Apostolmi 20:7 - Sumi Naga CL (Re-edited) Bible (BSI)

⁷ Apine kithe lo atsala atüghüni, ningu no aghulhu shiniye kumqo akelo, Paul ye thoghiu wuve niye akehu pa no timiqo sasü küptsa anipi zübumta kutolo süpushuve.

BAIBEL (BSI)

⁷ Sabat tsala avelau ningu kuposhukulu ghulhu shiniye kuhokumqoe. Paul no timiqo sasu kuptsa ae, eno thoghiu chevenikeu shi akehu paye zubumta kutolo atsa kuptsa ae.

Sümi Tiqhelimi Bible

⁷ Apine tsalà atüghiu lo ningu no asho süpho chu niye kuhokumqoe. Paul no timiqo sasü küptsa ae, eno pa ye tishiwo thoghiu wuve nikeu shi akehu zübumta kutólo küptsa ae.

Apostolmi 20:7 Referans Kwoze

1 Kor. 16:2

Apinedo kümtsü lo atsala atüghüni nongu lakhikhi no aghikeu qhemi ikhithape kütsü püaghilo, tishianguno I no ighi keloye süqhasüli lumoveni.

Apostolmi 2:42

Panongu no pano ampi pesü apostolmi shiküka eno kuposhukulu eno asho sükupho ngo akighini lo ikhiphe tsü.

John 20:19

Tipa tsalani avelau Jewmi msa kehu akhopemi ye ahukikha khaveno ngo akelono Jisü no ighi no panongu gholo puthughove eno pi, “Nongu gholo aloino keu alo.”

John 20:1

Apinedo lo atsala atüghüni inaqhe züghüi aphi lono, Mary Magdalene no akumoki lo ighi, eno akumoki kichi lo atuqu akeu tukulove aghikeu ithulu.

Piyeküsü 1:10

Ampeu Tsalani I no Aghungu lono kuposhu akeloye I thiu afuko toi asütsa lakhi no vekipighi pikeu chilu,

Apostolmi 20:11

Tishino Paul no kunguu ikuve no achuqupu chuve kethiu, tsütho moke kutolo küptsa ano cheve.

Apostolmi 28:23

Kughou pa sasü kushoni ke kihikütha tsala tove keno, panongu kutomo shesü pa kungo-a lo ighi. Inaqhe no avelau kutolo, pa no apasü shi Alhou yekipe shepe shitsü eno Moses Yezah ngo Tungkupmi kaku lono Jisü ghili pesü panongu züiza nike pükapütsa.

Apostolmi 20:9

Tile apumi lakhi Eutychus ipikeu ye Paul no shulo atsa pi auve kehu, alashe mütsü lo iqa ghi cheyi zühuve. Eno zücheive kehu pa ye aki jolha aküthüu lono ikiqive no khapeqhe kelo thive aghi.

Luke 24:35

Tishino pama no ala lo chekelo kiu shive, eno asho sükupho lono kishi pa kepi ithive keno aboake shi lhepiye.

1 Kor. 15:10

Ikemu I no kiu keno, ti ye Alhouw küpükini vecheo ke, eno Paw küpükini I tsükeu ye adou shivemoe. Tishike kumono apostolmi kütami nguno alau I no mlache, kuchou no I no shiluke kumono I gholo akeu Alhouw küpükini noke.

1 Kor. 10:16

Kükümgha jukhu ningu no pesü shikimthi tsü chekeu ye Khristo ji gholo kutupo anike kumo? Asho khikhi ningu no süpho cheni keno, ti ye Khristo phimpi gholo kutupo anike kumo keshea?

Apostolmi 20:31

Tighenguno tsükhüi alo, I no anhezü piji, ampe küthü kutolo tamono putho pucho nongu lakhikhi shika chekeu kümsü lulo.

Apostolmi 2:46

Tsala kipetsü achineki lo kümtsa wu, eno panongu ki lono kümtsa alokiqi eno qhaqhilei shi chuqu-kusho shiche,

John 20:26

Atsala tache thiu, pa khopemi no itaghi aki sholokuu ngoae, eno Thomas ghi panoqo gholo ae. Ahukikhaqo khapüa keghi Jisü no ighi no panongu gholo puthughove eno pi, “Nongu gholo aloino keu alo.”

Luke 22:19

Tithiu pa no asho ikhilu, eno shikimthi tsüno pa no ti süphope panongu tsüno pi, “Hi ye khikhi nongu ghenguno tsüve keno I phimpi huke. I kümsülu ghi hi shilo.”

NEHEMIA 9:3

Panongu no puthughope ayikihedo küthü kutolo panongu Mpeu Alhou Yezah phisü; eno itaghi ayi kihedo küthü panongu xine piphe no Ampeu Alhou mllae.

NEHEMIA 8:3

Pa no Azü Khagho zülo puthughope kobidi küdau juno inaqhe no puchomghü kutolo kiptimi, totimi eno vethakulumi kümtsü lau phisü. Eno timi kümtsü no akini kughope tsaqüi Ayezah Kaku inie.

2 Tim. 4:2

ado ghuloki akivi na monamu atsa pesü sheshulo, thokha lo kutuukulu eno shiküka pesü shikithetsü, sakiyi eno shikumto tsülo.

Mark 16:9

[[Apinedo kithe lo atsala atüghüni inaqhe Jisü no xüthughive kethiu pa no Mary Magdalene, khuu phi lono tüghami tsüni pa no haphetsü keno, li lau atüghüshi ipeghi.

Apostolmi 16:10

Kughou Paul no kungunhetsü hipau ithulu keno, tipa mtsa ningu ye Macedonia lo wuniye kuto, kughengu hi ye atsakiviu pesü panongu lau pi peniye Alhou no ningu kuani kepi ithive.

Apostolmi 20:5

hipaqo no azüu no wuve no Troas lono ningu khe aghi.