Apostolmi 12:7 - Sumi Naga CL (Re-edited) Bible (BSI)

⁷ Paikhavi Ampeuw kungumi no pa phivilo puthugho aghi eno aküvü no achebo yepüvüve. Pa no Peter tukini küdaputhu no pi, “Mtazü ithulo.” Tile pa u lono ayikichhe iko ikiqive.

BAIBEL (BSI)

⁷ Paikhavi lono Ampeu wu kungumi lakhi tile puthugho eno akuvu lakhino achebolo yevuqaive. Pano Pitor bighilo tukini pa kudaputhu eno ishi pi, “Mtazu ithulo!” Ike Pitor ulono ayi kichhe kighi hu iko ikiqive.

Sümi Tiqhelimi Bible

⁷ Paikhavi lono Ampeu’w kungumi lakhi ipeghi eno aküvü no achebo lo yepüvü pe ngove. Pa no Peter bighi lo tukütha no pa küdaputhu. Pa no ishi pi, “Mtazü, ithuvelo!” eno Peter u lono ayikichhe kighi iko ikiqive.

Apostolmi 12:7 Referans Kwoze

Apostolmi 5:19

Ikemu putho lono Ampeuw kungumi no akughuki hukikha khaqhive no panongu saipeghi no pi,

Apostolmi 16:26

züleno ayeghi küghütha kije ighi no akughuki tsükucho kümtsü süküghütha. Eno paikhavi ahukikha kümtsü khaqhive, akughumi yikichhe kümtsü ikove.

LESHELE 146:7

nedaqoda püakemi saphu ghi Pa no kuchou xakütha tsü cheni, Pa no müzüthi akemi lau achuqupu tsü cheni. Ampeu no akughumi khaqhiphe cheni;

LESHELE 107:14

Pa no aküzü eno akithi yekükhü lono panoqo saipeghi, eno akütsüghaqo sütha kütüta shive tsüe.

LESHELE 34:7

Ampeuw kungumi no Pa sümsa chekemi bothape acheni, eno panoqo xaphelu cheni.

Apostolmi 10:30

Cornelius no pi, “Ishi bidi shive ake hipa tüqhüdo avelau ayi küthü kihelo, ni ye I ki lono akighini shiae. Tile timi lakhi metsüghoike phimini pepusü I zülo ipeghi,

Ephesiami 5:14

eno kiu kiumu ithuluve keu ye aküvü ake. Tighenguno ishi pi püani, “Ithulo, O aküzüu, eno akithi lono ithughilo, Khristo no o shou yepüvü nani.”

Apostolmi 2:24

Ikemu Alhou no akithipu ghime shipühave tsüno pa xüputhuve, kughengu akithi ye pa küghape püamlave.

Luke 24:4

Ikehu panongu ye phiküghüzüpe ake lono züleno timi kini phuphushi keu phi pusü panongu phivilo aghive.

Luke 2:9

Tile Ampeuw kungumi lakhi no panoqo zülo ipeghi, eno Ampeu juküvü no panongu homxape yepüvü luve kelo panoqo ye ighono msaichive.

MICAH 7:9

I no Ampeu zülo axine shive kehu Pa no I she petsü eno I ghenguno xathatsü moke dolo ni ye Pa xukighide xapu niae. Pa no aküvü lo I saipeghi nani; Pa no saphutsü keu shou I no jupuku anani.

DANIEL 6:22

I Lhou no kungumi puwu no abongshuuqo kichi lakhave tsü, eno panongu ye I ghüza moe, kughengu ni ye Pa zülo tukutiye küha keu shi ithulu; eno o zülo ghi, O akükau, ni ye aghüzapu kiumu shi püamoe.”

KUKAMI ATUGHIU 19:7

Ampeuw kungumi no akiniu ighi no pa buno pi, “Ithughi no chulo, kughengu o ghenguno aghüzüla ye shishe kushuo aphi.”

