Apostolmi 12:9 - Sumi Naga CL (Re-edited) Bible (BSI)

⁹ Pa no khalau pa papesü wuve. Pa ye kungumi no kiu shi akeno kuchou kepi mthano kungunhetsü ithulu ani küghashi kümsü ae.

BAIBEL (BSI)

⁹ Pitor no pa papesu akughuki khalau ipe, paye kungumino kiu shitsu ani keno kuchou kepi mthano ae, ikemu kungunhetsu ithulu ani kughashi kumsu ae.

Sümi Tiqhelimi Bible

⁹ Peter no pa papesü akughuki khalau ipeghive, ikemu pa ye kungumi hu no kiu shi akeno tiye kuchou no tishi ani kepi kitilamu mtha no ae; pa ye kungunhetsü ithulu ani küghashi kümsü ae.

Apostolmi 12:9 Referans Kwoze

LESHELE 126:1

Kughou Ampeu no Zion ngukümgha tsüchile keno, ningu ye asamo pumo chekemi toive.

IBRIMI 11:8

Aküpülü lono Abraham ye hithiu pa mheghi shiniye akeu yeghi lo Alhou no wu peniye kukelo agholue. Pa ye khila wucheni keno mtha keghi aghokulu shi wuve.

Apostolmi 26:19

“Tighenguno, O Akükau Agrippa, ni ye atsütsü lo kungunhetsü hebide püamoe.

Apostolmi 10:3

Ghulo lakhi avelau ayi küthü kihelo Alhouw kungumi lakhi no pa lau ighi no, “Cornelius” ipikeu pa no kungunhetsü lono mtsüqhei ithulu.

BOTHUBO 45:26

Eno panongu no pa vilo pi, “Joseph ye xüaphie, eno pa no Egypt yeghi kümtsü shou yepeu shi ani.” Ikelo pa mlo ye thüghüive, kughengu pa ye panoqo tsa pülümoe.

Apostolmi 11:5

“I no Joppa mishighüna lo akighini shi akelono kungunhetsü ithulu. Kiukela ayephu kuloghi toike ashe bidi lono küghape no atsütsü lono ayeghi lo piqi, eno tino I lau iqighi.

Apostolmi 10:17

Peter no kungunhetsü kiqi ye kiu shiaghi nani keno phiküghüzü pe akelono, Cornelius no timi puwu keqo no Simon ki ighisü khagho lo aghi.

Apostolmi 9:10

Damascus lo apapemi lakhi Ananias ae. Ampeu no kungunhetsü lono pa vilo pi, “Ananias.” Pa no pi, “Ampeu, ni hi ani.”

John 2:5

Paza no lokijimi vilo pi, “Pa no nongu vilo kiu kiumu pikeu shilo.”

BOTHUBO 6:22

Noah no tipau shive; Alhou no azah tsükeu kümtsü pa no shie.

Apostolmi 12:8

Kungumi no pi, “O phimini eno o pukhukuqho puluve lo.” Peter no tishive kelo kungumi no pi, “Ow hebephi puve no I papelo.”