Apostolmi 18:6 - Sumi Naga CL (Re-edited) Bible (BSI)

⁶ Jewmi no pa küla eno pipütha kelo, Paul no pa phimini kuthove no pi, “Nongu ji no nongu kütsü lo ikughi nani! Ni ye akipimi kühae. Hinguno hilau ni ye Jewkumomi lau wuniae.”

BAIBEL (BSI)

⁶ Kughou Judami no pa hakha eno pa piputhauve keno Paul no pa makho kumoe pikeu shi-ghi pa phimini kuthopiye puzu panoqo vilo ishi pi, “Nongu kithiye nongu shouke! Tiye imakho kumoe! Hinguno hilau niye Judakumomi, lau wuniae.”

Sümi Tiqhelimi Bible

⁶ Ikemu kughou Jewmi no pa lachile eno pipütha keno, Paul no alomishi pa phimini kuthó pìye püzü panoqo vilo ishi pi, “Nongu kithí ye nolikhi nongu makho ke! Tiye I makho kumoe! Hinguno hilau ni ye Jewkumomiqo lau wuni ae.”

Apostolmi 18:6 Referans Kwoze

EZEKEL 33:4

tileno khukhumu afuko ghügha chilu anamu ghutu keu lumove, eno azütakikihi no pa yive aye, pa ji ye pa ampi kütsü lo ikughi nani.

SAMUEL AKINIU 1:16

Eno David no pa vilo pi, “O ji no o kütsü lo ikuve peniu, kughengu o likhi o kichi no o pimi ghi thopi shivae, eno pi, ‘I no Ampeu no nukishe keu ghiqhivae.’”

EZEKEL 18:13

akighishe lono püna, ala lu cheghi aye, pa ye xülu nani keshea? Pa ye xümo nani. Pa ye aphikümqhüpu hi kümtsü shivae; pa ye mtsüqheino thinani; pa ji ye pa ampi shou anani.

NEHEMIA 5:13

Ni ghi I phishe sükini ghi pi, “Khuu no ashoqhi hipau pemoni keno, pa ki eno pa kümla lono Alhou no hitoi pa kilhe phepe abokümsa shive peniu.” Hohomi kümtsü no “Amen” ipi eno Alhou sheqhe. Eno timiqo no panongu tsa shikupuve.

Apostolmi 13:51

Pama no panongu ghutu keu shi apukhu lono ayeghimkhu kukhu qhive no Iconium lo wuve.

1 Peter 4:4

Hipa vehulo itehi ye nongu no panoqo gholo akumou eno ghasükümla küxü lo kuloji moveke gheno panongu ye nongu jupe akichiqhi eno nongu pipüsaqhi ani;

Luke 9:5

Khile khilemu nongu sasümo keu-a loye kughou nongu no mishiphu tipau qhiveni keno, pano kipimi shikeu michipu shi nongu pukhu lo ayeghimkhu kutolo kukhu qhivelo.”

MATTHEW 27:25

Timi kümtsü no khochile, “Timi hipau ji peleve keu ngusü ye ni shou eno ni tianuli shou ikughi peni!”

1 Peter 4:14

Khristo je ghenguno nongu shou tichetighe ikughi aye nongu ye akümghapue; kughengu ajuküvü Ghungu eno Alhou Ghungu no nongu shou anike.

2 Tim. 2:25

eno mtshaminhei pa mjochile kemi shikithe tsü masae. Ishiake Alhou no pano pelo amlo xaidelu no kuchou ithilupe nani,

Rommi 3:29

Ikeo Alhou ye Jewmi Lhou likhi kea? Pa ye Jewkumomi Lhou ghi ke kumo? Iyei, Jewkumomiw ghi ke,

Apostolmi 28:28

Tighenguno hi ithilo, Alhouw xakulu huye Jewkumomi lau puwuvae; panongu no chilu nani.”

Apostolmi 26:20

Ikemu Damascus lo paghi sheshu, tishino Jerusalem, Judea cheaxü kümtsü lo, eno Jewkumomi lau ghi Alhou lau xaide, eno tipau kiqi lono akümla lono piye lopi sheshue.

Apostolmi 26:11

Ghuthu kutomo I no sinagog lono panoqo ghime, Alhou thaigha penike pükapütsa, eno axukighide lono inaghami phughi kutolo panongu ghime wuke.

MATTHEW 22:10

Aqemi tipaqo no alaghila lo wuno sholuke thaqhü akivimi alhoksami kümtsü kusaghi. Ikehu külakupu-a ye inami no chhitoive.

MATTHEW 10:14

Tsala khunomu nongu sasümo momu nongu tsa ini tsümo aye, nongu no aki momu aphughi tipau qhive no ipeche kelono nongu pukhu lo ayeghimkhu ikuve keu ghi kukhu qhivelo.

Luke 22:65

Panongu no atsa küsa kutomo pesü pa shou pipuku no thaigha.

MATTHEW 21:43

“Tighenguno I no nongu vilo piani, nongu launo Alhou yekipe pewuve no tipa xathi pithini keu shiaye tsüve nani.

MATTHEW 8:11

I no nongu vilo piani, kutomo no kipelau eno kulolau no ighi no kungugha yekipe lo ilo Abraham, Isaac, eno Jacob gholo chunike iqa nani,

ACHINE 20:9

Khukhumu pa puaza ghusho keu ye pithiveni; pa kithi ye pa makho shini.

1 Tim. 5:22

Mighimghai sakiphemi kishephepe au betsü kevilo, eno kütami xine lo kuloji kevilo; o küghape mqhamqhiyi lo.

KUKAMI ATUGHIU 2:33

Pama heqhive keu ngusü ye Joab ngo pa lagha shou alholo anani. Ikemu David ngo pa lagha eno pa kibolomi ngo pa kükalakhü ye Ampeu launo alholo aloino ache nani.”

EZEKEL 33:6

Ikemu aghukheu no azütakikihi cheghi keu ithulu anamu afuko küigha move, tishikeu lono timiqo ghutu move, eno azütakikihi ighive no panoqo khukhumu yive aye, timi tipau ye pa kipimi lono yivae, ikemu pa ji ye I no aghukheu launo khu nani.

MATTHEW 21:41

Panongu no pa khochile, “Pa no akithi kijiküsa pesü küsaküghami tipaqo tsü nani, eno atsailu pesü mishikulumi khunono axathi xoluke tusho lo asaje achipishi pa tsü nani keno tipaqo pichive nani.”