Apostolmi 12:23

Paikhavi Ampeuw kungumi no pa hekuluve, kughengu pa no ajekipi Alhou tsümo ke, eno pa ye apithe no tsaqhi no atuthu kishekhave.

Apostolmi 9:3

Pa no Damascus kupunuve kelo paikhavi atsütsü lono aküvü lakhino pa sümxape yeluve.

HABAKUK 3:4

Pa küvü ye akulu toi; Pa u lono kulophe; eno Pa no Pa küka tile küzüpe qhie.

EZEKEL 43:2

Eno julo, Israel Lhou juküvü no kipelau no cheghi. Pa no ighikeu sütsa ye azüghi ghügha toi eno ayeghi ye Pa juküvü no yevüqaive.

ISAIAH 60:1

Ithu no yepüvü lo, kughengu o küvü ye ighivae, eno Ampeu juküvü ye o shou yepüvü ani.

LESHELE 116:16

O Ampeu; ni ye o qeu; ni ye O qeu, O qeliu nu huke. Nono akütsügha lono I kuqhophe tsüke.

KUKAMI ATUGHIU 19:5

Eno pa ye asübo qholo züuve. Tileno kungumi lakhi no pa buno pi, “Ithughi no chulo.”

Piyeküsü 18:1

Tithiu I no kungumi kütau lakhi kungugha lono iqi cheghi keu ithulu, pa ye kükagha kije akemi eno pa küvü no ayeghi kuchopu yepüvüve.

IBRIMI 1:14

Panongu ye kümtsü aghinimi shi xakulupu ithulu niye akemi huthu peniye puwu püanike kumo keshea?

Apostolmi 12:6

Kughou Herod no pa saipeghi niye kughu akeno, tipaji Peter ye ayikichhe kini no pa tshüpe aghukhemi kini dolo züa, eno akughuki hukikha lo aghukhemi no kheae.

HABAKUK 3:11

O piji eno O ngu no phuphushi yeighi kelo khetsünhe ngo aqhi no panoqo-a lo itha mono ngove.

ISAIAH 37:30

“Hino o ghenguno amchipu shini: khashi ngo tokuu ye ghile lo athi kiche khakumo no pakutoshi no ipeghi keu pesü nono chuni, tishino ampe aküthüu lono xusü no ghile hulo, atsailu chino axathi xochulo.

SAMUEL AKINIU 22:29

O Ampeu, No ye I kulu, I Lhou no I küzü yepüvü tsüe.

LESHELE 68:6

Alhou no thilimi pelo akibo lo xülupe; Pa no akughumi sasü kinikülü lalo saipeghi, ikemu hekibidemi ye qhaike yeghi lo küghüna peke.

JEREMIYA 40:1

Jerusalem ngo Judah lono ayikichhe no tshüpe Babylon lo akughu shiwu chekeqo gholo Jeremiah ghi cheghi keu ithulu no Nebuzaradan no Ramah lono Jeremiah puwuve, tithiu Ampeu tsa Jeremiah lau ighi.

DANIEL 3:28

Nebuchadnezzar no pi, “Shadrach, Meshach, eno Abednego noqo Lhou sheqhelo, Pa no Paw kungumi puwu no Pa qemi, Pa pülübe chekemi xaphelue, panongu no pano Lhou likhi kumo aye kütami lhou qe eno mlla moniye akükau yezah qhive no pano phimpi ghi pephe tsüve ke.

MATTHEW 2:13

Kughou panongu no wove keno, julo, Ampeuw kungumi lakhi no asamou no Joseph lau ipeghi no pi, “Ithulo, eno anu ngo paza sasü Egypt lo povelo, eno I no o vilo pimoke kutolo tilau ngo aghilo, kughengu Herod ye anu kütsave nike phuniye ani.”

Apostolmi 12:8

Kungumi no pi, “O phimini eno o pukhukuqho puluve lo.” Peter no tishive kelo kungumi no pi, “Ow hebephi puve no I papelo.”