Apostolmi 19:27 - Sumi Naga CL (Re-edited) Bible (BSI)

²⁷ Kümsapu akeu ye niw lhidi je küsapu likhi kumono, Artemis lholiu akijeu chineki ghi kiumu kumoveni cheni, eno Asiami ngo ayeghiqha no mlla chekeu li huye ajekipi-a lono ikiqiveni chenie.”

BAIBEL (BSI)

²⁷ Ike shikusapu lakhi hi ani kene, ninguno lhidi shichekeu hipau ajekusa sholunikeu likhi kumo puzu alhou-liu akijeu Artemido chineki hu kumu kihisumoveni cheni, eno Asia yeghilo timi kumtsuno mllachekeu eno ayeghiqhano mllachekeu lhou-liu jekipi hughi shipuhavetsuni chenie.”

Sümi Tiqhelimi Bible

²⁷ Ike akümsapu akeu ye, ninguw lhidi hipau lo aju-aje küsa sholu nikeu likhi kumo no akiqheu lhouliu Artemis chineki hu ghí aju-aje küsa shiveni cheni, eno lhouliu khuu Asia bocho lo eno ayeghiqha kümtsü no mülá cheni keno li küká jekipi ghí shipühave tsüní chenie.”

Apostolmi 19:27 Referans Kwoze

ZEFANIA 2:11

Ampeu no panoqo shou aküighüpu süghi nani; kughengu Pa no ayeghi lo lhouqo akhü no pithive nani, eno shiye kümtsü pütüta-a lono, Pa zülo qhoqhü itsaqi nani.

1 Tim. 6:5

eno küqha kümla no timi dolo auve cheni. Timi hipaqo kükümsü ye alau shipüsa kithe eno kuchou huno pano launo küsüve kehu, Alhou sükümsa küxü vecheo kinimi shilu nani küghashi cheni.

Piyeküsü 13:8

eno Ambeti Khuu ghiqhive keno Paw aküxüpu kaku lo khunoqo je ayeghiqha boqha ghomphi lono yepuku püaghimo keno tipaqo thaqhü no tüghashi mlla nani.

Piyeküsü 13:3

Akütsü lakhi ye akithipu ghüzaku toi xapuae, ikemu aghüzaku ti ye kuuve aghi, ayeghiqha no mzamghalei tüghashi pape wuve.

1 John 5:19

Ningu ye Alhou laumi kepi nino ithi ani, eno ayeghiqha ye kümtsü alhoksau küka qholo ani.

Apostolmi 19:21

Hipa thiu Aghungu no hakite keu lono Paul no Macedonia ngo Achaia vechesü Jerusalem lo wunikeu vehu kughu ghi pi, “I no tilau wuve kethiu ni ye Rome ghi xuju masae.”

MATTHEW 23:13

“Ikemu nongu Ayezah shikükami ngo Phariseemi hasapue, keghilishi chekeqo! Nongu no timiqo launo kungugha yekipe hukikha khavetsü, nongu ampi no iloke kumono ilo niye akeqo ghi ilope chemoe.

ISAIAH 44:17

Asü tüxa pesü pa no ajulho shisü no tipau zülo pishiqho no mlla cheni. Tipau vilo pa no inikhu, “I xalulo kughengu no ye I lhou ke!”

MATTHEW 24:14

Eno kungugha yekipe tsakiviu hipau pesü ayeghiqha kümtsü lo sheshu nani, tino shiye kümtsü lau thopi shi nani, tishino ashekha tsala ighi nani.

Apostolmi 19:10

Ampe kini kutolo hitoi ache, eno Asia lo Jewmi ngo Greekmi kümtsü no Ampeu tsa chiluve.

Piyeküsü 14:9

Itaghi kungumi atüghüu pama shelo küpape ghi aküthüu no asütsa kuloghi shi sheshu ighi, “Khuana no tüghashi ngo tipau julho mllave, eno akishe lo momu au lo amchipu shive aye,