Apostolmi 22:14 - Sumi Naga CL (Re-edited) Bible (BSI)

¹⁴ Pa no pi, ‘Ni puasü Lhou no o pelo Pa pulou ithi, Amikuchou ithulu, eno Pa no pikeu tsa chilu penike o süsüvae.

BAIBEL (BSI)

¹⁴ Ikelo Anania no ishi pi, ‘Nipu asu Lhou no okothaphelu puzu pa pulou ithilupe, Amikuchomi hu ithulupe eno pa ampino putsakeu chilu ishi peke.

Sümi Tiqhelimi Bible

¹⁴ “Tishi no pa no pi: ‘Ningu pù-asüqo Lhou no O kishelu keu ye pa pulou ithilu eno Amikuchou hu ithulu eno pa kichí lono pikeu tsaqo chilu peniye ke.

Apostolmi 22:14 Referans Kwoze

Galatiami 1:12

Kughengu ni ye timi khuu launo mu ti ithuluke kumo, eno I shikake kumoe, ikemu I no ithulu keu ye Jisü Khristo vecheo pephe piye keu lonoke.

1 Kor. 15:8

Ashekha shi, Pa no ni ado tomphi lono punu keu nga toikeu lau ipeghie.

1 Kor. 9:1

Ni ye I ghoshi ililai anike kumo? Ni ye apostolmi ke kumo? Ni ye ni Mpeu Jisü ithulu püamo keo? Nongu ye I no Ampeu lau mlaphe keu kekumo keshea?

Apostolmi 26:16

Ithu puthugho lo, kughengu avehu hipau ghenguno ni ye o zülo ipeghi ani, o pesü I qeu shino nono ni ithuluve keu eno itaghi I no o zülo ipeghi niye akeu pesü thopi shipeni.

Apostolmi 9:15

Ikemu Ampeu no pi, “Wulo, kughengu pa no I je pesü Jewkumomi ngo kükami eno Israelmi zülo wu penike I no kishevae.

1 John 2:1

I tianuliqo, I no nongu lau hipaqo yepuwu akeu ye nongu pelo axine shi pemo niye ke. Ikemu khuana no axine shi aye, ningu ye Apu zülo ni ngulau Jisü Khristo amikuchou hu anike.

Rommi 1:1

Paul, Khristo Jisü qüaxeu, apostolmi shi peniye kulu, eno Alhou tsakiviu ghenguno kishe kütüta shive keu no ye ani.

Apostolmi 9:17

Ikehu Ananias no wuno aki lo ilo püzü Saul shou pa u beno pi, “Athiküzüu Saul, nono ala lo chekelo Ampeu Jisü khuu o lau ipeghi keno, pa no o nhetsü athoputho tsüno Aghungu Kimthe pesü o shepichhi penike I puwu ani.”

Apostolmi 7:52

No puasü no kijipüsa mokeu tungkupmi khunoqo ani kea? Amikuchou chenie pi azünatha pitsü kemi panongu no pithive. Eno ishi ye nongu no pa thechuve no heqhive,

1 Kor. 11:23

Kughengu I no kiu Ampeu launo ithulu keno nongu lau ghi pikülha tsü, ike Ampeu Jisü pesü thechuveke ji Pa no asho ikhilu,

Apostolmi 24:14

Ikemu I no o vilo piphe anike ni ye Alaghi, khikhi panongu no achineye mqo ipi ani keno, tipau kiqi lono ni puasü Lhou mlla, eno Ayezah lo akeu ngo Tungkupu kaku lo yepüa keu kümtsü pülü cheni.

Apostolmi 22:18

eno pa no I vilo pikeu ithulu, ‘Mtazü Jerusalem lono ipeve lo, kughengu nono I shepe shikeu panongu ye ikhilu tsümo nani.’

Apostolmi 13:17

Israelmi hipaqo Lhou no ni puasüqo kishelu no Egypt yeghi lo ache kelono panongu pesü kije shitsü, eno Pa u kumto lono panongu sasü Egypt lono ipeghi.

