Apostolmi 16:5 - Sumi Naga CL (Re-edited) Bible (BSI)

⁵ Ikehu aküpülü lono akukuhomi shikumto luno ghulo atsütsü akikihi alau ikowolu.

BAIBEL (BSI)

⁵ Ikelo akukuhouqo akupululo shikumto tsu, eno ghulo atsu-tsu kihi sulukemi alau shi ikowove.

Sümi Tiqhelimi Bible

⁵ Ikehu akukuhomiqo ye aküpülü lo shikumtolu eno tsalà kipetsü kihiküsümi kutomo iko wove.

Apostolmi 16:5 Referans Kwoze

Apostolmi 9:31

Judea, Galilee, eno Samaria qha kümtsü lo akukuhou ye iqüghai keu do sholu eno shikumtolu ae. Ampeu sükümsa lono chewu eno Aghungu Kimthe no shikumto keu vecheo ikowolu.

Apostolmi 2:47

Alhou sheqhe eno timi kümtsü lopu shilue. Eno Ampeu no tsala kipetsü panoqo gholo xaluve kemi küpha tsüe.

Apostolmi 6:7

Alhou tsa alaushi ikowove, Jerusalem lo akhopemi kikihi shishe küghüsüve, eno achinemi kutomo no aküpülü khuaye ikhiluve.

1 Peter 5:10

Nongu no ado kitila imeve kethiu, kikimiye küpükini kümtsü akeu Lhou, Khuu no Khristo vecheo Paw lhokta juküvü lo nongu kuluve akeno, Pa ampi no nongu pesü atho puthotsü, aküpülü iqhikumto tsü, aküka tsükithe, eno aboqha kumto lo shosü nani.

Apostolmi 15:41

Pa no Syria ngo Cilicia qhalo wuno akukuhomi shikumto tsüe.

Kolosiami 2:6

Tighenguno nongu no Khristo Jisü ye Ampeu kepi ikhiluve ketoi, pa gholo cheche lo,

1 Kor. 15:58

Tighenguno, I qhuu I thiküzümiqo, mtotoi puthugholo, itha kevilo, alhokuthu Ampeu kümla pekho tsüalo, kughengu Ampeu lau mlaitha akeu ye adou shivemo nanie pi nongu no ithi anie.

Rommi 16:25

Itehi ye I tsape, I no Jisü Khristo ghili pikülha chekeu vecheo nongu shikumtokütsü Lhou sheqhe ani; ti ye ado kushuo tuqhou shi küsü püache keu tsa pephe piyeni keu kiqi lono ke,

Apostolmi 12:24

Ikemu Alhou tsa ye veküpha eno alau ikowove.

IBRIMI 13:9

Akükütsü jeli paküta keqo no saküghüzüve pekevilo, chine chini chuqupu khuaye no kumono Alhouw küpükini no amlo shikumtolu keu pavi; kughengu aye tipaqo peche kemi ye kiumu ala shi chemoe.

2 Thes. 2:16

Itehi ye ni Mpeu Jisü Khristo ampi, eno ni Pu Alhou, khuu no ningu kimiye no küpükini vecheo lhokta lokughuno eno lajupu kivi ni tsü keno,

1 Thes. 3:13

tishianguno ni Mpeu Jisü no Pa küpülümi sasü ighi kelo, Pa no nongu mlo pesü ni Pu Alhou zülo tukutiye küha no akimthe shitsü peni.

1 Thes. 3:2

eno nongu küpülü kughuko tsüno hakiteni ke ningu no ni thiküzüu Timothy, Khristo tsakiviu shekushu lo mlaküqha chekeu nongu lau puwu,

Galatiami 5:1

Khristo no ningu pesü ililai keu lo kuqho phevae. Ikehu mtotoi puthugho lo, eno itaghi aqüaxemi kuokhasü xapu kithe kevilo.

Apostolmi 11:21

Ampeu küka no pano gholo ae; eno timi kutomo no pülü luno Ampeu lau ighive.

Apostolmi 5:14

Ghulo kütau nguno alau Ampeu küpülümi kiptimi totimi kikihi kütsasa shive.

Apostolmi 4:4

Ikemu pama tsa chilu kemi kutomo no pülüve, eno akikihi 5,000 kutolo shive.

ISAIAH 7:9

Ephraim tou no Samaria, eno Samaria tou ye Remaliah. Nongu no aküpülü lo mtotoimo aye nongu ye mtomla nani.”

YEKIKITHI AKINIU 20:20

Thanau inaqhe ithe ithu no panongu no Tekoa sayeqha lo wuve. Kughou panongu no tilau ipeghi keno Jehoshaphat no puthugho no pi, “Judah ngo Jerusalem timiqo, I tsa inilo! Ampeu nongu Lhou pülülo, nongu no mtotoilu nani; Paw tungkupmi pülülo nongu no tolu nani.”