Apostolmi 1:13 - Sumi Naga CL (Re-edited) Bible (BSI)

¹³ Panongu no ighi no kunguu chebo lo ikuve, Peter, John, James, Andrew, Philip, Thomas, Bartholomew, Matthew, Alphaeus nu James, Zealot mqo lomi Simon, eno James nu Judas.

BAIBEL (BSI)

¹³ Panonguye aphughilo ilo puzu panonguno ngochekeu ki kunguu chebolo ikue: Pitor, Johan, Jems, Andrew, Filip, Thoma, Bartholomew, Mathi, Alfius nu Jems, aza yeghi kimiyekicheu Simon, Jems nu Judas ngo ishi.

Sümi Tiqhelimi Bible

¹³ Panongu no ighive kethiu, panongu ye panongu no kunguu ngo chekeu chebo lo ikuve. Tile akemiqo ye: Peter, John, James, eno Andrew; Philip eno Thomas; Bartholomew eno Matthew; Alphaeus nu James eno azá yeghi kimiye kicheu Simon eno James nu Judas.

Apostolmi 1:13 Referans Kwoze

Apostolmi 20:8

Ningu no akeu kunguu chebo lo akulu kutomo ae.

Luke 22:12

Pa no aki kunguu jolha lo achebo kuloghi kutope püakeu nokujo piye nani ke tile kutolo.”

Mark 14:15

Pa no ajolha kunguu lo achebo kuloghi lakhi kutope püaghi keu nokujo piye nani, tile ningu ghenguno kuto aghilo.”

Mark 2:14

Tithiu pa no wuche kelo Alphaeus nu Levi zame qhakütsü-a lo apushonha qholo iqa aghi keu ithulu, eno Jisü no pa vilo pi, “I papelo.” Levi no ithu pa pape wuve.

James 1:1

Jisü Khristo qeu James no khunoqo apanagha hakiphive akeno, ashiaye chighikini lau ye ani. Petha tsü ani:

Apostolmi 12:17

Panongu pelo inaqhoive peniye pa no au kütsüpe tsüno Ampeu no akughuki lono kishi pa saipeghi keno kishekulu lhepiye. Pa no pi, “Hipau pesü James ngo athiküzümi vilo pilo.” Eno pa ye a-a kütau cheve.

Apostolmi 2:38

Peter no panongu vilo pi, “Nongu xine qhivetsü kepushi xaideghi no Jisü Khristo je lono baptiz shilulo, eno nongu no Aghungu Kimthe gho ithulu nani.

Jude 1:1

Jisü Khristo qeu eno James thiküzüu Jude, Alhou no kuluve kemi, Apu Alhouw kikimiye lo akemi, eno Jisü Khristo ghenguno süsho püakemi lau yelu ani:

Galatiami 2:9

kughou James ngo Cephas eno John, atsükuchoqo ipiche keqo no I lau küpükini tsü püakeu vethalu keno, panongu no Barnabas nikujo ikhilu eno ningu lakhi kepi sasü kuposhu, ikehu ningu no aphighü yiko ghamo kemi Jewkumomi lau wunikeu shi eno panongu no aphighü yiko ghave kemi lau wunikeu shie.

Galatiami 1:19

Ikemu ni ye Ampeu thiküzüu James thono apostolmi kütami khumu ithumlae.

Apostolmi 15:13

Pama no pitave kethiu James no khochile, “Athiküzümiqo, I tsa inilo.

Apostolmi 4:19

Ikemu pama no khochile, “Alhou nguno alau nongu gholuni keu ye Alhou zülo achipi kemo keno nongu no küghatha lo,

Apostolmi 4:13

Kughou panongu no Peter ngo John pama mlo kuloghi ithulu eno pama ye kighithimi kumo no inapüghami kepi ithi keno, panongu ye akichiqhive. Pama ye Jisü gholo kichemie pi panongu no michive.

Apostolmi 2:14

Ikemu Peter no chighiqhaqhi gholono puthugho no asütsa kuloghi lono timiqo vilo pi: “Judeami eno Jerusalem lo küamiqo, hi ithilo eno nongu kini kughope I tsa inilo.

John 21:2

Simon Peter, Thomas (Didymus ipi chekeu), Galilee Cana lomi Nathanael, Zebedee nu pama, eno akhopemi kütami kini ishi kümtsa ngoae.

John 18:17

Ahukikha lo akeu aqeliu no Peter vilo pi, “No ghi timi hipau khopemi lakhike kumo?” Pa no khochile, “Ni ye kumoe.”

John 11:16

Ikehu Thomas, khuu Didymus ipiche keno pa no aküsami akhopemi vilo pi: “Ningu ghi pa gholono thive kepushi wuni nolo.”

Mark 14:33

Pa no Peter, James eno John pa gholo sawu, eno tilau no pa ye shishe amlo kughuju shi ime thuve.

Mark 9:2

Atsala tsügho thiu Jisü no pa gholo Peter eno James ngo John sasü panoqo likhi atoghi kiqhe lo iqho. Eno tilau panoqo zülono Jisü ye ajuhi kilive,

Mark 5:37

Tishino Peter ngo James eno pa thiküzüu John likhi kumo aye khumu pa pape pemove.

MATTHEW 9:9

Jisü no tileno wuche kelo, timi lakhi Matthew ipikeu apushonha qholo aghikeu ithulu, Jisü no pa vilo pi, “I papelo.” Tileno pa no ithu Jisü pape wuve.

2 John 1:1

Alayeu no Alhouw kishekiphe atotiu eno li tianuli, khunoqo I no eno I likhi kumono kuchou ithi chekemi kümtsü no, kimiye cheni keno, panoqo lau yelu ani,

1 Kor. 15:7

Tithiu Pa no James zülo ipeghi, tishino apostolmi kümtsü zülo ipeghie.

John 14:22

Judas (Iscariot kumo keu) no pa vilo pi, “Ampeu, no ye kishino ayeghilomi lau kumono ningu lau no ampi pephe piyeni kea?”