Apostolmi 25:7 - Sumi Naga CL (Re-edited) Bible (BSI)

⁷ Kughou pa no ighi keno, Jerusalem lono Jewmi ighi keqo no pa sühope puthugho luve no thopi küha keu tsa pesü shishe pa nguku thuve.

BAIBEL (BSI)

⁷ Kughou Paul no ighi keno, Jerusalem lono Judami iqighi keqono pa suhope puthugholuve eno pa shou shishe ngukukeu kutomo pithuve, ikemu panonguye tike-hike pi chixechileyi pikulupu kiumu kuhake.

Sümi Tiqhelimi Bible

⁷ Kughou Paul sasü iloghi keno, Jerusalem lono ikighi kemi Jewmiqo no Paul sümxa pe puthugho ngo. Panongu no pa shou zapuzaghi nguku keu kutomo peighi, ikemu tipaqo lakhimu kuchou kepi panongu ye kimchitsü mülave.

Apostolmi 25:7 Referans Kwoze

Apostolmi 24:13

Tike kumono panongu no I ngukube akeu o vilo tikepi thebei pimla nani.

Apostolmi 25:24

Festus no pi, “Akükau Agrippa eno hile khije ani keno, nongu no timi hipau ithulu ani, pa ghenguno Jerusalem lo Jewmi eno hile akemi kümtsü no I lau muchho ighi no ighamku pa ye xüape kepu kumoe pike.

Luke 23:10

Achinetomi ngo Ayezah shikükami no akumou pa nguku ae.

Luke 23:2

Panongu no pa nguku thuve, “Timi hipau no ni shiye saküghüzü no Caesar lau zame ghi tsüpe moniye lakha ani, eno pa ampi no Messiah, akükau kepi piani.”

LESHELE 27:12

I ghümi pulou lo I phesüve tsü kevilo; kughengu kichile thopimi no I shou ithughivae, eno panongu ye ngukangugha tuthu shephe ani.

Apostolmi 21:28

ighamku pi, “Israelmi, ni kuphulo! Timi hipau no aqha kümtsü lo timi kümtsü vilo Israelmi ngo Ayezah eno a-a hipau lhoksa picheni. Tinguno alau pa no Greekmi achineki lo sailoghi no akimthe-a hipau kitiqevae.”

LESHELE 35:11

Xesüxeni thopimi no ithughi; eno I no mtha keu thime panongu no I vilo ighiju.

ESTHER 3:8

Tishino Haman no Akükau Ahasuerus vilo pi, “Timi khami inaghau apanagha ani eno o kükaqha lo akuaqha kümtsü timiqo dolo xukütshü mono ani. Panongu yezah ye kütami launo kütüta, eno panongu ye akükau yezah pechemo, ikehu panongu ghenguno küsüqhive tsüni keu ye akükau ghenguno ala shilumo nani.

EZRA 4:15

tishianguno o puasü yekikithi kaku lheju peniye ke. Nono tipau lono ithulu no mishighüna hipau ye hekibide ghüna lakhi, kükami eno aphughiqo ghüzave cheni, eno khaghi nomu ayekipe ghobide niye hileno xukutho ipeghi chenie pi ithi nani. Hi ghenguno mishighüna hipau ye kütsaleve ke.

MATTHEW 15:1

Tithiu Phariseemi ngo Ayezah shikükami Jerusalem lono Jisü lau ighi no pi,

1 Thes. 2:16

ningu pelo Jewkumomi xalu pemo nike atsakiviu pinikeu lakha, tishikeu lono alhokuthu pano xine qhepuku ke. Ikemu ashekha lo Alhou loghu pano shou ikughive.