Apostolmi 26:13 - Sumi Naga CL (Re-edited) Bible (BSI)

¹³ O akükau, puchomghü lo ala lo chekelo atsütsü lono aküvü lakhi I no ithulu, ti ye khetsünhe küvü nguno vüqai, eno tino ni eno I gholo chekeqo süho luve.

BAIBEL (BSI)

¹³ O Akukau, pucho-mugholo alalo chekelo atsutsu lono akuvu lakhi ino ithulue, tiye tsukinhe kuvu nguno vuqaikeu, eno tino isuhope yeluve, eno igholo chekeqo veho yeluve.

Sümi Tiqhelimi Bible

¹³ O Akükau, puchomghü lo I no alà lo che kelo, ni ye atsütsǘ lono aküvü lakhi ithulue, tiye khetsünhe küvü nguno vüqalei shi püzü ni eno I gholo chekemiqo veholuve ke.

Apostolmi 26:13 Referans Kwoze

MATTHEW 17:2

Eno panoqo zülono Jisü ye ajuhi kilive, pa gino khetsünhe toi vüqaive eno pa phimini no aküvü toi metsüghoive.

Piyeküsü 21:23

Aphughi ye tipau shou yepüvü kepu khetsünhe momu aqhi mu avehupu shimoe, kughengu Alhou juküvü no yepüvü ae, eno Ambeti no tipau kulubo ke.

Piyeküsü 1:16

Pa u ajeu no ayepu tsüni pe, Pa kichi lono putoputo züta ipeghi, eno Pa gi no khetsünhe kümka toi vüae.

Apostolmi 22:6

“Kughou I no Damascus kupunuve keno, puchomghü lo paikhavi atsütsü lono aküvü kije no I yeluve.

Apostolmi 9:3

Pa no Damascus kupunuve kelo paikhavi atsütsü lono aküvü lakhino pa sümxape yeluve.

ISAIAH 30:26

Itaghi, kughou Ampeu no Paw timi ghime kelono azaku pipekeu khavetsü eno shipivini keno, tipa tsala lono aqhi küvü no khetsünhe küvü toive eno khetsünhe küvü huno ghulo tsüni küvü peküqha keshi ghuthu tsüni piqi alaushi vüqaive nani.

ISAIAH 24:23

Tishino aqhi no agi zümoive, khetsünhe no agi nhave nani, kughengu aqokitikhi MPEU no Zion Toghi eno Jerusalem lono ayepe no Paw timi sakiphemiqo zülo Pa juküvü pephe nani.

Apostolmi 22:9

Timi khunoqo I gholo chekeno, panongu ye aküvü ithulu kemu I pütsa akeu sütsa vethamlae.

Apostolmi 26:12

“Hipau kikime lono, ni ye achinetomi launo kükagha eno azah pesü Damascus lo wuche.

Apostolmi 26:14

Kughou ningu kümtsü ayeghi lo iluqive keno, asütsa lakhi no Hebrew tsauno I pütsa keu I no chilu, ‘Saul, Saul, no ye kushiye I ghime ani kea? Ashu lo püsü pukuni keu ye o ghenguno kushokütsüe.’