Apostolmi 12:23 - Sumi Naga CL (Re-edited) Bible (BSI)

²³ Paikhavi Ampeuw kungumi no pa hekuluve, kughengu pa no ajekipi Alhou tsümo ke, eno pa ye apithe no tsaqhi no atuthu kishekhave.

BAIBEL (BSI)

²³ Zuleno Ampeu wu kungumino pa hekuluqhive, kughengu pano ajekipi Alhou tsumo kehu; eno paye apitheno tsaqhi pithive.

Sümi Tiqhelimi Bible

²³ Zülile no, Ampeu’w kungumi lakhi no Herod hekuluqhive, eno pa ye apithe no tsaqhi pìthíve, kughengu pa no akishé Alhou tsümo ke.

Apostolmi 12:23 Referans Kwoze

2 Thes. 2:4

pa no alhou ipi chekeu momu ajulho kümlla jeli mjochile no tipaqo shoqa nani, eno pa ampi pesü Alhou kepi sheshu no Alhou chineki lo pa kungo-a shinani.

LESHELE 115:1

Ni lau kumoe, O Ampeu, ni lau kumoe, ikemu ajuküvü pesü O je shilo, Ow iqemokeu kikimiye eno Ow pükhükulu ghenguno ke!

SAMUEL ATUGHIU 25:38

Eno atsala chighi thiu Ampeu no Nabal buve no pa ye thive.

EZEKEL 28:2

“Timi nu, Tyre kükapuu vilo pilo, Ampeu Alhou no ishi piani: “O mlo ye aqheküza eno nono pike, ‘Ni ye alhou, ni ye alhouqo lakhü lo eno azüghi mta lo iqa acheni,’ ikemu nono alhou toi kümsü anamu no ye timi thono alhou kumoe,

ISAIAH 66:24

“Eno panongu no kuwolau ye khunono I mjochile keno tipaqo kithi kumo ithulu nani. Kughengu panoqo kumo lo apitheqo ye khilemu thimo nani, eno ami no panoqo piti akeu khilemu inhemo nani. Panoqo ye timi kümtsü lau aphikümqhüpu shi ache nani.”

ISAIAH 51:8

Kughengu apila no aphimini toi panongu tsave nani, eno aninga no asüpha chukeshi panongu chuve nani, ikemu Iw achipiu-mikucho ye alholo ache nani, eno Iw xakulupu ye tiqheli kupuju lo ache nani.”

IPEKULU 12:29

Zübumta lo Ampeu no Egypt yeghi lo anu anoghiu kümtsü pithive tsü, Pharaoh khuu pa kükalakhü lo iqa akeno pa nu anoghiu lono akughumi khakütha lo akeqo nu anoghiu, eno atsü-aqu piti tüghüu kümtsü pithive tsü.

EZEKEL 28:9

O ghiqhini kemi zülo no ye timi thono alhou kumo keghi pano nhethe lono no ye itaghi, ‘Ni ye alhou ke,’ ipi ani keshea?

ISAIAH 37:23

“No ye khuu phimo eno thaighave akea? Khuu shou o sütsa süqhepe eno o nhethi xukidepe jupuku kea? Israelmiw Akimtheu shou ke!

ISAIAH 14:11

Akighilebo no o shipili, o kijivile chekeu ye Kithigha lo saiqighivae; ashikuchu pithe no o züa küqhaphi, eno apithe no uküzüphi shiniae.

JOB 19:26

I yiko kuchopu hitoi tsaphe pinyive kethiu, I phiashi hipau lono I no Alhou ithulu nanie,

JOB 7:5

I phiashi ye apithe ngo apiyikola no küzü luvae; I yiko no mkamghaive no ani pholeke.

YEKIKITHI AKINIU 32:21

Ikelo Ampeu no kungumi puwu no Assyria kükau ghazü lo aghütomi ngo ghüshimi zatsümi eno kijemi kümtsü heqhive tsü. Tighenguno pa ye kujoqhiyi idechile pa ghakhu lo wove. Kughou pa no pa lhou kilo iloghi keno, pa nuli khami no azütakikihi pesü pa ghiqhive.

KUKAMI AKINIU 19:35

Tipaji Ampeuw kungumi no wuno Assyriami ghazü lo ghüshimi lakh lakhi qhethonhe lhotache pungu heqhive tsü. Kughou thanau inaqhe panongu no ithughi keno, akumo no aqha kümtsü aghi.

IPEKULU 12:23

Kughengu Ampeu no Egyptmi heqhini ke hechewu nani, eno kughou Pa no ahukikha tsükucho kini eno ahukikha lo aji ithuluni keno, Ampeu no ahukikha tipau heche wuve nani eno hekiqhiu pelo nongu pithi nike no kilo iloghi pemo nani.

IPEKULU 12:12

Kughengu tipaji I no Egypt yeghi heche wunani, eno Egypt yeghi lo timi eno lhoxü anoghiu kümtsü I no ghiqhive nani; eno Egyptmi lhouqo kümtsü shou I no küghakütha benani: Ni ye Ampeu ke.

IPEKULU 10:3

Ikehu Moses ngo Aaron pama no Pharaoh lau wuno pa vilo pi, “Ampeu, Hebrewmi Lhou no ishi piani, ‘No ye I zülo ado khitohi no ampi pesü aqhokigheu shini keu mili anani kea? Iw timiqo puwuvelo, tishianguno panoqo pelo I qelu pelo.

IPEKULU 9:17

No ye itehi kutolo no ampi sheqhe ghi Iw timi mjochile ani eno panoqo puwu amoe.

Apostolmi 5:19

Ikemu putho lono Ampeuw kungumi no akughuki hukikha khaqhive no panongu saipeghi no pi,

Apostolmi 12:22

Timiqo no ighamku, “Hi ye alhou tsapi kethono timi tsapi kumoe!”

AHOLE 12:8

Milakhi no akükümsü kivi akeu vecheo akishe ithulu cheni, ikemu ihoghülai keu mlo xapu chekemi ye thogha cheni.