Apostolmi 14:15 - Sumi Naga CL (Re-edited) Bible (BSI)

¹⁵ “Timiqo, nongu ye kushiye hipaqo shi ani kea? Nikujo ghi nongu toi timi, eno nongu lau atsakiviu süghi ani, tishianguno nongu pelo hi adou thime lono tsüghüsü aküxüpu Lhou khuu atsütsü, ayeghi, azüghi eno tile akeu kümtsü lho keno, Pa lau ighi peniye ke.

BAIBEL (BSI)

¹⁵ eno ishi igha. “O nongu timiqo, nonguye hiye kiu shi ani kya? Ningu ghi nongu toi timi ke, eno ninguye atsakiviu nongu lau asheshu anike, tishianguno nongu pelo hi avehu kuhamithekeu lono nonguno akuxupu Lhou lau ideghi peniyeke. Akuxupu Lhou no atsutsu, ayeghi, azughi eno tile akeu kumtsu mlake.

Sümi Tiqhelimi Bible

¹⁵ “Aküsàmiqo, nongu ye kushiye hi shi ani kea? Nikujo ghí nongu toi timi ke. Ningu no nongu lau atsakiviu süghi akeu ye nongu pelo ameküha keu thime jeli hipaqo qhive no xü akeu Lhou, khuu no atsütsǘ, ayeghi, azüghi eno tipaqo lo akeu kümtsü lhosü keno, pa lau ideighi peniye ke.

Apostolmi 14:15 Referans Kwoze

James 5:17

Elijah ye ningu lhoaye toi kemi, ikemu pa no tsüghu pemo nike amlo tsüqhiyi inikhu kelo ampe küthü no aqhi tsügho ayeghi lo ghuqhi move.

1 Kor. 8:4

Ikehu, achuqupu pesü ajulho mllakeu tsa loye, ningu no ithi anike “ajulho ye kuchocho aküxü anike kumoe,” eno “Alhou ye lakhi likhi ani.”

Apostolmi 10:26

Ikemu Peter no pa sünhe puthu no pi, “Ithulo; ni ghi timi ke.”

SAMUEL ATUGHIU 12:21

Eno abokümsa thime kiumu ala küha eno xamlani keu pape kevilo, kughengu tipaqo ye abokümsa ke.

Piyeküsü 14:7

Pa no asütsa kuloghi lono pi. “Alhou msalo eno ajuküvü pe Pa tsülo, kughengu Paw küghakütha tüqhüdo ye ighivae, eno Khuu kungugha eno ayeghi, azüghi eno azüpukiqo lhosü keno, Pa mllalo.”

JEREMIYA 14:22

Shiyeqow kichile lhouqo no tsütsüghu süghilu nani keshea? Momu atsütsü no ghuqhitsü nani kea? O Ampeu ni Lhou, Nono Pake kumo? Niw lajupu O shou be ani, kughengu Nono hi kümtsü shike.

BOTHUBO 1:1

Abothu lono Alhou no atsütsü ngo ayeghi lhoe.

1 Thes. 1:9

Kughengu nino nongu lau ighi kelo kishi nongu no ningu ikhilu, ajulho launo tsüghüsü aküxüpu eno kuchou Lhou qenike ighi,

Ephesiami 4:17

Itehi Ampeu je lono I no hi piani eno iqhikithe anike nongu ye Jewkumomi toi ameküküha kükümsü xapu cheche kelau kumoae.

JONAH 2:8

Khunono adou julho gihu cheni keno pano ye iqemokeu kikimiye lajupu phevae.

ZAKINIU 32:21

Panongu no alhou kumo keu pesü I pelo anheshupe; panongu no ajulho pesü I mlo shikighide tsüe. Ikehu I no pano pelo kiumu kumo kemi jupe anheshu peni; mbomzü shiye sawo pano mlo shikighide tsüni.

Apostolmi 4:24

Panongu no ti chilu no kümtsa ighamku Alhou vilo pi, “Kümtsü shou Ampeu, khuu atsütsü ngo ayeghi eno azüghi ngo tile akeu kümtsü lhosü keno,

MATTHEW 16:16

Simon Peter no khochile, “No ye aküxüpu Lhou nu Messiah ke.”

JEREMIYA 32:17

‘Ya, Ampeu Alhou! Nono atsütsü ayeghi O küka kuloghi lono eno O u sükhope mlae! O ghenguno kiumu kushokütsü kühae.

LESHELE 31:6

Khunono ameküküha julho mlla cheni keno I no mithie, ikemu ni ye Ampeu pükhü cheni.