Apostolmi 5:30

Ni puasü Lhou no Jisü, khuu nongu no asübo lono pithive keno, xüputhuve.

John 15:16

Nongu no I kisheluke kumoe, ikemu I no nongu kishelu eno nongu pelo wuno ighive moni keu xathi kutomo pithi peniye süsüe, tishianguno nongu no I je lono Apu vilo kiu kiumu khu aye Pa no nongu tsünani.

DANIEL 2:23

O ni puasü Lhou, shikimthi eno shekiqhe I no O tsü ani, kughengu Nono alokütsü ngo akumto I tsüke, eno itehi nino O vilo kiu iniju keno Nono I pelo ithipe ke, kughengu Nono akükau vehu ni pelo ithive apeke.”

JEREMIYA 1:5

“Atita lo azü ghomphi züuno Ni ye no ithi ae, o punu mphi züuno I no o kishekimtheve; I no o pesü shiyeqo lau tungkupu lakhi shi süsüe.”

EZRA 7:27

Ningu puasü Lhou, Ampeu sheqhelo, Pa no Jerusalem lo Ampeu ki akeu pesü juviqhiyi tsüniye hitoi keu pesü akükau mlo lo sütsü ke,

YEKIKITHI ATUGHIU 29:18

O Ampeu, ni puasü Abraham, Isaac, eno Jacob Lhou, hitoi keu kimji eno akükümsü pesü pülhapuju Ow timiqo lolo qhi püatsü eno panongu mlo pesü O phivilo qhi püatsü lo.

IPEKULU 15:2

Ampeu ye I kumto eno I le ke, eno Pa ye Iw xakuluu shivae; hi no I Lhou ke, I no Pa sheqheni, I pu Lhou, I no Pa süqheni.

Titus 1:1

Paul, Alhou qüaxeu eno Jisü Khristow apostol no Alhouw kishekiphemi küpülü eno panow kuchou kighithi akimthe küxü lo sawu chekeu shiqhe tsünike yelu ani.

2 Tim. 1:1

Alhou pulou vecheo eno Khristo Jisü lau aküxü akeu tsünike tushoqhi püakeu kiqi lono, Khristo Jisüw apostol Paul no,

Galatiami 1:15

Ikemu I punu mphi lono khuu no ni kishe kütüta shino paw küpükini lono I kulu keno,

2 Kor. 5:21

Khristo ye axine kühae, ikemu ni ghenguno Pa pesü axine kughulhove tsü, tishianguno Pa küdau no ningu pelo Alhou chipiu mikuchomi shilu peniye ke.

1 Kor. 15:3

Kughengu I no kiu ithulu keno ti ye ighono akhotou kepi nongu lau ikhiphe tsü: ti ye Kuchoyesü kiqi lono Khristo no ni ghenguno thive tsü,

YEKIKITHI AKINIU 30:19

pa no akimthea khuaye kiqi lono mithe move namu, pa no amlo tsüno Ampeu Alhou, pa puasüqo Lhou phu aye, Ampeu no akipimi qhitsü peniu.”

YEKIKITHI AKINIU 28:25

Judah lo mishighüna kümtsü lo pa no kütau lhouqo lau akümllagho tsünike ghenguno qhemghaike-a mla, eno tino Ampeu, pa puasü Lhou loghu shikighide tsüke.

YEKIKITHI ATUGHIU 12:17

David no panoqo sholu nike khalau ipeghi no pi, “Nongu no aküsami kiqi lono I kuphu niye ighi aghi aye, I mlo ye nongu gholo ani; ikemu I küghape I ghümi lau thechu niye aghi aye, I u pesü nongu shou bemo namu, ni puasü Lhou no nongu sakiyi nani.”

KUKAMI AKINIU 21:22

Pa ye Ampeu pa puasüqo Lhou milive eno Ampeu yezah lo chemove.

1 Peter 2:22

Pa ye axine kiumu shipüamoe, ti ke kumono akimki tsa mu Pa kichi lo shesülu püamoe.

Apostolmi 22:15

Kughengu nono kiu ithulu eno chiluve akeno tipau pesü kümtsü lau Paw thopi shiniae.