Apostolmi 10:9 - Sumi Naga CL (Re-edited) Bible (BSI)

⁹ Thoghiu panongu no Joppa toniche kelo, Peter ye akighini shinike puchou ayi chighikini qhalo aki kütsüqa lo iku.

BAIBEL (BSI)

⁹ Thoghiu, timi tipaqono chesuwo Jopa toni chekelo, Pitor ye akighini shinike puchou aki kutsuqalo iku.

Sümi Tiqhelimi Bible

⁹ Tishiwo thoghiu kughou puchou ghuloki lo panongu no kicheghüzü shisü wo Joppa kupunúve keno, Peter ye akighini shi niye aki kütsüqa lo ikuve.

Apostolmi 10:9 Referans Kwoze

ZEFANIA 1:5

aki kütsüqa lono atsütsü lo aqokitikhi zülo qhoqhü chekemi, Ampeu zülo itsaqi eno tushoqhi ani kemu Milcom vecheo ghi tushoqhi chekemi,

LESHELE 55:17

Avela, inaqhe eno puchomghü lo I no muchho eno aghuju shi igha, eno Pa no I sütsa chilu tsüe.

Apostolmi 6:4

Eno ningu ye akighini eno atsa shekushu kümla lo ado tsüveni.”

Mark 6:46

Tithiu pa ye akighini shiniye naghuto lo iqhove.

Mark 1:35

Thanau tsükutho lau Jisü no itheno ithuve no züghüi aphi lono yenguyi ke-a lo wuve, eno tilauno inikhue.

MATTHEW 27:45

Tile puchou mta lono avelau ayi küthü kihe kutolo ayeghiqha kümtsü aküzü no nhaluve.

MATTHEW 24:17

Aki kütsüqa lo akemi no pa ki alou anhemgha lunike aqhou iqi kevilo,

MATTHEW 20:5

Ikehu panongu no huve. Tithiu pa no puchou lhuba ghuloki lo wuno kütamiqo ghi azüu tholono puhuve.

MATTHEW 6:6

Ikemu kughou nono inikhuni keno, o chebo lo ilolo eno aki khaveno tuqhoushi achekeu o Pu lau inikhu lo. Eno tuqhou no ithulu chekeu o Pu no ajume o tsü nani.

DANIEL 6:10

Kughou Daniel no kiyepa lo jemchi süvae pi ithive keno, pa ye pa ki kunguu chebo lo alasheqo Jerusalem küdau khaqhipe qhi chekeu lo ikuve. Pa no azüu shiche ketoi, atsala lo ghuthu küthü qhoqhünhe no akighini shi eno pa Lhou zülo shikimthi tsüe.

JEREMIYA 32:29

Chaldeami no mishighüna hipau sasü aghüshi akelo ighi no ami süvetsü nani, eno aki khipaqo kütsüqa lono Baal lau akümllagho leqhitsü eno kütau lhouqo lau atsaiji kümllagho tsükeu lono I mlo shikighide cheni keno ti kümtsü pitive nani.

JEREMIYA 19:13

Jerusalem ngo Judah kükami kiboqo eno aki khijeno akütsüqa lono akümllagho pe aqhi ayepu mllauve, eno atsaiji kümllagho pesü kütau lhouqo lau lephetsü keno, kümtsü Topheth toi kitiqevae.’”

SAMUEL ATUGHIU 9:25

Kughou panongu no qhemghaike-a lono iqighive keno, aki kütsüqa shou Saul ghenguno alüpa lakhi kutotsü, eno pa no züuve.

1 Tim. 2:8

Ikehu, ni ye kiptimi pelo axuide eno kütsala mono aqha kümtsü lo pano u kimthe peqhepe akighini shipeni shi;

Ephesiami 6:18

Ado kümtsü lo Aghungu lono Alhou vilo khu, eno qhüiniju keu kighini shilo. Tipau kimji lono tsükhüi shino küpülümi ghenguno khuini tsülo.

SAMUEL AKINIU 11:2

Ghulo lakhi avelau David no pa zü-a lono ithughi no kükaki kütsüqa lo ala cheche kelo, pa no akütsüqa lono totimi lakhi azü kuchhu aghikeu ithulu; li ye ighono ajukivie.

Apostolmi 10:3

Ghulo lakhi avelau ayi küthü kihelo Alhouw kungumi lakhi no pa lau ighi no, “Cornelius” ipikeu pa no kungunhetsü lono mtsüqhei ithulu.