akumto I tsükeu, ni Mpeu Khristo Jisü shikimthi ani, kughengu pa no ni ye pükhükulupu kepi xatha no I pesü pa kümla lo süsüe,

Galatiami 1:12

Kughengu ni ye timi khuu launo mu ti ithuluke kumo, eno I shikake kumoe, ikemu I no ithulu keu ye Jisü Khristo vecheo pephe piye keu lonoke.

Rommi 15:16

Alhou tsakiviu kümlapu lo achinemi lakhi shi Jewkumomi lau Khristo Jisü tsapeu shi peniye ke, tishianguno panongu ghi Aghungu Kimthe vecheo shikimtheve no akümllagho toi ikhikulupu shi peniye ke.

Kolosiami 1:25

khipau ghenguno Alhou no I pelo nongu lau Alhou tsa kupukülai pikülha penike I pesü aqemi shi süsüe,

Kolosiami 1:23

ikemu nongu ye thebei aküpülü lono puthugholu, ithamo no mtotoilu, lajupu tsakiviu nongu no chiluve keu lono iqeve mono amasae. Atsakiviu hi ye atsütsü qholo pulhoküsü kümtsü lau sheshuve keu, ni Paul ye tipau shepemi lakhi ke.

Galatiami 2:2

Piyeküsü I tsükeu kiqi lono I no wuno (akhotomi ipi chekeqo vilo lomoshi) Jewkumomi gholo pikülha chekeu tsakiviu pesü pi, tishianguno ni ye adou lono pochemo momu po püamoe pi thebei shiniye ke.

Apostolmi 23:11

Tipa ji Ampeu no Paul phivilo puthugho no pi, “Amlo mtolo, kughengu no ye Jerusalem lo kuchou thopi shivae, titoi Rome lo ghi thopi shimasae.”

2 Tim. 4:5

Ikemu nou ye alhokuthu lo tsaqütsalei lo, aghime puqhelo, tsavipemi kümla shilo, eno Alhou qemi kümlapu shikupu lo.

1 Tim. 4:6

Nono akükütsü hipaqo pesü athiküzümi lau tsülu aye, no ye Khristo Jisü qemi kivi lakhie, ti ye aküpülü tsa ngo akülü kuchou, nono pepimhe chekeu huno o qophe püakeu lono ke.

1 Thes. 3:2

eno nongu küpülü kughuko tsüno hakiteni ke ningu no ni thiküzüu Timothy, Khristo tsakiviu shekushu lo mlaküqha chekeu nongu lau puwu,

Kolosiami 1:7

Nongu no ni qhuu aküsau eno aqeu Epaphras launo ti shikalu ke. Pa ye nongu züqhushi Khristow pükhükulupu qemi

2 Kor. 5:18

Hi kümtsü Alhou launo ke, Pa no Khristo vecheo ningu pesü Pa lau alupekili lupe eno alupekikili kümlapu ningu tsüe;

2 Kor. 4:1

Tighenguno, Alhouw küpükini vecheo akümlapu saje hipau ningu tsü kehu, ningu ye amlo hauve chemoe.

Rommi 1:5

Pa vecheo ningu no küpükini eno apostol kümlapu ithulu keu ye Pa je lono shiye kümtsü sasü aküpülü ghokulu lo ighi niye ke,

Apostolmi 22:10

I no pi, ‘Ampeu, ni ye kiu shini kea?’ Ampeu no I vilo pi, ‘Ithu no Damascus lo ilolo, eno o pelo shipeniye kughu püakeu kümtsü tilau no o vilo pini.’

Apostolmi 21:19

Panongu sasü petha shive kethiu, pa no Alhou no pa vecheo kishi Jewkumomi gholo mlatsü keno apasü shi lakhikhi no lhepiye.

Apostolmi 20:24

I kimjiu ye Alhouw küpükini tsakiviu sheshu peni keu kümlapu saje khikhi Ampeu Jisü no I tsü keno ti shikupu luni malapi ani thono ni ye I küxü pesü ameküapu momu akughupu shi chemoe.

Apostolmi 6:4

Eno ningu ye akighini eno atsa shekushu kümla lo ado tsüveni.”

Apostolmi 1:25

Judas no qhive no pa-a lo chevekeu theli lo apostolmi shino hipa kümlapu saje pelu peni keno ni piyelo.”

Apostolmi 1:17

Kughengu pa ye ningu gholo lakhi shiche, eno hipa kümlapu lo pa saje kophe tsüpüa ke.”

Luke 1:2

ti ye hukuthu lono thopimi eno Atsa sheshumi no ningu lau pikiye süghitsü keu pasü lono ke.

Apostolmi 26:15

I no pi, ‘Ampeu, no khuu kea?’ Ampeu no pi, ‘Ni ye Jisü, nono ghime akeu huke.

Ephesiami 3:3

Alhou no kishi piyeküsü vecheo tuqhou vehu I lau kilethitsü keno ni ye azüu ghi ikhonhei shi yeve ake.