Apostolmi 20:35 - Sumi Naga CL (Re-edited) Bible (BSI)

³⁵ I no thokha lo nongu piyeve ake ningu ye ichheime mlano miqemlei kemi kuphu, eno Ampeu Jisü ampi no pikeu tsa kümsülu masae, ‘Tsükeu no lukeu nguno akümghapue.’”

BAIBEL (BSI)

³⁵ Ino pulhapuju nongu shipiye chekeuno, shishe aghimeshi mlapuzu tomo-chhimokeqo kuphumasa, eno Ampeu Jisu ampino hitoi pipuakeu tsa kumsulu kepue, ‘Tsukeuno lukeu nguno akumghapue.’ ”

Sümi Tiqhelimi Bible

³⁵ I no shikeu kümtsü lo shishe aghime shi mülà püzü miqemilei kemi kuphu moayesae ipi nongu pìye ke, eno Ampeu Jisü ampi no hitoi pipüa keu tsa kümsülu akepue, ‘Tsü keu no lu keu nguno akümghapue.’ ”

Apostolmi 20:35 Referans Kwoze

IBRIMI 13:16

Akivi mlani keu kughucho kevilo eno nongu no akeu pesü küsaje kilelo, kughengu titoike ghakishi no Alhou lopuke.

AHOLE 19:17

Ililai kumlhomi tsü-je kemi ye Ampeu püna ani, Pa no tipau ghenguno lochile nani.

MATTHEW 10:8

Küsükinimi shipivi lo, kithimi xüputhu lo, apüghami shikimthe lo, tüghami haphelo. Ame tsümono nongu no ithulu kehu ame lumono tsülo.

2 Kor. 8:9

Kughengu nongu no Ampeu Jisü Khristow küpükini ithi anike Pa ye kinimi shi akeghi nongu ghenguno kumlhomi shive ke, tishianguno Pa qüagha vecheo nongu pelo kinimi shilu peniye ke.

1 Thes. 5:14

Athiküzümiqo, nino nongu hakite ani, akipichimi lomipi lo, amlo kulotimi shikumto lo, miqemlei kemi kuphulo, panongu kümtsü lau kutuu kulu shilo.

Rommi 15:1

Ningu khunoqo no aküpülü lo mtotoi ani keno, ningu ampi pulou kumono miqemlei akeqo no ikiqive kelo xaqhe masa kepu ani.

Apostolmi 20:27

Kughengu Alhou kimji kümtsü pesü nongu vilo pikülha nike ni ye süchile püamoe.

ISAIAH 35:3

Au miqemlei akemi eno akhonhe khokhoshi akemi shikumto tsülo.

IBRIMI 13:3

Nongu no akughumi gholo akughushi akeshi panoqo kümsü lulo, nongu ampi no shilusa akeshi aghimeshi akeqo kümsü lulo.

Ephesiami 4:28

Hinguno hilau ye küpkami no aküpka qhivelo, tishi nike züqhu ichheime mu aphiau pesü amikucho lono mla chulo, tishikeu lono khuana avesa akeu lau küsajelu nani.

Apostolmi 20:20

Ni ye nongu kuphulu kepu tsa süchile mono mishi gholo eno aki-aki lono shika püani.

ISAIAH 32:8

Ikemu gihuküzümi ye agigihupu kukughu shicheni, eno agigihupu lo puthugho cheni.

2 Kor. 12:13

Ni ampi no nongu pünamo keu kumo aye, kiu lono akukuhou kütauqo nguno akimkheu shi nongu peithave kea? I kipimi hi qhitsülo!

2 Kor. 11:9

Kughou I no nongu gholo akeno kiuala avehupu namu ni ye khumu shipüna püamoe, kughengu Macedonia lono athiküzümi ighi keqo no I vehupu kümtsü kumkho tsü. Ikehu ni ye kiu lonomu nongu ghime püamo eno ghimemo nani.

1 Thes. 4:11

eno nino nongu shikave ketoi iqüghai xüni keu, nongu luche lo amlo tsüno pütüta u no mla chuni keu no nongu kimji shilo,

2 Kor. 11:12

I no kiu mla ani keno ni ye tishi anani, tishianguno khunono pano kümla lo qheza ghi nino mla cheke toi pano ghi shichenie picheni keno tipaqo kümla shipühave tsüniye ke.

1 Kor. 9:12

Kütami no nongu launo hipa chipiu pükha aghi aye, ningu ye tinguno alau aküzüpu kekumo? Ikeghi ningu ye achipiu hipau peitha jumphi, eno Khristo tsakiviu laghi lo lakükhapu qhitsüni ke züqhulo ningu no thokha puqhe luve cheni.

Apostolmi 20:34

Nongu ampi no ithi anike I u pesü ni eno I gholo kichemi vehupu kümtsü lo mlaitha cheke.

Apostolmi 20:36

Kughou pa no hipaqo pive keno, panongu kümtsü sasü qhoqhünhe no akighini shi.

3 John 1:7

Kughengu panongu ye Khristo je ghenguno wuve akeke Alhou pülümo kemi launo kiumu lumo nani.