Apostolmi 18:15 - Sumi Naga CL (Re-edited) Bible (BSI)

¹⁵ Ikemu hi ye atsa ngo aje eno nongu yezah vehu kütsala keu keke nongu dolono xathalu lo. Ni ye hipaqo vehu loye küghaküthau shimoe.”

BAIBEL (BSI)

¹⁵ ikemu hiye atsa ngo aje eno nongu yezah vehu kutsalakeu keke nongu likhi nonguno xathaluvelo. Niye hikithipu vehu kughatha amlae!”

Sümi Tiqhelimi Bible

¹⁵ Ikemu hiye atsa, aje eno nongu likhi nongu yeza ghili iniju kilé akeu vehu ke nongu likhi nongu no xathaluve lo. Ni ye hikithipu vehu küghatha tsümlae!”

Apostolmi 18:15 Referans Kwoze

Apostolmi 23:29

I no phulu keu no pa nguku akeu ye pano Yezah ghenguno shi aghi, ikemu pithive momu akughu shi küzüpu kiumu kühae.

Apostolmi 25:19

Ikemu panongu no pano chineye eno timi lakhi Jisü, khuu thive kemu Paul no xüani pi keno, tipaqo vehu lono pa sasü kimpie.

1 Tim. 6:4

pa ye aqheküza no chhitoive no kiumu vethamlavae. Pa ye atsa ghenguno aküküpna eno kighekile nikeu no pa pulou, tishikeu lono anhekushu, küsüxa keu, thaigha keu, pülüküpsa,

Titus 3:9

Ikemu mbomzü shi kütsala keu, laghaphi, kimpikile keu, eno Ayezah ghenguno mtomshu keu, hipaqo ye ala shimo eno ame kühake hipaqo lono putosüve lo.

2 Tim. 2:23

Mbomzü, akükümsü küküha kikighe lo chhosü kevilo, ti ye mtomshu keu iqüphe cheni kepi nono ithi ani.

1 Tim. 1:4

eno küghakiche tsa ngo ashekuho küha keu laghaphi ghili lakha peniye ke, kughengu tipaqo ye aküpülü vecheo Alhou launo ighi keu jukükütsü kümlapu pekho ke kumono, avehu küghüzüpu xukutho cheni.

Apostolmi 26:3

akhoto no nono Jewmi khuaye eno kimpikile keu pasü kümtsü ithi ani. Tighenguno, kheakulushi I tsa initsü lopi I no o qhüiniju ani.

Apostolmi 25:11

Tsala I no akumou kümlami shiaghi eno I kümla lhoksa ghenguno thive küzüpu shiaghi aye, ni ye akithi lono pojolu nike khuamoe. Ikemu panongu no I nguku akeu no kuchou kumo aye, khunomu I pesü panongu tsüve mlae. Ni ye Caesar launo xatha nike khuani.”

MATTHEW 27:24

Kughou Pilate no pa ye kiumu shimlave keu ithive, eno halau no mqhumza ipeghiuve keno, pa no timiqo zülono azü pesü pa u mütsüve no pi, “Timi hipau ji pelekeu lo I kipimi kühae, hi ye nongu makhoae.”

John 18:31

Pilate no panoqo vilo pi, “Nonguu pa sawuve no nongu yezah kiqi lono pa shou küghathave lo.” Jewmi no khochile, “Ningu ye timi khumu pithive kepu yezah kühae.”

MATTHEW 27:4

eno pi, “Küqümo keu timi thechuve keu lono I no axine shivae.” Panongu no khochile, “Nino kiu shitsü lopi kea? Ti ye o makhoae.”

Apostolmi 18:13

eno pi, “Timi hipau ye ayezah hebide ghi timiqo vilo Alhou mlla penike züiza ani.”