Apostolmi 17:25 - Sumi Naga CL (Re-edited) Bible (BSI)

²⁵ momu Pa no kiuala avehupu shi aghi kepu toi, timi u no pa huthu chemoe. Tikumo no Pa ampi no aküxü ngo atuthu eno thokha thime pesü timi kümtsü tsüke.

BAIBEL (BSI)

²⁵ Momu paye kiuala avehupushi aghi nani kenia kepi pa salla kutotsu akepu kumu kuhae, le pa ampino akuxu ngo atuthu eno thwokha thime pesu timi kumtsu tsuke.

Sümi Tiqhelimi Bible

²⁵ Momu pa ye kiuala avehupu shi aghí kepu toi timi u no pa ghini shi akepu kiumu kühae. Bidelau no pa ampi no aküxü ngò atuthu eno thowkha thime pesü timi kümtsü tsüke.

Apostolmi 17:25 Referans Kwoze

BOTHUBO 2:7

tileno Ampeu Alhou no achhigha lono ayeghimkhu pesü timi kughulho eno pa nigipe lo aküxüpu tuthu shesü tsü, eno timi huno aküxüküa lhoxü shive.

Rommi 11:35

“Momu khuu no pa lochile peniye agho Pa tsüju kea?”

Apostolmi 17:28

kughengu “‘Pa gholono ningu ye xülu, ithalu eno ampi anie’; nonguw leshe kiyemi khami ghi pi püani, “‘Kughengu ningu ye Pa tikughukomi ke.’

ISAIAH 42:5

Ampeu Alhou, atsütsü lhophe eno tipau sükhope qhikeu, ayeghi xakhope qhino tile aküxü kümtsü tsükeu; timi kümtsü atuthu tsü, eno aghungu pesü xüküami tsükeu huno ishi pi ani:

JOB 33:4

Alhou ghungu no I lhophe, eno Akughushuu tuthu no aküxüpu I tsüke.

JOB 22:2

“Timi ye Alhou vehupu shilu nani keshea? Mtsüqheino alokütsümi ghi pa vehupu likhi shilu anie.

1 Tim. 6:17

Ishi tiqheli lo kinimi vilo qheza kevilo pilo, momu mtsüqhei mokeu kini shou pano lajupu bekevilo pilo, ikemu alokiqipu shilu peniye thokha pofushi ningu tsü chekeu Lhou shou lajupu belo pilo.

JOB 27:3

I no aküxü ake tivilo eno Alhou tuthu no I nigipe lo ake tivilo,

ZEKHARIA 12:1

Israel ghenguno Ampeu tsa: Ampeu khuu atsütsü xachhope qhino ayeghi lhophe eno timi lolo aghungu sütsü keno Pa no hitoi sheshu ani:

LESHELE 16:2

I no Ampeu vilo pi, “No ye I Mpeu; ni ye O nguno alau akivi kütau ye kühae.”

JOB 12:10

Aküxüküa thime kümtsü eno timi kümtsü tuthu ye Pa u lo ani.

Apostolmi 14:17

Ikeghi Pa ye thopimi qhimoke kumoe, kughengu Pa no akümla kivi hitoi shi püani: atsütsü lono tsütsüghu piqitsü; atusho kiqi lono axa jeli nongu tsü; achuqupu ngo alokivi pesü nongu mlo piqi tsüke.”

MATTHEW 9:13

Hi ye kiu kiqi keno wuno shika lulo: ‘Ni ye kimiyekini laju ani thono aghakishi kumoe.’ Kughengu I no ighikeu ye amikuchomi kumono axinemi kuni ke ghenguno ke.”

MATTHEW 5:45

tishikeu lono nongu ye khuu kungugha lo ani keno nongu Papu tianuli kepi piyelu nani. Kughengu khetsünhe ghi Paw ke Pa no tsütsüni pesü alhoksami ngo akivimi lau tsücheni, eno tsütsüghu pesü müzüchoi kemi ngo ihoghülai kemi lau puwu tsücheni.

ISAIAH 57:16

Ni ye alhokupuju panoqo nguku auvemo nani, momu alhokuthu panoqo shou amloide monani; kughengu tishive aye, I no lhokeu tuthu ngo angulho no I nhethe lono qeinaive nani.

JOB 34:14

Tsala Pa no timi launo Pa tuthu eno Pa ngulho ikhichile luve aye,

AKIKIHI 27:16

“Ampeu, aküxüküa ghungu kümtsü Lhou no aqoaho sakipheu lakhi kishe tsülo

AKIKIHI 16:22

Ikemu pama no ayeghi lo pishiqho ghi itsaqi no pi, “O Alhou, timi ghungu kümtsü shou Alhou, timi lakhi xine ghenguno no ye ahohomi kuchopu shou agha ideni keshea?”

ZAKINIU 30:20

Ampeu nongu Lhou kimiyelu, Pa tsa chilu no Pa süijelu nani. Kughengu Pa no nongu küxü ke, eno no puasü Abraham, Isaac, eno Jacob lau tushoqhi keu yeghi lo axükushu nongu tsü nani.

JEREMIYA 38:16

Akükau Zedekiah no tuqhou shi Jeremiah lau ashoqhi shi, “Ampeu xü akeu no ningu ngulho lhoke, ni ye o pithimo momu o küghape o küxü phuche kemi u lo süvetsü monani.”