Apostolmi 16:9 - Sumi Naga CL (Re-edited) Bible (BSI)

⁹ Kijili lakhi kungunhetsü Paul lau ipeghi; Macedoniami lakhi puthugho aghi no pa qhüiniju, “Macedonia lo ighi no ni kuphu tsülo.”

BAIBEL (BSI)

⁹ Tipa ji kungunhetsu lakhi Paul lau ipeghi; Makedoniami lakhi puthugho puzu pa qhuiniju ghi pi, “Makedonia lo ighilo eno ni kuphutsulo!”

Sümi Tiqhelimi Bible

⁹ Putho shi ake dolo kungunhetsü lono Paul lau Macedonia lono timi lakhi puthugho no pa qhüiniju, “Macedonia lo ighino ningu kuphu tsülo.”

Apostolmi 16:9 Referans Kwoze

Apostolmi 19:21

Hipa thiu Aghungu no hakite keu lono Paul no Macedonia ngo Achaia vechesü Jerusalem lo wunikeu vehu kughu ghi pi, “I no tilau wuve kethiu ni ye Rome ghi xuju masae.”

Apostolmi 18:5

Kughou Silas ngo Timothy no Macedonia lono ighi keno, Paul ye ado kümtsü atsa pesü Jewmi vilo Khristo ye Jisü kepi ashepe shiae.

Rommi 15:26

Kughengu Macedonia eno Achaia kukuhou no Jerusalem lo küpülümi gholo kumlhomi akeqo ghenguno akukuphu hami qhaphetsü ke.

Apostolmi 20:1

Aküküpna thiu, Paul no akhopemi kuno panongu mlo shikumto tsüno ileno alo pive, eno pa ye Macedonia lo wuve.

1 Thes. 4:10

eno kuchou loye Macedonia qha kümtsü lo nongu no timi kümtsü lau tishi cheni. Ikemu athiküzümiqo, nongu pelo hipau alau shi apenike nino nongu hakite ani,

2 Kor. 12:7

Ike akümzapu piyeküsü I lau ighikeu pesü I no qhezauve nosa kehu I phimpi lo asahu qhusü tsüe, ti ye Satan ghinimi lakhishi I heqhi peniye, tishianguno I pelo qhezape moniye ke.

2 Kor. 11:9

Kughou I no nongu gholo akeno kiuala avehupu namu ni ye khumu shipüna püamoe, kughengu Macedonia lono athiküzümi ighi keqo no I vehupu kümtsü kumkho tsü. Ikehu ni ye kiu lonomu nongu ghime püamo eno ghimemo nani.

2 Kor. 9:2

kughengu nongu no kutope akeu I no ithi ani, tipau pesü I no Macedoniami vilo Achaiami ye khanikü no kutope anie pi I kijivile pike. Eno nongu zükini no panongu kutomo hakutho luvae.

2 Kor. 8:1

Athiküzümi achelimiqo, Macedonia kukuhouqo lo Alhouw küpükini tsükeu nino nongu pelo ithi penishi ani,

2 Kor. 7:5

Macedonia lo ighive kethiu ghi ningu ye akulho qhimla no ala thokha lono ningu kijipüsa ke—ni lolo msaichi anamu ashou ye kütami sasü kumgho ke.

Apostolmi 20:3

Pa ye tile aqhi küthü ngove, tithiu ashuka lono Syria lo wuniye akelono Jewmi no pa pithive niye kuchughu aghive kehu Macedonia küdau no ideighini ke kughuve.

Apostolmi 10:30

Cornelius no pi, “Ishi bidi shive ake hipa tüqhüdo avelau ayi küthü kihelo, ni ye I ki lono akighini shiae. Tile timi lakhi metsüghoike phimini pepusü I zülo ipeghi,

Apostolmi 10:3

Ghulo lakhi avelau ayi küthü kihelo Alhouw kungumi lakhi no pa lau ighi no, “Cornelius” ipikeu pa no kungunhetsü lono mtsüqhei ithulu.

Apostolmi 9:38

Joppa ye Lydda phivilo kehu akhopemi no Peter ye Lydda lo anie pi chilu kelo timi kini puwu no pi, “Kimiyeno munu kevino ni lau ighi tsülo.”

Apostolmi 16:10

Kughou Paul no kungunhetsü hipau ithulu keno, tipa mtsa ningu ye Macedonia lo wuniye kuto, kughengu hi ye atsakiviu pesü panongu lau pi peniye Alhou no ningu kuani kepi ithive.

Apostolmi 16:12

tileno Philippi lo wu, hi ye Macedonia lo mishighüna aghiu eno Rommi ghüna lakhi. Ningu no hile atsala hami ngove.

Apostolmi 19:22

Pa kukuphumi Timothy ngo Erastus pama Macedonia lo puwuve no pa ampi ye Asia lo ado hami ngove.

Apostolmi 19:29

Tileno aphughi lo kübangü ipeghive, eno timiqo no aqoshi aghili kilo kohasü ilo no aghüzüla lo Paul küsami Macedoniami Gaius ngo Aristarchus pama sünhe sawuve.

Apostolmi 27:2

Adramyttium shuka, khikhi Asia cheaxü lo azüghimkü phughiqo züsü wuniye akeno, tile ikuve. Thessalonica lono ighi kemi Macedoniami lakhi Aristarchus no ningu gholo wue.

ZAKINIU 30:13

Momu ti ye azüghi tüxau ani püzü, ‘Nino ti chilu no papeni kehu khuu no ni züqhushi azüghi katha wuno süghi tsüni kea?’ ipi kepu vehu kumoe.