Apostolmi 20:24 - Sumi Naga CL (Re-edited) Bible (BSI)

²⁴ I kimjiu ye Alhouw küpükini tsakiviu sheshu peni keu kümlapu saje khikhi Ampeu Jisü no I tsü keno ti shikupu luni malapi ani thono ni ye I küxü pesü ameküapu momu akughupu shi chemoe.

BAIBEL (BSI)

²⁴ Alhou wu kupukini tsakiviu pesu kutughu nikeu kumlapu saje khikhi Ampeu Jisu no itsukeno tipau puzuchekeu shikupuluni malapi ani kethono ikuxu pesu ilikhi isala amekuapu shilu ani kemala pi kihichemoe.

Sümi Tiqhelimi Bible

²⁴ Tishimu I ghengu ye I küxü pesü ameküa shi kümsü chemoe, I kimiji ye Alhou’w küpükini tsakiviu pesü ashepe shini keu kümlapù saje khikhi Ampeu Jisü no I tsü keno tipau mülà kupuve no ashetove niye po cheni.

Apostolmi 20:24 Referans Kwoze

2 Kor. 4:1

Tighenguno, Alhouw küpükini vecheo akümlapu saje hipau ningu tsü kehu, ningu ye amlo hauve chemoe.

2 Kor. 12:10

Ikehu Khristo ghenguno miqemlei keu, thaigha keu, aghime, kijipüsa keu, eno amhekiqi sholu kelo ni ye aloqiqhiyi cheni. Kughengu kughou I no miqemlei ani keno, tileno ni ye mtotoilu cheni.

Apostolmi 21:13

Paul no khochile, “Nongu ye kushiye mloqa no I mlo shikighime tsü ani kea? Kughengu ni ye Ampeu Jisü je ghenguno akughu shinike likhi kumono Jerusalem lono thiveni keu ghi kutope anie.”

1 Kor. 15:58

Tighenguno, I qhuu I thiküzümiqo, mtotoi puthugholo, itha kevilo, alhokuthu Ampeu kümla pekho tsüalo, kughengu Ampeu lau mlaitha akeu ye adou shivemo nanie pi nongu no ithi anie.

Rommi 11:6

Ikemu tino küpükini vecheo shi püaghi aye, ti ye akümla shou bepe movae; tikumo aye küpükini huye küpükini kumo niae.

Apostolmi 14:3

Ikehu pama no tile ado kushuo ngono Ampeu ghenguno mtotoi paw küpükini tsa pesü thopi shi, eno amchipu ngo akümzapu kümlaqo shie.

1 Peter 5:12

Pükhükulupu thiküzüu shi I no kihi chekeu Silvanus vecheo ni ye nongu lau shikumto eno shuphetsü ghi hi no Alhouw küpükini kuchou kepi ikhonhei shi yevae. Mtotoi hipau lo puthugho lo.

Titus 1:3

eno Pa tsa vecheo ado achipi lono Alhou ni Xakuluu no atsape hipau sheshu penike azah I tsüke.

Galatiami 1:1

Paul, timi launo momu timi vecheo kumono Jisü Khristo eno Apu Alhou, khuu no akithi lono pa xüputhu keno, pa launo apostol shilu keu,

2 Kor. 5:8

Iyei, ningu ye amlo kuloghi shi ani, eno aphimpi qhive püzü Ampeu gholo auveni keu pavi nani.

Apostolmi 20:32

Itehi ye Alhou lau eno Paw küpükini tsa lo nongu kulhuqhi tsü ani, tino nongu xaqhelu nani eno Paw shiluve kemi gholo nongu mheghi ighilu penani.

Apostolmi 11:23

Kughou pa no ighi no Alhouw küpükini ithulu keno, pa mloqive eno panongu vilo itha mono Ampeu ghokulu shilopi pa no kümtsü shikumto,

FILIPIAMI 2:17

Tsala I küxü ji huno atsaizü kümllagho toi nongu küpülü ghakishi kümllagho shou lepuku kepu shive namu, ni ye amloqi nani eno nongu gholo alovi küqha nani.

Apostolmi 9:15

Ikemu Ampeu no pi, “Wulo, kughengu pa no I je pesü Jewkumomi ngo kükami eno Israelmi zülo wu penike I no kishevae.

Apostolmi 1:17

Kughengu pa ye ningu gholo lakhi shiche, eno hipa kümlapu lo pa saje kophe tsüpüa ke.”

John 17:4

Nono I pelo mla peniye pichebe keu kümtsü shikhave no I no ayeghi lo O juküvüpu shive tsüae.

Piyeküsü 12:11

Ni thiküzü chelimi no pa shou tolukeu ye Ambeti ji eno pano küxü shepe tsa lono ke; kughengu panongu ye akithi kutolo mu pano küxü küpümo ke.

1 John 3:16

Hipau lono ningu no kikimiye ithilu ani: Khristo no ningu ghenguno Pa küxü pephe tsüve kehu ningu ghi athiküzümi ghenguno ni küxü pephetsü kepue.