IPEKULU 20:11

Kughengu atsala tsügho lono Ampeu no atsütsü eno ayeghi, azüghi eno tile akeqo kümtsü lhoe, eno atsala akütsüniu loye akulhoqhi ke. Tighenguno Ampeu no Sabbath tsala kümghatsü eno tipau pesü akimthe shi qhike.

IBRIMI 3:12

Athiküzümiqo, nongu milakhi lolomu alhoksa eno pülükümla mlo xapu aghi no kutou aküxüpu Lhou launo ikiqive nosake kutokupui lo.

1 Tim. 3:15

I no munuve kepu shinamu, nongu pelo Alhou kibo lo kishi mlaitha kepu keno ithi peniye ke; hi no aküxüpu Lhou kukuhou, kuchou tsükucho eno aboqha ke.

Apostolmi 14:21

Kughou pama no mishighüna tipau lo atsakiviu pesü kütsü no akhopemi kutomo shiluve keno, pama ye xachilesü Lystra, Iconium eno Antioch lo idewove.

John 7:18

Khuu no pa kükagha lono pini keno pa jekipipu phucheni. Ikemu khuu no pa puwu keu jekipipu phuni keno, pa no kuchou eno pa lau ye kichile kühae.

ZEKHARIA 12:1

Israel ghenguno Ampeu tsa: Ampeu khuu atsütsü xachhope qhino ayeghi lhophe eno timi lolo aghungu sütsü keno Pa no hitoi sheshu ani:

JEREMIYA 10:8

Panongu ye anikha eno mbomzüe; ajulhoqo kükütsütsa ye asü paphie!

JEREMIYA 8:19

Julo, akuaqha lono Iw timi ngaqo no qa ani: “Ampeu ye Zion lo küha keshea? Li kükau ye tile küha keshea?” “Kushiye panongu gholo ajulho eno inaghami lhou julho pesü I xukutho ani kea?”

ISAIAH 46:7

Panongu no abighi lo tipau ikhiqhepe xapu cheni; panongu no a-a lakhi lo ti ghope qhive cheni; ti ye tipa-a lono ithauve mlae. Milakhi no tipau lau ighamku namu, ti ye khochile chemo momu pa küküpna lono xaphelu chemoe.

ISAIAH 45:20

“Nongu hekumqope ighilo, shiye lo nongu ghükulumi, kümtsa kupunu ighilo! Ajulho pesü kulobide chekemi ye akighithi alokütsü mu kühae, panongu ye xamlani keu lhou lau inikhu cheni.

ISAIAH 45:18

Kughengu Ampeu no ishi piani, khuu no atsütsü lhophe keno (Pa ye Alhou ke!), khuu no ayeghi lhophe keno (Pa no iqhikumto, eno kümsa qhiniye lhophe moke, ikemu küghüna peniye lhophe ke!): “Ni ye Ampeu, eno kütami khumu kühae.

LESHELE 124:8

Khuu no atsütsü ngo ayeghi pulhosü keno ni kukuphu ye Pa je lo anie.

LESHELE 33:6

Ampeu tsa no kungugha lhoe, eno Pa kichi lo tuthukishe no yepu yesüqo lhoe.

ZAKINIU 5:26

Kughengu aküxüpu Lhou no ami lono pütsa keu chilu kelo, timi khuana xülu püani keshea?

Piyeküsü 22:9

kemu pa no I vilo pi, “Moe, tishi kevilo! No eno o thiküzümi tungkupmi, eno khunono kaku hipau lo akeu tsaqo pecheni keno, tipaqo gholo nighi aqemi lakhike. Alhou mllalo.”

Piyeküsü 19:19

Tithiu tüghashi eno ayeghi lo kükamiqo no panow ghüshimi sasü khuu no khurshi shou iqa akeno pa eno paw ghüshimi sasü aghü shinike kumqope aghikeu I no ithulu.

Piyeküsü 19:10

Ikehu I no pa mllani ke pa pukhu philo itsaqi, ikemu pa no pi, “Tishi kevilo! Kughengu no eno o thiküzümi khunoqo Jisü no kuchou shepe shikeu pecheni keno, nongu gholo nighi aqemi lakhike. Alhou mllalo!” Kughengu Jisü no kuchou shepe shikeu pelu kemi no tungkuptsa pikulupu ghungu achenie.

Apostolmi 27:25

Ikehu amlo mtolo, timiqo, kughengu I vilo kiu pi keno titoi shi nani kepi ni ye Alhou lau aküpülü ani.

Apostolmi 27:21

Achuqupu chumo keu ado kushuo shive kehu, Paul no timiqo gholo puthugho no pi, “Timiqo, nongu ye I tsa inive no Crete lono wumo kepushi akena, tishike aye hitoi shiküpsa eno amhekiqi shimoni cheke.

