Apostolmi 21:34 - Sumi Naga CL (Re-edited) Bible (BSI)

³⁴ Aqo gholo khami no ighamku hiu pi aye, khami no huu piae. Mqhumza keu ghenguno pa ye kiumu ithi move kehu pa sasü ghüshimi kungo-a lo saghi lopi azah tsüve.

BAIBEL (BSI)

³⁴ Timiqo gholo khamino lakhi piaye kutamino kutau pi ae eno mubu- mughu kehu, kiu shivekeu lono keno zahtsuuye mtsuqheyi phumlave, ikehu pa sasu ghushimi kungo-a bocholo sawuvelopi ahzatsuve.

Sümi Tiqhelimi Bible

³⁴ Aqokitikhi gholo khami no ighamuku lakhi pi aye kütami no kütau pi ishi ake, mubumghu keu ghenguno zatsüu ye kiu no kuchou keno ithimove, pa no Paul sasü ghüshimi kungoki lo wuve penike azah tsüve.

Apostolmi 21:34 Referans Kwoze

Apostolmi 23:10

Kughou kimpikile ghi kihe kileuve keno, timiqo no Paul sütha pinyive nikeu kümsa no zatsüu no ghüshimi vilo panongu gholono anguka nomu Paul sasü ghüshimi kungo-a lo ilove lopi azah tsüve.

Apostolmi 19:32

Timi khami no hiuke ipi, khami no huuke ipi igha ae, kughengu aqo ye aveghüzü shive, eno panongu kutomo no kiu ghenguno kumqo akeno mthae.

Apostolmi 23:16

Paul chepu nopu no kuchughu akeu chiluve, ikehu pa no ghüshimi kungo-a lo ilo no Paul vilo pive.

Apostolmi 22:24

Zatsüu no pa sasü ghüshimi kungo-a lo saghi lopi azah tsü, eno asü pesü ghaqhi no timiqo ye kushiye pa shou hitoi igha ani keno ithi nike ighiju kideküdai lopi.

Apostolmi 21:37

Ghüshimi no Paul sasü pano kungo-a lo ilo niye akelo, pa no zatsüu vilo pi, “I pelo o vilo kiuala pilu penima?” Zatsüu no pi, “No ye Greek tsa ithi ani kea?

Apostolmi 22:30

Ikemu thoghiu Jewmi ye kushiye pa nguku akeno ithini kehu, zatsüu no pa kuqhovepe, eno achinetomi ngo hoho kusho lopi azah tsü, eno pa no Paul sasü ighi no panongu zülo qhi.

Apostolmi 25:26

Ikemu ni ye I mpeu lau pa vehu mtsümishei pilu kepu kiumu kühae. Tigheno I no pa sasü nongu zülo, eno akhotoshi Akükau Agrippa zülo saghi ani, tishianguno ningu no akivishi pa phuju kelo, ni ye kiuala yekulupu shinani.

Apostolmi 23:32

Thoghiu panongu ye pano kungo-a lo ideighive, eno khurshimi no Paul sasü wuvepe.