Apostolmi 2:40 - Sumi Naga CL (Re-edited) Bible (BSI)

⁴⁰ Pa no atsa kütau kutomo pesü thopi shino panoqo hakutho ghi pi, “Hi chighichilai keu tiqheli lono nongu ampi xalulo.”

BAIBEL (BSI)

⁴⁰ Pano atsa kutau kutomo pesu ashepe shi eno panoqo hakutho ghi pi, “Hi chighichilai keu tiqheli launo nongu xaluvepelo.”

Sümi Tiqhelimi Bible

⁴⁰ Pa no atsa kütau kutomo pesü panoqo pikichive: eno panoqo qhüiniju ghi pi, “Amikucho kumo tiqheli hipau lau no nongu likhi nongu xalulo.”

Apostolmi 2:40 Referans Kwoze

FILIPIAMI 2:15

tino nongu pelo akuaye kühano tsüghükhüi shilu, ihoghülai eno chighichilai keu tiqheli lo tukutiye kühano Alhou tianuli shi ayeghi lo aküvü toi vülupe nani,

ZAKINIU 32:5

Panongu ye kühakügha shivae, Paw timi kumovae kughengu panongu ye mithe movae; panongu ye küsakügha eno chighichilai keu tiqhelimi ke.

1 Tim. 4:16

No ampi eno ow shiküka jukuto alo. Phekevi no pükapütsa alo, kughengu nono hipaqo shikeu lono no ampi eno o tsa chilu akemi xalu nani.

Ephesiami 4:17

Itehi Ampeu je lono I no hi piani eno iqhikithe anike nongu ye Jewkumomi toi ameküküha kükümsü xapu cheche kelau kumoae.

2 Kor. 6:17

Ikehu panoqo launo ipevelo eno pano launo kütüta shivelo, ipi Ampeu no pi, eno mithekumo kiumu bu kevilo, tileno I no nongu ikhilu nani,

MATTHEW 17:17

Jisü no khochile, “Nongu aküpülü küküha eno chighichilai keqo, ni ye khitohi nongu sasü amasa kea? Ni ye khitohi nongu gholo anani kea? Pa sasü hila ighilo.”

MATTHEW 16:4

Kixikila eno amikucho kumo tiqhelimi no amchipu phucheni, ikemu Jonah michipu nguno alau kütau michipu ye tsümo nani.” Tishino pa ye panoqo qhive no wuve.

Galatiami 5:3

Itaghi I no thopi shikithe anike timi khuu no aphighüyiko kügha ikhiluni keno pa ye ayezah kümtsü pelu masae.

Apostolmi 28:23

Kughou pa sasü kushoni ke kihikütha tsala tove keno, panongu kutomo shesü pa kungo-a lo ighi. Inaqhe no avelau kutolo, pa no apasü shi Alhou yekipe shepe shitsü eno Moses Yezah ngo Tungkupmi kaku lono Jisü ghili pesü panongu züiza nike pükapütsa.

MATTHEW 23:33

Nongu apighiqo, eno apighitiqo, Ami lo iloni keu ghime lono nongu ye kishi poluni kea?

1 Peter 5:12

Pükhükulupu thiküzüu shi I no kihi chekeu Silvanus vecheo ni ye nongu lau shikumto eno shuphetsü ghi hi no Alhouw küpükini kuchou kepi ikhonhei shi yevae. Mtotoi hipau lo puthugho lo.

1 Thes. 2:11

Kughengu apu no pa tianuli lau shike toi, nino nongu tucho keu nongu no ithi ani,

2 Kor. 5:20

Ikehu ningu ye Khristo ghenguno lashikami, Alhou no ningu vecheo ghutu ake kumlhoke. Ningu no Khristo züqhushi nongu hakite anike Alhou sasü alupekili luvelo.

Apostolmi 20:24

I kimjiu ye Alhouw küpükini tsakiviu sheshu peni keu kümlapu saje khikhi Ampeu Jisü no I tsü keno ti shikupu luni malapi ani thono ni ye I küxü pesü ameküapu momu akughupu shi chemoe.

Luke 21:36

Ikemu kiu shiniye ani keno tipaqo lono pokalu, eno Timi Nu zülo puthugholu kepu küka apenike nongu ye atüqhüdo kümtsü lo inikhu eno tsükhüi alo.”

Mark 8:38

Amlokupu kumo eno axine tiqheli hipau lo khukhumu I je eno I tsa lo puthugho mokeu ye Timi Nu ghi kughou Papu juküvü lono kungumi kimthemi sasü ighini keno, pa ghenguno puthugho tsümo nani.”

Apostolmi 20:21

Jewmi eno Greekmi vilo ghi Alhou lau xaide ighi no ni Mpeu Jisü Khristo pülü penike thopi shi püani.

John 21:25

Jisü no shikeu kütau ghi kutomo aphie. Ti kümtsü yepe qhini kelo, I no kümsüju kelo ayeghiqha kupuju mu ti yekeu kakuqo qhikhamla nani.

Apostolmi 20:11

Tishino Paul no kunguu ikuve no achuqupu chuve kethiu, tsütho moke kutolo küptsa ano cheve.

Apostolmi 20:9

Tile apumi lakhi Eutychus ipikeu ye Paul no shulo atsa pi auve kehu, alashe mütsü lo iqa ghi cheyi zühuve. Eno zücheive kehu pa ye aki jolha aküthüu lono ikiqive no khapeqhe kelo thive aghi.

Apostolmi 20:2

Pa no tipa cheaxü qhalo wuno timiqo shikumto tsü, eno Greece lo ighive.

Apostolmi 15:32

Judas ngo Silas pama ghi tungkupmi kehu atsa kutomo pesü pino küpülümi hakite eno shikumto tsü.

Apostolmi 10:42

Pa no ningu vilo sheshu lopi azah tsü, eno Alhou no pa pesü küxümi ngo kithimi shou küghaküthau shi kishelu kepi ashepe shipenike azah tsüe.

MATTHEW 12:34

Nongu apighitiqo! Nongu ye küsaküghami ke kishino akivi tsa piluni kea? Kughengu amlo alou kupukuno shi akeu akichi no piphe cheni.

AHOLE 9:6

Itikütüpa keu la qhive no xülulo, kuthoküzü kighithi la pülalo.”

JEREMIYA 51:45

“Iw timiqo, tileno ipeve lo! Ampeu loghu lono kümtsü no pütüta küxü xalulo!

Luke 16:28

kughengu ni ye athiküzümi pungu anike pa pelo panongu kütüghü tsü peni, tikumo aye panoqou ghi ghimeqhi ke-a hipau lo iloghilu nosae.’

Apostolmi 4:36

Ikehu Levimi lakhi, Cyprus noghami Joseph ipikeu, khuu apostolmi no Barnabas (tipau kiqi ye shikumtokütsüu nu), ipi kutsü keno,