2 Tim. 1:12

tighenguno ni ye ishi aghime shi ani. Ikemu ni ye kujo chemoe, kughengu I no khuu pülü cheni keno ithi ani, eno I no thebei ithi anike kihitha püakeu tsala tomoke kutolo, I lau kiu pichebe püani keno, tipau Pa ye süshope qhinani.

Kolosiami 1:24

Nongu ghenguno itehi I no aghime sholu akelo ni ye alovi ani, eno I phimpi lono Khristo no pa phimpi, ti ye akukuhou, ghenguno aghime shiwo tomono akeu I no shikupu tsü ani,

Ephesiami 3:13

Ikehu I no nongu ghenguno aghime sholu akeu jupe aghüthi süve kevilo, ti ye nongu gigihupu ghenguno ke.

2 Kor. 7:4

Ni ye shoboi shi nongu vilo pi ani; ni ye nongu jupe shishe akijivile acheni; ni ye alokughuno shi anie. Aveküsa kümtsü lo ni ye alokivi no qochili acheni.

IBRIMI 10:34

Nongu no akughumi gholo ime küqha, eno alokivishi no küakini ghi sükishe luvetsü peke, kughengu nongu ye küakini akiviu eno pülhapuju acheni keu thime aphi kepi nongu no ithi ake.

Titus 2:11

Kughengu Alhouw küpükini ye timi kümtsü xakulupu ghenguno ipeghivae,

2 Tim. 4:17

Ikemu Ampeu no I gholo puthugho no I shikumto tsüe, tishikeu lono I vecheo atsakiviu qhoi shuphelu no Jewkumomi kümtsü pelo inilu peke. Ikehu abongshuu baxa lono I xaphelue.

Apostolmi 22:21

Ikelo Ampeu no I vilo pi, ‘Wulo, kughengu Jewkumomi lau aghacheu I no o puwuni.’”

1 Thes. 3:3

tishianguno aghime hipaqo lono milakhi mu ithave pemo niye ke. Kughengu nongu ampi no ithi anike aghime no ningu saje shivae.

1 Thes. 2:2

Ikemu nongu no ithi aketoi, Philippi lo ningu ghimeqhi eno akukujopu shi peitha namu aküpüna kitikhi lono nino Alhou lau amlo kumto shino Alhou tsakiviu nongu lau pikülha ke.

Apostolmi 20:21

Jewmi eno Greekmi vilo ghi Alhou lau xaide ighi no ni Mpeu Jisü Khristo pülü penike thopi shi püani.

Ephesiami 1:6

Paw küpükini kije pephepe Qhuivükicheu nu vecheo ningu kümghatsü keu ye sheqhe akepu lo ani.

2 Tim. 3:11

Antioch, Iconium, eno Lystra lo I shikighime keu eno I ghime kümtsü, I no kishi ghichheghime puqhe eno Ampeu no ti kümtsü lono I xaphe keno nono ithi ani.

Rommi 4:4

Timi khuu no mla cheni keno, pa jume ye kümsagho lakhi shi kumono pa no ithulu küzüpu kepi kihi cheni.

John 15:27

Eno nongu ghi thopi shitsü nani, kughengu nongu ye abothu lono I gholo acheae.”

Luke 16:28

kughengu ni ye athiküzümi pungu anike pa pelo panongu kütüghü tsü peni, tikumo aye panoqou ghi ghimeqhi ke-a hipau lo iloghilu nosae.’

Apostolmi 13:25

John no pa kümlapu ashe touve kelo ishi pi, ‘Nongu ye ni ye khuue picheni kea? Ni ye pa kumoe. Moe, I thiu chekeu, khuu pukhukuqho mu ni ye kuqho küzüpu kumo keno, pa jualo.’

Apostolmi 15:7

Ighono kütsala juve kethiu, Peter no puthugho no panoqo vilo pi, “Athiküzümiqo, nongu no ithi anike püzüu nomu Alhou no I vecheo Jewkumomi pelo atsakiviu chilu no pülülu penike nongu gholono kishe ke.

Apostolmi 18:5

Kughou Silas ngo Timothy no Macedonia lono ighi keno, Paul ye ado kümtsü atsa pesü Jewmi vilo Khristo ye Jisü kepi ashepe shiae.

Apostolmi 20:23

Aphughi kümtsü lo Aghungu Kimthe no akughukishi eno shiluküsa no I khe akeu kütüghü ani.

FILIPIAMI 2:30

kughengu nongu no I kuphu khawo tomlano akeu kümla kupuve tsüniye pa ye kümsapu kutolo sholu ghi Khristo kümla ghenguno thiveni cheghi ke.

Piyeküsü 6:11

Tileno chijeboike phi kimiye pesü panongu aküphashi tsü, eno pano küsami aqemi ngo athiküzümi kütamiqo ghi panongu toi pithi khaveno akikihi kupulu moke dolo ado ikhonhei ngokhe aghilo pive.

YEKIKITHI ATUGHIU 11:18

Tileno ghüshitomi küthü huno Philistiami ghazü kathasü wuno azükikhe lono azü shope David lau süghi. Ikemu David no tipau yenike züqhulo Ampeu zülo leqhive

2 Kor. 4:12

Ikehu akithi no ni lolo mla ani, ikemu aküxüpu no nongu lolo mla anie.