Apostolmi 10:1 - Sumi Naga CL (Re-edited) Bible (BSI)

¹ Caesarea lo Italia Ghüshimi ipikeu loji lo aqhe zatsüu Cornelius ache.

BAIBEL (BSI)

¹ Kaisaria lo Rom ghushimi “Italia Ghushimi” ipikeu lojilo keptein Kornelia ache.

Sümi Tiqhelimi Bible

¹ Caesarea lo timi lakhi Cornelius ipikeu ache, pa ye Italymi Ghüshimi ipi chekeu lo aqhe shou zatsüu lakhi ke.

Apostolmi 10:1 Referans Kwoze

Apostolmi 27:1

Kughou Italy lo ningu puwuve nike xathave keno, panongu no Paul ngo akughumi kütami khami pesü Akükau Ghüshimi mqo lo aqhe zatsüu Julius ipikeu picheve tsü.

MATTHEW 27:27

Tileno Angh ghüshimi no Jisü sasü Anghw oking lo wuve, eno ghüshimi aqokitikhi sawo pa süho luve.

Apostolmi 8:40

Philip ye Azotus lo aghive, eno Caesarea tomoke kutolo aphughi pa no hecheke kümtsü lo atsakiviu pesü sheshue.

Apostolmi 27:43

Ikemu aqhe zatsüu no Paul xaluni shi kehu panongu kukughu lakhave. Eno khunoqo no azü ghathi ani keno tipaqo paghi ilhe ilo no amkü lo ipe penike pa no azah tsü,

Apostolmi 25:1

Festus no aghakhu lo ighi keu atsala küthü thiu, pa no Caesarea lono Jerusalem lo iqho.

MATTHEW 27:54

Ghüshimi aqhe shou zatsüu eno pa gholo akeqo no Jisü khekuto akelo ayeghi küghütha eno tile kiu shive keno kümtsü ithulupe thüghüive no pi, “Pa ye kuchou no Alhou Nue!”

Apostolmi 27:31

ikemu Paul no aqhe zatsüu ngo ghüshimi vilo pi, “Timi hipaqo no zükilu lo ngomo aye nongu ye xümoae.”

Apostolmi 25:13

Atsala hami thiu, akükau Agrippa ngo Bernice pama Caesarea lo ighi no Festus sasü kusholu.

Apostolmi 23:33

Kughou panongu no Caesarea tove no yesü angh tsü keno, panongu no Paul ghi sawo pa zülo qhitsü.

Apostolmi 23:23

Tileno zatsüu no aqhe shou zatsümi kini kuno pi, “Itiji ayi toku kihelo ghüshimi 200, tipau gholo khurshimi 70, eno angu kipemi 200 ishi Caesarea kutolo wukepu shi kutolo.

Apostolmi 22:25

Ikemu panongu no pa ghaqhi niye tshüve kelo, pa no ghüshimi aqhe zatsüu tile akeu vilo pi, “Rome ghakütsami eno akipimi küha keu shou hepukuni keu ye o ghenguno ayezah kiqilo keshea?”

Apostolmi 21:8

Thoghiu ningu ye Caesarea lo ighi no tile tsavipeu Philip, tsüni kishelu keqo gholo lakhi, kilo wuno pa gholo ngove.

John 18:12

Jewmi ghüshimi eno panongu shou kepten ngo kijemi no Jisü küghape tshüluve.

John 18:3

Ikehu Judas no achinetomi ngo Phariseemi launo ghüshimi amqo lakhi eno kijemi khami sasü amizükulu ngo akuluqhe eno azüta angu pesü tile wu.

Luke 7:2

Tile ghüshimi aqhe zatsüu kilo aqeliu lakhi khuu pa no kimiye che keno, li ye aküsü no thiveni keshi ae.

Mark 15:16

Tithiu ghüshimi no Jisü sasü kükaki (ti ye anghw oking) alou ilove, eno pano loji lo kütami ghi kukütsü kha.

Apostolmi 10:24

Panongu no aküthüni no Caesarea lo ighi. Cornelius no pa bolomi ngo shompami kukumqo no panoqo huqhe aghi.

Apostolmi 21:31

Panongu no pa pithive niye akelono Jerusalem lo mqhumza anie pikeu sütsa Rom ghüshimi zatsüu tove.