Apostolmi 13:17 - Sumi Naga CL (Re-edited) Bible (BSI)

¹⁷ Israelmi hipaqo Lhou no ni puasüqo kishelu no Egypt yeghi lo ache kelono panongu pesü kije shitsü, eno Pa u kumto lono panongu sasü Egypt lono ipeghi.

BAIBEL (BSI)

¹⁷ Israilmi hipaqo Lhou no nipu asuqo kishelu, eno panonguno Ijip yeghilo achekelo timiqo kughukope shishe ashiayeh kije shitsu,

Sümi Tiqhelimi Bible

¹⁷ Israelmiqo Lhou no ni pù-asüqo kishelu; pa no timiqo pelo Egypt lo ache kelo kinikülü shi xülu pe ke; pa kughushu küká vechewo pa no tipau ghakhu lono panongu saipeghike;

Apostolmi 13:17 Referans Kwoze

1 Peter 2:9

Ikemu nongu ye kishekiphe lagha, Akükau chine kümlami, akimthe shiye, Alhou no Pa kütsashi pükhalu keu timiqo ke, tishikeu lono Khuu no aküzü lono nongu kuphepe Paw akichiqhipu küvü lo sailo keno, nongu pelo Pa kighiche kümla sheshu peniye ke.

MICAH 6:4

Kughengu I no Egypt yeghi lono nongu saipeghi eno aqüaxe kibo lono nongu qhüchilelu ke, I no nongu lau Moses, Aaron eno Miriam puwue.

AMUS 2:10

Egypt yeghi lono nongu saipeghi keu hughi I noe eno Amorimi yeghi pesü tsüniye ampe lhobidi asayeqha lo nongu sacheke.

ISAIAH 44:1

“Itehi inilo, O I qeu Jacob, I no kisheluve keu Israel!

LESHELE 135:4

Kughengu Ampeu no Pa salashi Jacob kisheluke, Israel pesü Pa mheghi shike.

SAMUEL ATUGHIU 4:8

Ni ghenguno ahasapuae! Khuu no hi akughushu lhouqo launo ningu xaphe luni kea? Asayeqha lo chekelo alhou hipaqo no Egyptmi shou püsa jeli puwuke.

ZAKINIU 14:2

Kughengu nongu ye Ampeu Alhou lau akimthemi, Pa no ayeghi lo ashiaye kümtsü gholono Paw timi shipenike nongu kishelue.

ZAKINIU 10:22

Nongu puasüqo ye Egypt lo pano lhotsüni likhi iqie, ikemu itehi ye Ampeu nongu Lhou no nongu pesü atsütsü lo ayepu jehi shive tsüae.

ZAKINIU 9:5

Nongu mikucho momu amlo kimthe ghenguno nongu ye ayeghi hipau lo pükhalu niye anike kumoe, ikemu shiye hipaqo kixikila ghenguno Ampeu nongu Lhou no panongu hapheve anie, tishikeu lono Pa no nongu puasü Abraham, Isaac, eno Jacob lau ashoqhi shipüa keu iqhikumto niye ke.

ZAKINIU 7:19

Nongu nhethi no ti pekuju kije ithulu keu, amchipu, akichiqhipu kümla, Pa u küka kumto sükhope Ampeu nongu Lhou no nongu saipeghi keu kümsülu lo. Titoi Ampeu nongu Lhou no nongu no msa akeu shiaye kümtsü lau shitsü nani.

ZAKINIU 4:37

Pa no nongu puasüqo kimiye kehu pano polo kughukomi kishelu no Pa küka kije lono Pa ampi no Egypt lono nongu saipeghi.

ZAKINIU 4:34

Momu khuno lhou no pekuju, amchipu, akümzapu kümla eno aghüshi vecheo Pa u kumto pesü kümsapu kümla pephe, eno Paw shiniye shiye dolono shiye kishephe kea? Hi kümtsü Ampeu nongu Lhou no Egypt lo nongu nhethe lono shike kumo?

ZAKINIU 4:20

Ikemu Ampeu no Pa mheghi shiniye Egypt lo ayi miphoki lono nongu saipeghi no ishi ye nongu ye Paw timi shi anie.

IPEKULU 18:11

Itehi ye I no ithive ake Ampeu ye alhouqo kümtsü nguno akijeue, kughengu hipau vehulo panongu no ngukangugha shi timiqo peitha ke.”

IPEKULU 13:16

O u lo eno o kishe lo hipau pesü amchipu shi qhilo, kughengu aküka kumto vecheo Ampeu no Egypt lono ningu saipeghi ke.”

IPEKULU 13:14

Eno hithiu o nu no o vilo, ‘Hi ye kiu kiqi kea?’ ipi ighiju aye, no ye pa vilo pilo, ‘Aküka kumto lono Ampeu no Egypt lo aqüaxe küxü lono ningu saipeghi ke.

IPEKULU 12:51

Eno tipa tsalani no Ampeu no Egypt yeghi lono Israelmi aqokitikhi saipeghive.

IPEKULU 14:8

Ampeu no Egypt kükau Pharaoh mlo shikümkave tsü, eno Israelmi no akumto shi wuche kelo pa no Israelmi hasü ighi.