Apostolmi 27:10

“Kijemiqo, I no pimhelu anike aghüzüla lo aghüzapu ngo amhekiqi kutomo shini cheni, ti ye tinhemgha ngo zükilu likhi kumono ningu küxüu ghi pühaveni cheni.”

Apostolmi 16:30

Pa no pama sasü khalau ipeghi no pi, “Akijeu, I xalu penike ni ye kiu shimasa kea?”

Apostolmi 14:7

tilau pama no atsakiviu pesü sheshue.

Apostolmi 13:32

Eno Alhou no apuasüqo lau piqhi keu tsakiviu ningu no nongu lau süghi ani,

Apostolmi 7:26

Tishiwo thoghiu Israelmi kini kichighi aghi keu pa no ithulu no külashi tsüniye pi, ‘O timi, nokujo ye athiküzümi ke, kushiye lakhino lakhi ghime ani kea?’

John 5:26

Kughengu Apu no Pa lolo aküxüpu aketoi, Pa no Nu pelo ghi aküxüpu pa lolo apenike tsüvae.

AMUS 2:4

Ampeu no ishi piani, “Judah xine küthü ghenguno eno bidi ghenguno, Ni ye aghime süchilemo nani, kughengu panongu no Ampeu yezah milivae, eno akhuayeqo pemovae, pano kimki no pano sabidevae, pano puasüqo no cheche keu laghi panongu no pape wuvae.

DANIEL 6:26

I no xaküthaza lakhi mla ani, ti ye I yekipeqha lo timi kümtsü no Daniel Lhou zülo khokhoshi eno sükümsa shini, kughengu Pa ye aküxüpu Lhou, pülhapuju ache keue; Pa kükaqha ye khilemu kütsave mla nani, eno Pa yekipeqha ye ashekha kutolo anani.

KUKAMI AKINIU 19:16

O Ampeu, O kini kughope inilo, O Ampeu, O nhethi tsükho no julo, eno Sennacherib tsa khikhi pa no aküxüküa Lhou thaigha niye pi puwu keno initsü lo.

KUKAMI AKINIU 19:4

Ampeu o Lhou ye Rabshakeh, khuu Assyria kükau no xüakeu Lhou thaigha peniye puwu keno, pa no pikeu tsaqo kümtsü chiluve aghi nani, eno Ampeu o Lhou ye tipa tsaqo chilu no alomipi nani keniae; tighenguno ghükulumi ghenguno inikhu tsülo.”

KUKAMI ATUGHIU 16:26

Kughengu pa no Nebat nu Jeroboam toi xüuve no pa xine lono Israel ghi axine shivepe eno ti ajulho mlla keu xine no Ampeu Israel Lhou mlo shikighide tsüke.

KUKAMI ATUGHIU 16:13

Ti ye Baasha ngo pa nu Elah pama xine ghenguno eno pama xine no Israelmi ghi axine lo sailove no Ampeu Israel Lhou mlo shikighide tsüke ghenguno.

SAMUEL ATUGHIU 17:36

O qeu ye abongshuu ngo avaqo ghi heqhi pithi püani, eno aphighü ghamo kemi Philistiami hipau ghi titoi shivetsü nani, kughengu pa no aküxüpu Lhou ghüshimi khü anie.”

SAMUEL ATUGHIU 17:26

David no pa phivilo akemi vilo pi, “Philistiami hipau pithive no Israelmi launo thokügha ikhive tsükeu lau kiu shitsü nani pi kea? Kughengu aphighü ghamo kemi Philistiami hipau ye khuue pi aküxüpu Lhou ghüshimi khüni kea?”

JOSHUA 3:10

Joshua no pi, “Aküxüpu Lhou no nongu gholo ani kepi hileno ithi nani, ti ye Pa no nongu zülono Canaanmi, Hittimi, Hivimi, Perizimi, Girgashimi, Amorimi eno Jebusimi hapheve tsü nani.

BOTHUBO 41:16

Joseph no Pharaoh khochile, “Ti ye I no kumoe; Alhou no Pharaoh lopushi khochile tsü nani.”

LESHELE 115:15

Ampeu, atsütsü eno ayeghi pulhoküsüu pelo nongu kümghatsü peniu!

JEREMIYA 51:15

“Ampeu no Pa küka lono ayeghi lhoe, Pa lokütsü lono ayeghiqha lhoqhie, eno Paw vethakulu lono kungugha xachhope qhike.

Piyeküsü 4:11

“Ni Mpeu eno Alhou, ajekipi, agigihu eno aküka ye Nono ithulu küzüe, kughengu Nono thime kümtsü pulhosü, eno tipaqo ye O pulou lono acheghi eno pulhosü ke.”