Apostolmi 2:43 - Sumi Naga CL (Re-edited) Bible (BSI)

⁴³ Apostolmi vecheo akümzapu eno akichiqhipu kümla kutomo shikelo timi kümtsü shou msaighü keu ikughive.

BAIBEL (BSI)

⁴³ Akumzapu eno akichiqhi kepu kutomo Apostolmi vechewono mlalua, eno kumtsuno msakhokhoshie.

Sümi Tiqhelimi Bible

⁴³ Apostolmiqo no akümzapu eno amichipuqo kümlà kutomo shikeu kümtsü no ithulu püzü akümzaqhiyi keu no chhitoive.

Apostolmi 2:43 Referans Kwoze

John 14:12

“Kuchou no I no nongu vilo piani, khunono I pülüni keno pa ye I no mlakeu kümlaqo shinani; eno ni ye Apu lau wuchea kehu pa no hinguno akijeu mla nani.

Luke 8:37

Gerasenes ngo tipa cheaxü lo küxümi ye akümsa no chhitoive kehu kümtsü no Jisü vilo pano launo wuve tsülopi qhüiniju. Tighenguno pa no idewove niye ashuka lo ikuve.

Luke 7:16

Timi kümtsü no msaighüve eno Alhou sheqhe thuve, “Ningu gholo tungkupu kije ipeghivae!” eno, “Alhou no Paw timiqo xalu nike xuju ighivae!”

Mark 16:17

Amchipu hipaqo no pülü luve kemi gholo anani: I je lono panongu no tüghami haphelu nani; panongu no amilikithe lono atsa pi nani;

JEREMIYA 33:9

Mishighüna hipau no ayeghi lo shiye khunono I no akivi mlakeu sütsa chilu cheni keno, kümtsü zülo alokivi, ajekipi, shekiqhe eno agigihu pesü I tsü nani. Tipaqo no msa khokhoshi nani, kughengu I no akivi eno küakini pesü aphughi kümghatsü nani kehue.

Apostolmi 9:40

Ikemu Peter no panongu kümtsü khalau pipeve no qhoqhünhe pe inikhu, eno pa no akumo küdau tsüghü ighi no pi, “Tabitha, ithulo.” Li no anhethi tsükho, eno Peter ithulu kelo ithu iqave.

Apostolmi 4:33

Aküka kumto kije lono apostolmi no Ampeu Jisü xüchilekulu shepe shi, eno panongu kümtsü shou küpükini shishe kije ikughi.

HOSIYA 3:5

Tithiuno Israel tianuliqo no ideighi no Ampeu pano Lhou eno pano kükau David phu nani, eno ashekha ghuloki lo panongu no Ampeu sükümsa eno Pa kivi küdau ighi nani.

ESTHER 8:17

Aphughi kümtsü lo khile akükau yezah ighi keno, tile Jewmi dolo amlokiqi eno alokivi, aghulhu eno tiqhetini shi. Eno aghakhu lo timi kutomo no panongu ghi Jewmi kepi shuphe, kughengu Jewmi kümsa no panongu shou ikughive ke.

Apostolmi 9:34

Peter no pa vilo pi, “Aeneas, Jisü Khristo no o shipivi ani, ithu o züa liküzüve lo.” Paikhavi pa no ithuve.

Apostolmi 2:22

“Israelmiqo, atsa hipaqo inilo, Alhou no Nazarethmi Jisü nongu lau kophe tsüno pa vecheo aküka kumto, akümzapu eno amchipu kümla shikeu nongu ampi no ithi ani.

Apostolmi 5:5

Ananias no hi chilu kemtsa iluqi thive, eno ti chilu kemi kümtsü shou akümsa ikughive.